Құттықтаухат!

Құттықтаухатты қолданылуына қарай екі түрге бөлуге болады.

1. Ресми. 2. Бейресми.

 Анықтамасы:

Ресми құттықтаухат дегеніміз – ресми ұйымдар мен мекемелерді, лауазымды адамдарды құттықтаған жағдайларда арнаулы ресми құттықтау (адресат) түрінде жазылып, жолданады.

 Анықтамасы:

Бейресми құттықтаухат дегеніміз – жеке адамдарды маңызды мерекелерде, мерейтойларда тағы басқа жағдайларда жазылады.

Құттықтаухат құрметті, қадірлі, аса қадірлі, қымбатты деген сөздермен басталады.

Содан кейін құттықтау себебі жазылады. Сосын құттықтаушы қуаныш иесінің жетістіктері туралы хабардар екенін білдіруі қажет.

Мысалы:

– Сіз осы жылдар аралығында зор жетістіктерге (табыстарға) жеттіңіз.

– Біз сізді әділ басшы, іскер маман ретінде жақсы білеміз.

– Қызметкерлер арасында сіздің беделіңіз жоғары.

– Сіз өзіңізді іскер маман ретінде көрсете білдіңіз.

– Сіздің медицина (экономика, филология т.б) саласына, фирманың (кәсіпорынның, мемлекеттің) өркендеуіне қосқан үлесіңіз зор т.б.

Осыдан кейін ізгі тілектер жазылады. Соңында құттықтаушының аты-жөні шын жүректен, ізгі тілекпен, шынайы көңілден деген сөздермен аяқталады.

 Құрылымы:

• Қосымша сөздерден басталып, (мерейтой иесінің) аты-жөні

• Құттықтау себебі

• Құттықтау иесінің жетістіктері жайлы ізгі тілектер

• Қосымша сөздермен аяқталады, құттықтаушының аты-жөні

Құттықтаухатта қолданылатын сөздер:

Басында Соңында

Құрметті Шын жүректен

Қадірлі Ізгі тілекпен

Аса қадірлі Шынайы көңілмен

Қымбатты Ізгі ниетпен

Сүйікті Тілек білдіруші

Есте сақтаңыз!

Сізді

Тәуелсіздік күнімен Жаңа жыл мерекесімен Республика күнімен Халықаралық әйелдер күнімен Фирманың құрылғанына 2 жыл толуымен 55 жылдық мерейтойыңызбен

құттықтаймын!

• Үлгі-1: Ресми

Құттықтаухат!

Құрметті Мұхтарқызы Мөлдір!

Қазақстан Республикасы Әділет министрлігі Сізді кандидаттық диссертация қорғауыңызбен шын жүректен құттықтайды.

Біз Сізді білікті маман, тәжірибелі заңгер ретінде зор құрмет тұтамыз. Ұжымда істеген 15 жыл ішінде Сіз заң кеңесшісі қызметінен бөлім бастығы қызметіне дейін көтерілдіңіз, жас мамандарды даярлауға үлес қостыңыз. Қазақстандағы қаржы және экономика мәселелері бойынша байыпты еңбектер жарияладыңыз.

Құрметті Мұхтарқызы Мөлдір, әріптестеріңіз Сізді кандидаттық дәрежеге жеткен жетістігіңізбен құттықтайды. Сізге еңбекте табыс, отбасыңыздың амандығын тілейді.

Шынайы ниетпен: әріптестеріңіз.

Алматы қаласы,

11 қараша 2009 жыл

 

• Үлгі-2: Ресми