1. Валэктӥсь гожтэт:

Программалэн нимыз: Егит азьветлӥсьёслэн «Вамыш»

элькун дышетскон сменазы

Авторез: Ишматова Татьяна Витальевна - Удмурт Элькунысь йӧскалык политикая министрлэн воштӥсез, Вань удмуртъёслэн «Удмурт Кенеш» ассоциацизылэн вице-президентэз, Тронина Ольга Алексеевна – Удмурт егитъёслэн «Шунды» огазеяськонзылэн Правлениезлэн тӧроез

Кылдэм дырыз: проект гожтэмын 2007-тӥ арын, бӧрысь пыртамын воштонъёс.

Кулэлыкез:

Удмуртиысь туала каръёс, тужгес щоркарез – Ижкар, – огазеяло пӧртэм культураосыз но сямъёсыз. Карын улӥсьлы дышоно ялан вошъяськись улонлы, уно адямиосын тодматсконъёслы. Али гинэ вылӥ но шор дышетсконниосы пырем яке пырыны дасяськись удмурт егитъёслы ӵемысь выль интылы, шоркарлы, дышыны секыт, малы ке шуоно, тодосчиос верамъя, удмуртъёс возьдаськисесь, мурт верамъёсыз но дунъетъёсыз матэ басьтӥсесь. Валамон, выль югдур адямиез, ачиз шоры учконзэ воштэ. Озьы азинтӥськыны, усьтӥськыны луонлыкъёсыз ӧжытгес кылё. Сокращение возможности для успешного жизненного старта. Озьыен, валтӥсь ужпум – ас кылзэ, культуразэ но сям-йылолъёссэ тодӥсь адямиосты шараян, азинтон но будэтон.

Удмурт егитъёслэн мерлыко «Шунды» огазеяськонзы трос аръёс ӵоже егит азьветлӥсьёслы юрттэ. «Вамыш» радъяське 7 ар ӵоже (2007-2013). Та дыр ӵоже проектэ пыриськизы 350-лэсь уно удмурт егитъёс. Тросэз соос пӧлысь али «Шунды» огазеяськонлэн ёзчиосыз луо, пырисько ёзэтъёслэн ужазы, ужрадъёс радъяны юртто. Пусйыны кулэ, «Вамыш» лагере пыриськемъёс пӧлысь тросэз мерлыко ужен али но герӟаськемын но вожатой яке ӧнерчи луыса тыршо «Шундылэн» мукет проектъёсаз но: быгатӥсь удмурт нылпиос понна радъяськись «Шундыкар» но «Усточикар» лагерьёсын. Пусъёно, проект тросэзлы юрттӥз сюрессэс бырйыны но усьтӥськыны.

2. Кин пыриське проектэ:

Проектэ быгато пыриськыны удмурт кылын вераськись егитъёс (со понна соос заявка ыстыны кулэ):

- 10-тӥ-11-тӥ классъёсын дышетскисьёс;

- шор но вылӥ дышетсконниосысь 1-тӥ-2-тӥ курсъёсын очно амалэн дышетскись студентъёс.

3. Программалэн целез:

Удмурт егитъёсты кар улонлы дышетон.

4. Программалэн ужпумъёсыз:

- удмурт егитъёслы азинскыны луонлыкъёс кылдытон;

- лагере пыриськисьёслэсь инновационной удысын емышъёссэс вӧлмытон но азинтон;

- удмурт егитъёслэн шонер асдунъетсы мед луоз шуыса, азьветлӥсь сямъёссэс азинтон вылысь пумиськонъёс, семинаръёс, кенешонъёс, мастер-классъёс, ӵошатсконъёс радъян;

- шутэтскон дырез пайдаё но шонер ортчытон;

- «Шунды» огазеяськонлэн уженыз тодматон, выль ёзчиосты ужаз кыскон.

5. Программалэн пуштросэз, сое улонэ пыӵатонъя план.

Программалэн инъетаз – актёр мастерствоя школа, со ортчытэмын луоз лагере пыриськисьёслэсь быгатонлыкъёссэс азинтон вылысь (актёр мастерстволы, сцена вылын вераськонлы, грим лэсьтонлы, пластикая, хореографияя, вокалъя дышетскон).

2. Психологен ужан: психологической шудонъёс, шуг-секытъёсыз пырпотонъя упражнениос, ролевой шудонъёс, астэ возьматонъя но калык азьын вераськонъя тренингъёс.

3. Шутэтскон программае пыро удмурт егит азьветлӥсьёсын пумиськонъёс, анай кылын спортъя шудонъёс но ӵошатсконъёс, мукет ужрадъёс.

Программаез радъян:

Дасяськон люкет – 2013-тӥ арын коньывуон-толсур – проектэ пыриськисьёслэн даннойёсынызы банк кылдытон, быръён вожвылъяськонъёс радъян, проект сярысь газет-журналъёсын ивор сётон, ёросъёсын, проектлэн партнёръёсыныз кусып возён. Кураторъёсыз дышетон, ӧнерчиослы котырес ӝӧкъёс радъян, лагерь сменалы ужрадъёсын план гожтон.

Валтӥсь люкет – 2013-тӥ арын толшор – лагерез ортчытон.

Йылпумъясь люкет –2013-тӥ арын толшор-тулыспал – ужез дунъян: социологической юаськон, проектлэн командаеныз ужзэс дунъянъя котырес ӝӧк, отчётъёс лэсьтон, газет-журналъёсы проект сярысь ивор сётон уж.