Дайындау тәсілі

1. Жасанды тіс үшін сауыттың түсін, пішінін, өлшемін жалпы қабылданған сұлба бойынша анықтайды (түс – түстеме бойынша, пішін – бет келбетіне қарай, өлшемі – тістер енін қарама-қарсы жақтан өлшеу арқылы не қатар тұрған тістердің арақашықтығын өлшеу арқылы).

2. Жасанды тісті жиынтықтан (гарнитурадан), бұл неғұрлым оңай, немесе бос қалған тістерден таңдайды.

3. Тістің сай келуін ауыз қуысында тексереді.

4. Жасанды тісте, мысалға, металл цилиндр фреза көмегімен ауыз бөлігінің үлесін қабықша (скорлупка) алу үшін жонып тастайды.

5. Қабықшаны ауыз қуысында тіске кигізіп көреді. Дайындалған қабықша вестибуляр бетін және апроксималды беттерінің бөлігін жабуы тиіс. Қабықшаны тіске орнатқанда қызылиекті жарақаттамауды ескерту қажет.

6. Егелген тіс тұқылын, шырышты қабатты, қатар тұрған тістерді қорғау қабатымен, мысалға, вазелинмен жабады. Осылай протез өрісін қорғайды.

7. Өзі қататын пластмассаны илейді, ал пластмасса қабықшаның ішкі бетіне акрил мономерін жағады.

8. Пластмасса қамырға айналған соң оны шпательмен тұқылға жағады. Науқастан тісті түйістіруді сұрайды. Икемделген қабықшаны орнатады.

9. Полимерлеудің резеңке тәріздес сатысында пластмасса құрылымын тістен түсіреді.

10. Науқас мұқият аузын шайған соң сода ерітіндісімен, тұқыл мен шырышты қабығын асқын тотығымен өңдейді.

11. Өздігінен қататын пластмасса толық полимерленген соң тіс мойны ізі бағытында пластмассаның артығын кетіреді, тегістейді, ауыз бетін жылтыратады.

12. Сауыттың беку тығыздығын тексереді. Тістем бойынша түзетеді, уақытша тісте бекітеді.

Осы әдістемені пайдаланғанда дайын сауыттың ішкі бетін түзету қажеттілігі туындауы мүмкін.

Өздігінен қататын пластмассаны қолданып, тіссауыттың анатомиялық пішініне сәйкес келетін целлулоид (полиэтилен) қалпақша көмегімен уақытша тіссауытты тура әдіспен бір сеанста дайындау

5 .9-сурет. Өздігінен қататын пластмассаны қолдана отырып, тіссауыттың анатомиялық пішініне сәйкес келетін целлулоид (полиэтилен) қалпақша көмегімен уақытша тіссауытты тура әдіспен бір сеанста дайындау.

Егелген тістің қатты тіндерін сақтау үшін не бітемені сұлбалау мақсатында стандартты целлулиод қалпақшалар не поликарбонат сауыттар қолданылады, оларды көп фирмалар ұсынады. Әдістеме сыртқы беті тегіс сауыт алуға мүмкіндік береді, мұның өзі оған жұмсақ қақтың берік орнығуына жол бермейді. Сонымен қатар бекіту алдында уақытша сауытты тегістеу де қажет емес. Полимер контрштамппен үлгіленеді. (5.8.-сурет).

1. Анатомиялық пішіні тіссауытқа сәйкес келетін целлулоид қалпақшаны, мысалға, уақытша сауыт не сұлбалы бітемелер үшін дайындаманы ауыз қуысында тіс тұқылына кигізіп көреді. Кигізіп көрерде жақ сүйектерді орталық окклюзия күйінде түйістіреді.

2. Егелген тіс тұқылына вазелин жағады.

3. Уақытша сауыт үшін полимер материал дайындап, оны қалпақшаға салады. Полимерлену қамыр тәрізді сатыға жеткенде, «қалпақша-полимер» жүйесін тұқылға орнатады. Науқастың жақ сүйектері орталық окклюзия күйінде болады.

4. Резеңке тәрізді сатыда «қалпақша-полимер» жүйесін ауыз қуысынан шығарады.

5. Ауызды сода ерітіндісімен мұқият шайған соң шырышты қабатты сутегінің асқын тотығы ерітіндісімен өңдейді.

6. Полимерлеу сатысы басталғанда қатты дене, қалпақша үшкір шпательмен кесіліп, уақытша сауыттан алынады.

7. Сауытты тұқылға орнатып, қажетті жағдайда мойны және окклюзия беті бойынша түзетеді (тістем биік болса).

8. Сауыт түзетілген болса, оны тегістеп жылтыратады.

9. Сауытты алынбайтын құрылым ретінде тіске уақытша бекітеді. Әдістемені қатар тұрған 1-2 тісті жеке сауыттармен протездегенде ғана қолданады.

Осы әдістің негізгі кемшілігі – уақытша құрылымда бекіткен соң тісаралық түйіспенің болмауы.