Қазақстан-Британ техникалық университеті

 

Алматы қаласы

Төле би көшесі 59 үй

Тел. 2-35-39-62

Факс. 2-35-45-12

15.03.2010. №25

Қазақстан Республикасы

Ғылым академиясының

Кітапхана директоры

А.Н. Құсайынов мырзаға

өтініш хат

 

Құрметті Арман Нұрланұлы!

 

Қазақстан-Британ техникалық университетінің ректораты Сізден қазақ тілі кафедрасының оқытушысы Сұлтан Ержанқызы Ақнұрға кітапханадағы кандидаттық және докторлық диссертациялармен танысуға жағдай жасауыңызды өтінеді.

 

Университет ректоры,

профессор: қолы Е.Қ. Бейсембетов

• Үлгі-2:

№17 М. Мақатаев атындағы орта мектеп

 

Алматы қаласы

А.Байтұрсынов көшесі 55 үй

Тел. 2-35-39-62

Факс. 2-35-45-12

09.11.2010. №25

Алматы қаласының орталық

емханасының бас дәрігері

Б.Е. Кенжебеков мырзаға

Медициналық тексерістен өткізу туралы

өтініш хат

 

Құрметті Бақыт Ерболатұлы!

Сізден М.Мақатаев атындағы орта мектептің мұғалімдері мен қызметкерлерін кезекті медициналық тексерістен өткізуді ұйымдастыруыңызды өтінемін.

  

Мектеп директоры: ( қолы ) Б.Б. Садықов

Сұрақтарға жауап беріңіз.

1. Өтініш хат қандай құжат?

2. Ол қандай жағдайда жазылады?

3. Өтініш хаттың қандай бөліктері бар?

 Тапсырмалар:

1. Көшірме орталығының директоры Б. Омаровқа Алматы облыстық мемлекеттік өртке қарсы қызмет басқармасының қызметкерлеріне визит карточкаларын жасап беруді өтінетіндігіңіз туралы өтініш хат жазыңыз.

2. «Гамма» көркемсурет фирмасының басшысы атынан «Жанна» жиһаз жасау кәсіпорнының президентіне қажетті жиһазды жасауға өтініш хат жазыңыз.

3. Қазақ тілі мен әдебиеті пәнінен қалалық оқу-әдістемелік бірлестік жетекшісі ретінде мұғалімдердің біліктілігін жетілдіру институты директорының атына «Орта білім және білім берудің жаңа технологиялары» деген тақырыпта семинар ұйымдастыруды өтініп хат жазыңыз.

4. «Полиглот» жекеменшік кәсіпорны басшысы атынан жергілікті телевидениенің жарнама бөлімінің редакторына жарнамалық сюжет дайындауды өтініп хат жазыңыз.

5. Мектеп директоры атынан орталық емхананың меңгерушісіне мектептің мұғалімдері мен қызметкерлерін кезекті медициналық тексерістен өткізуге өтініш білдіріп, хат үлгісін жазыңыз.

6. Сіздің фирмаңыздың тұсаукесер тойына байланысты, маңызды сәтті «Қазақстан» арнасынан көрсетілуін өтініп телеарна директорының атына өтініш хат үлгісін дайындаңыз.