Алматы қаласы әкімшілігі

Алматы қаласы,

Сәтпаев көшесі 15 үй

Тел. 2-72-39-62

Факс. 2-72-45-12

09.11.2010. №55  

 

Алматы қаласының

орта мектептеріне

Ұлы Жеңістің 65 жылығына арналған

жас ақындар байқауы туралы

Ақпарат хат

 

Алматы қаласы әкімшілігінің ұйымдастыруымен 2010 жылдың 7 мамырында Республика сарайында Ұлы Жеңістің 65 жылдығына арналған “Ұлы Жеңіске тағзым” атты жас ақындар байқауы өтеді. Байқауға барлық орта мектептердің 9-11 сынып оқушылары қатыса алады.

Байқауда жастардың шығармашылығы, ақындық қабілеті және мәнерлеп оқу өнері бағаланады.

Байланыс телефондары: 2-72-26-13, 2-72-55-95

 

Алматы қаласы

әкімінің орынбасары: (қолы) С.Сейдуманов

Сұрақтарға жауап беріңіз.

1. Ақпарат хат қандай құжат?

2. Оның хабарландырудан қандай айырмашылығы бар?

3. Ақпарат хаттың құрылымы қандай?

 Тапсырмалар:

1. М.Әуезов атындағы қазақ драма театры Жеңіс күнінің 65 жылдығы мерейтойына арналМ.Әуезов атындағы қазақ драма театры Жеңіс күнінің 65 жылдығы мерейтойына арналған концерт өткізетіндігі туралы ақпарат хат құрастырыңыз.

2. Студенттердің ғылыми-практикалық конференциясы болатын-дығы туралы ақпарат хат құрастырыңыз.

3. Мұғалімдердің білімін жетілдіру институтының ұйым-дастыруымен 2010 жылдың наурыз айында «Қазіргі білім беру және оқытудың жаңа технологиялары» тақырыбында аймақтық семинар өткізілмекші. Осы жағдайға орай ақпарат хат үлгісін жазыңыз.

4. Облыстық іскер әйелдер қоғамының ұйымдастыруымен «Әйел және іскерлік әлемі» атты дөңгелек үстел өткізілмекші. Осы жағдайға байланысты күнін, өткізілетін орнын, қарастырылатын мәселелерін көрсетіп, ақпарат хат үлгісін жазыңыз.

5. «Жұлдыз» республикалық дарынды балалардың орталығында нақты ғылымдардан республикалық олимпиада өткізілмекші. Осы жағдайға байланысты олимпиаданың күнін, орнын, пәндердің тізімдемесін көрсетіп, ақпарат хат үлгісін жазыңыз.

6. «Атамұра» республикалық баспасынан осы жылы жоспарланған әдебиеттерді көрсетіп, ақпарат хат үлгісін жазыңыз.

Циркуляр хат

 Анықтамасы:

Белгілі бір мекеменің бөлімшелеріне атқаратын қызметіне байланысты тапсырма беру сипатындағы бір мезгілде жөнелтілетін хат.

• Үлгі-1:

Қазақстан-Британ техникалық университеті   Алматы қаласы Төле би көшесі 59 Тел. 2-72-57-20 Факс. 2-72-45-12 05.02.2006. №17  Қаржы-экономика факульттінің деканы В.М. Әукенге   Циркуляр хат   Қысқы сессияның қорытындылары 2009 жылдың 15 ақпанына дейін оқу бөліміне тапсырылсын.    Оқу бөлімінің басшысы (қолы) А.А. Досымова

• Үлгі-2:

Қазақстан-Британ техникалық университеті   Алматы қаласы Төле би көшесі 59 Тел. 2-72-57-20 25.11.2009. №77   Қазақстан-Британ техникалық университетінің барлық факультеттеріне   циркуляр хат   Алматы қаласында қысқы «Азияда олимпиадасы» өтуіне байланысты 2011 жылдың 31 қаңтары мен 14 ақпан аралығында оқу үдерісі тоқтатылсын.    ҚБТУ-дың оқу ісі жөніндегі проректоры (қолы) З.Қ. Түйебахова

Сұрақтарға жауап беріңіз.

1. Циркуляр хат қандай хат?

2. Ол қай жағдайда жазылады?

3. Ол қай уақытта жөнелтіледі?

4. Циркуляр хаттың құрамы неден тұрады?

 Тапсырмалар:

1. Оқу бөлімі атынан факультеттерге жазғы сессияның материалдары (билеттер, тестер) электронды нұсқада тапсырылуы керектігін мәлімдейтін циркуляр хаттың үлгісін жазыңыз.

2. Республикалық спорт комитеті атынан қалалық спорт комитеттеріне олимпиадалық резервтің құрамындағы спортшылардың Шымбұлақ базасында 2.03–5.03.2010 аралығында жаттығу өткізілетінін мәлімдейтін циркуляр хаттың үлгісін жазыңыз.

3. Мектеп директоры атынан сынып жетекшілеріне ай сайынғы тестілеуден 11-сынып оқушыларының үлгерім сапасының қорытындыларын сызба түрінде тапсыру туралы циркуляр хаттың үлгісін жазыңыз.

4. Облыстық СЭС-тің атынан емхана меңгерушісі атына тұмау эпидемиясының алдын алу үшін тұрғындарды егу жұмысын жүргізу мақсатында циркуляр хаттың үлгісін жазыңыз.

5. Қалалық СЭС-тің меңгерушісі облыстық білім беру департаментінің басшысына «Грип А» ауруының етек алуына байланысты қалалық мектептерінде сабақтың уақытша сақталуын талап ететін циркуляр хаттың үлгісін жазыңыз.

6. Оқу бөлімі басшысы атынан факультет деканы атына студенттерді мемлекеттік бақылауға дайындау кестесін 01.02.2010 жылға дейін өткізулерін талап ететін циркуляр хаттың үлгісін жазыңыз.