90. Қазақстан халқы Ассамблеясының тарихы.

Қазақстан Халықтары Ассамблеясы Қ.Р-сы Президентінің 1995ж жарлығына сәйкес мемлекет басшысы жанындағы кеңесу органы ретінде құрылды. Ассамблеяның мақсаты мен міндеттері, жұмыс құрылымы мен ұйымдастырылуы қызметінің негізгі бағыттары Қазақстан Халықтары Ассамблеясы Стратегияларында белгіленген. Ассамблея құрамы мемлекеттік органдар, мәдени және басқа да қоғамдық өкілдері, қоғамдағы беделі мен белсенділігі ескерілген адамдардан құралады. Ассамблеяның жұмысшы органы Қ.Р. Президенті әкімшілігі құрам ына кіретін Секретариат болып табылады. Өз қызметі барысында Қаз. қоғамын одан әрі экономикалық және саяси құруға байланысты қоғамдық өмірдің маңызды мәселелерін талқылауда атсалысады. Ұлтаралық мәселелерді тиімді шешудегі ел ретіндегі Қ.Р-ның халықаралық беделінің өсе түсуіне ықпал жасайды. Ассамблеяның нақты әрекеттері Қаз-да тұратын барлық этностардың мәдениеті мен тілдерін дамыту үшін жағдай жасайға бағытталған. Олардың қатарында Қаз. халықтарының фестивальдері, ана тілін білуге арналған конкурстары, тіл саясаты бойынша семинарлар мен конференциялар бар.

91. Астана – Қазақстан Республикасының астанасы.

1991 жылы Қазақстан тәуелсіздікке қол жеткізгеннен кейін астананы елдің оңтүстік-шығысынан республиканың орталығы бөлігіне көшіру мәселесі көтерілді. Қазақстан Республикасының Президенті Н.Ә. Назарбаевтың тапсырмасы бойынша мемлекеттің жаңа астанасын орналастыруға оңтайлы қаланы анықтау мақсатымен республиканың бүкіл аумағы мұқият зерттелді. Талдау қорытындылары барлық нұсқалардың ішінен ең қолайлысы Ақмола қаласы екендігін көрсетті. Бұл қаланың орналасқан орны сәулетшілік тұрғысынан кез келген жобаны жүзеге асыруға мүмкіндік береді. Оның үстіне Қазақстанның географиялық орталығы ғана емес, қала елдің аса маңызды шаруашылық аймақтарына таяу, ірі көлік жолдарының торабында орналасқан. Мамандардың бағалауы бойынша Ақмолада тұрғын үйлер мен әкімш., іскерлік ғимараттарын салу бағасы Алматымен салыстырғанда едәуір арзанға түседі, бұл – шығынды азайтуға мүмкіндік береді. Республиканың Жоғарғы Кеңесі ел Президентінің айқын дәлелдерімен келісіп, оның астананы Ақмолаға көшіру туралы ұсынысын мақұлдады. 1995 жылы 15 қыркүйекте Қазақстан Республикасының Президенті Н.Ә. Назарбаевтың “Қазақстан Республикасының астанасы туралы” Заң күші бар Жарлығы жарияланды. Осы уақыттан бастап Республиканың Президенті резиденциясының тұратын жері Ақмола және Алматы қалалары болып белгіленді. Жоғары мемлекеттік органдарды Ақмола қаласында орналастыру жөніндегі жұмысты ұйымдастыру үшін Қазақстан Республикасының мемлекетік комиссиясы құрылып, оған орталық және жергілікті атқарушы органдардың бұл мақсаттағы атқаратын қызметін үйлестіру құқығы берілді. Президент Жарлығы бойынша Республика үкіметі Ақмола қаласын абаттандыру жөніндегі бюджеттен тыс қаражатты жинақтау мақсатында “Жаңа астана” қорын ашты. 1997 жылы 20 қазанда Президент Н.Ә. Назарбаев Қазақстанның жаңа астанасы Ақмола қаласы болғанын ресми түрде жариялады. 1997 жылы 8 қарашада Қазақстан Республикасының мемлекеттік рәміздері мен Президент байрағын Алматыдан Ақмола қаласына шығарып салудың салтанатты рәсімі өтті. 1997 жылы 3 желтоқсанда Қазақстан Республикасының Премьер-Министрінің кеңсесі Ақмолаға көшті. Сол жылғы 9 желтоқсанда Қазақстан Республикасының Президенті Н.Ә. Назарбаев Ақмолаға ресми түрде аттанды. 1998 жылы 6 мамыр күні Президент Жарлығымен Ақмола қаласының аты Астана болып аталды. Қаланың Қазақстан Республикасының астанасы ретіндегі ресми тұсаукесері 1998 жылы 10 маусымда болып өтті.