25. Ақпараттық жүйені құрастырудың мақсаты не?

Жүйе дегеніміз бір мезгілде әрі біртұтас, әрі әртектіэлементтердің жиынтығы алға қойған мақсаттарға қол жеткізуге орай біріктірілген ұғым ретінде қарастырылатын кез келген объекті болып табылады.Ақпараттық жүйе – алға қойылған мақсатқа жетуге орай ақпаратты сақтау, өңдеу және беру үшін пайдаланылатын құралдардың, әдістер мен жұмыскерлердің өзара байланысты жиынтығы. Ақпараттық жүйені қазіргі заманғы түсіну жеке компьютерді ақпаратты өңдеудің негізгі техникалық құралы ретінде пайдалануды білдіреді. Компьютерлер мен ақпараттық жүйелермен арасындағы айырмашылықты түсіну қажет. Ақпараттық жүйе компьютерлермен және телекоммуникациялармен өзара әрекет ететін қызметкерсіз ақылға қонбайды. Алғашқы ақпараттық жүйелер 50-жылдары пайда болды. Бұл жылдары ол шоттар мен еңбекақы есептерін өңдеу үшін арналған еді, оған электромеханикалық бухгалтерлік есептеу машиналары қолданылды. Бұл қағаз құжаттарын дайындауға кететін шығындар мен үнемдеуге тиісінше көмектесті. 60-жылдары ақпарат жүйелеріне деген көзқарас жаңаша сипат алды. Олардан алынған ақпарат көптеген параметрлер бойынша мерзімдік есептемеде қолданыла бастады. Бұл үшін ұйымдарға бұрынғыдай тек шоттарды өңдеу мен еңбекақыны есептеп қана қоймайтын, сонымен бірге көптеген функцияларды атқаруға қабілетті, ауқымды мақсаттағы компьютерлік қондырғы талап етілді. 70-жылдары және 80-ші жылдардың бас кезінде ақпараттық жүйе қабылданған шешідер үдерісін қолдайтын әрі жеделдететін басқару бақылауының құралы ретінде кеңінен қолданыла бастады. 80-ші жылдардың аяқ кезінде ақпараттық жүйені пайдаланудың тұжырымдамасы қайтадан өзгеріске түсті. Олар енді ақпараттың стратегиялық қайнар көзіне айналады және кез келген профильді ұйымдардың барлық деңгейлерінде қолданылады. Осы кезеңнің ақпараттық жүйелері уақытында керекті ақпаратты бере отырып, ұйымға өзінің қызметінде табысқа жетуді ұйымдастыруға, жаңа тауарлар мен қызмет көрсетулерді жүзеге асыруға, сатудың жаңа рыноктарын табуға, өзіне лайықты серіктес табуына, өнімді төменгі бағада шығаруды ұйымдастыруға және т.б. көмектесті.Ақпараттық жүйелерді енгізу: • Математикалық әдістер мен интеллектуалдық жүйелерді енгізу есебінен басқару міндеттерін шешудің неғұрлым ұтымды нұсқаларын алуға және т.б. • Жұмысты автоматтандыру есебінен қызметкерлерді ескі көзқарастан арылтуға; • Қағазда жазылатындарды магниттік дискілерге немесе таспаға ауыстыруға, бұл компьютерде ақпаратты өңдеуді неғұрлым ұтымды ұйымдастыруға және қағаздарға жазылатын құжаттардың көлемін азайтуға жағдай жасайды; • Фирмадағы құжат айналымының жүйесі мен ақпарат ағындарының құрылымын жетілдіруге; •Өнімдерді өндіруге және қызмет көрсетулерге шығынды азайтуға; •Тұтынушыларға жоғары дәрежеде қызмет ұсынуға; •Жаңа .арықтың мүмкіндіктерін іздеп табуға; • Сатып алушылар мен жеткізушілерге әр түрлі жеңілдіктер мен қызмет көрсетулерді ұсыну есебінен оларды фирмаға тартуға жәрдемдеседі. Қазіргі кезде адамдар ақпараттық жүйені бір хабарламаны өңдеу, жіберу, алу, анализін жасау, берілген ақпаратпен қажетті операцияларды жүргізу үшін пайдаланады. Ақпараттық жүйені пайданалануда ең бірінші сол жүйемізді толық тексерістен өткізуіміз керек. Себебі, егер жүйеміздің бір жерінде ақау болса, ол біздің алдағы жұмысымызға үлкен зиян келтіруі мүмкін. Көптеген адамдар ақпараттық жүйе құрастырудың басты мақсаты ақпарат жинау деп немесе сол ақпараттарды өңдеу үшін деп жауап береді. Негізінде бұлардың бәрі ақпараттық жүйе құрастырудың негізгі мәселелерінің бірі болсада, мақсаты емес. Кез келген ақпараттық жүйені белгілі бір басқару мәселсін шешу үшін енгізеді. Және дәл сол басқару ақпараттық жүйе құрастырудың басты мақсаты болып келеді.