ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

Қ.И.СӘТБАЕВ АТЫНДАҒЫ ҚАЗАҚ ҰЛТТЫҚ ТЕХНИКАЛЫҚ УНИВЕРСИТЕТІ

Геологиялық барлау институты

Мұнай және газ геологиясы кафедрасы

Студенттің пәндік

ОҚУ-ӘДІСТЕМЕЛІК КЕШЕНІ

МҰНАЙ ЖӘНЕ ГАЗ ГЕОЛОГИЯСЫ ПӘНІ БОЙЫНША

050706 ГЕОЛОГИЯ ЖӘНЕ ПАЙДАЛЫ ҚАЗБАЛАР КЕНОРЫНДАРЫН БАРЛАУ МАМАНДЫҒЫ ҮШІН

Алматы 2005

Қ.И.Сәтбаев атындағы ҚазҰТУ студенттеріне арналған 050706 Геолoгия және пайдалы қазбалар кенорындарын барлау мамандығы бойынша Мұнай және газ геологиясы пәнінің оқу-әдістемелік кешені

Құрастырған Алматы: ҚазҰТУ, 2005ж.,

Құрастырушылар Абишев Болат Мүслімұлы

Исаев Абай Әбдімәжитұлы

Қасымова Назерке Қошқарбайқызы

Аңдатпа (аннотация) 050706 Геология және пайдалы қазбалар кенорындарын барлау мамандығы бойынша білім алатын студенттер үшін Мұнай және газ геологиясы пәніннің оқу-әдістемелік кешені аталған пәннің негізгі мән-мазмұнын көрсетеді. Студенттер бұл оқу-әдістемелік кешенін пайдалану арқылы оқу уақытын дұрыс өткізуіне, өздік жұмысты ұйымдастыруына сонымен қатар, танымдық және шығармашылық белсенділігін арттырады. Мұнай-газ геологиясы мұнай мен газдың жаралу тегін, жер қойнауында жатыс жағдайларын және олардың геологиялық даму тарихын зерттейді. Осыған сүйеніп мұнай-газ жиналымдарын іздеу, барлау және игеру жұмыстарының ғылыми негізі жетілдіреді. Мұнай-газ геологиясында теориялық сауалдарды шешу өте маңызды. Мұнай және газ геологиясы курсында мұнай геологиясы негіздері, мұнай мен газдың химиялық құрамы, физикалық қасиеттері, жаралу тегі, коллектор және флюидтіректі тау жыныстар, мұнай газ шоғырлары мен кен орындарының құрылысы, жер қыртысында таралу заңдылықтары туралы түсінік беріледі. Мұнай-газ іздеу және барлаудың геологиялық, геофизикалық, геохимиялық әдістері олардың қорын есептеу мазмұндалады. Мұнай мен газды іздеу және барлау жұмыстары қарастырылады. Мұнай-газды территорияларды мұнай-геологиялық аудандастыру принциптері айқындалады. Мұнай-газды провинциялар, облыстар, бассейндер белгіленіп, оларға толық түсініктеме беріледі. Қазақстан мұнай-газ аймақтарының геологиялық құрылысы мен мұнайгаздылығы қарастырылады, соның ішінді Каспий маңы, Тұран провинциялары, Оңтүстік-Маңғыстау, Оңтүстік – Торғай, Шу-Сарысу облыстарына сипаттама беріледі. Мұнай-газ геологиясы мұнай және газ кенорындарын іздеу, барлау және игерудің теориялық негізі болып табылады.

© Қ.И.Сәтбаев атындағы

Қазақ ұлттық техникалық университеті, 2005

1 Пәннің оқу бағдарламасы – syllabus

1.1 Оқытушылар туралы мәліметтер:

Сабақ жүргізетін оқытушы Абишев Болат Мүслімұлы

Исаев Абай Әбдімәжитұлы

Қасымова Назерке Қошқарбайқызы

Байланыс түрі 8 3272 92 90 53 (2-35)

Кафедрада болатын уақыты 409 БОҒ

1.2 Пән туралы мәліметтер:

Пән атауы Мұнай және газ геологиясы

Кредит саны 3

Өткізу орны

1-кесте

Оқу жоспарының көшірмесі

Курс	Семестр	Кредит тер	1 аптадағы академиялық сағаттар
			Дәрістер	Лаб. сабақтар	Тәжіри белік/ семин. сабақт.	СӨЖ	СОӨЖ	Барлығы, 1 аптадағы академ. сағаттар	Бақылау түрі
1	2	3	4	5	6	7	8	9	10
2	3	3	2	1		3	3	9	Емтихан

1.3 Пререквизиттері: химия, физика, биология, жалпы және тарихи геология, құрылымдық геология және петрография.

1.4 Постреквизиттері: Іздеу мен барлаудың геофизикалық әдістері, Ұңғымаларды бұрғылау, Пайдалы қазбалар кен орындарын іздеу және барлау.