3. K4[Fe(cn)6] ерітіндісінің дәл концентрациясын анықтау

Цинк сульфатының аликвотты бөлігіне 50 мл H₂O, 10 мл 50%-тік (NH₄)₂SO₄ ерітіндісі, 20 мл 3М H₂SO₄ (немесе 30 мл 2М H₂SO₄) қосылып, 50-60 С температурада қыздырылады. Ерітіндіге 3-5 тамшы 10%-тік K₃[Fe(CN)₆] және 2-3 тамшы дифениламин индикаторы қосылып, бюреткадағы K₄[Fe(CN)₆] ерітіндісімен түс күлгіннен ашық жасыл-көкке ауысқанша титрленеді. Әрбір K₄[Fe(CN)₆] ерітіндісінің тамшысынан кейін жақсы араластыра отырып, эквивалентті нүкте алдында титрлеу баяу жүргізіледі.

4. Зерттелетін ерітіндіден Zn²⁺ ионын анықтау

Өлшеуіш колбада берілген есепті дистилденген сумен белгіге дейін толтырып, араластырады. Анықталатын цинк сульфатының аликвотты бөлігін K₄[Fe(CN)₆] ерітіндісімен жоғарыда аталған әдіс бойынша титрлейді.

Есептегі цинк мөлшері мына теңдік арқылы табылады:

Өзіндік бақылау сұрақтары

1. Тұндырып титрлеу реакцияларына қойылатын талаптарды атаңыз.

2. Тұндырып титрлеу әдісіндегі титрлеу қисығы қандай координаталарда тұрғызылады?

3. Титрлеудегі секіру мәні немен анықталады? Ерітіндінің температурасы, K_s⁰, иондық күші және концентрациясы секіру мәніне қалай әсер етеді?

4. Гексацианферратметрияның маңызы неде? Қолданылатын жұмысшы ерітіндіні, индикаторларды атаңыз. Цинкты анықтаудың негізгі теңдеулерін жазыңыз.

5. K₄[Fe(CN)₆] ерітіндісі қалай дайындалады және оның молярлы эквивалентті концентрациясы қалай анықталады?

6. Қандай ортада цинкты тұндырып анықтағанда қателік аз болады а) әлсіз қышқыл орта, б) бейтарап орта, в) сілтілі орта? Неліктен?

7. Цинкты калий феррацианидімен анықтағанда дифениламин индикаторының маңызы қандай?