Әбутәліп о.М., Жағыпарова м.М.
Мемлекеттік тілде іс қағаздарын жүргізу
Оқу құралы
Алматы, 2010
УДК 99(00)
ББК 99799979я9
А99
Пікір жазғандар:
А99 Әбутәліп О.М. және Жағыпарова М.М.
Мемлекеттік тілде іс қағаздарын жүргізу – Алматы: 2010, - 2015 230 бет.
ISBN 999-999-9999-99-9
Оқу құралы іс қағаздарын жүргізуді үйретуге арналған. Оқу құралы жеке іс қағаздарының тілін, құрылымын талдай отырып, қазақ ресми іс қағаздары стилінде жаза білуге, стандартты тілдік бірліктерді санада қалыптастыруға ықпал етеді.
Оқу құралы жоғары оқу орындарындағы «Іс қағаздарын мемлекеттік тілде жүргізу» пәніне арналады.
Шартты белгілер:
– сабақтар |
– үлгілер |
– анықтамалар |
– тапсырмалар |
– ерекшеліктері |
– сөздіктер |
– құрылымы |
|
Қазақ тілі – мемлекеттік тіл
Қазіргі уақытта тілді оқыту мен үйретудің, соның ішінде «Мемлекеттік тілде іс қағаздарын жүргізуді» үйретудің мәні өте зор. Себебі, осы уақытқа дейін қазақ тілінде іс қағаздарды жүргізудің белгілі бір жүйесі толыққанды қалыптасқан жоқ. Алысқа бармай-ақ, аты-жөн жазудың өзінде ала-құлалық кездеседі. Осының өзінен-ақ мемлекеттік тілде іс қағаздарын жүргізудің жүйеленбегені көрінеді. Біз көп жағдайда қазір орыс тілінен калька түрінде аудармасын пайдаланудамыз. Калька түріндегі аударма сөйлемдердің дұрыс құрылуына кері әсер етіп, мағынасын өзгертіп жібереді. Осыған байланысты көп құжаттар түсініксіз болып қалады. Осындай жағдайды құжаттарды толтыруда көп кездестіреміз, әсіресе бланк түріндегі құжаттар. Сондықтан, іс қағаздарын үйрету бүгінгі күннің ең өзекті мәселелерінің бірі болып табылады.
Біз ұсынып отырған оқу құралы жоғары және арнайы оқу орындарында колледждер мен кәсіптік техникалық мектептерде қызметшілерді оқыту сабағына негізделген. Оқу кұралының мақсаты іс қағаздарын жүйелі жүргізумен ресми кұжаттарды дұрыс толтыруға ықпал ету және пайдалануға дағдыландыру. Сондай-ақ студенттерді іс қағаздарды жүргізу негіздерімен, құжат рәсімдеу үлгілерімен таныс-тыру қазақша іс қағаздарын сауатты толтыруға үйрету. Бұл оқу құралы көптеген жылдар бойы жоғары оқу орындарында студенттерге мемле-кеттік тілде іс қағаздарын жүргізуді үйретудегі әдіс тәсілдердің жемісі.
Оқу құралындағы материалдар төмендегідей құрылымға негізделген:
1.Жеке адам өміріне қатысты құжаттар.
2.Азаматтық қарым-қатынастарды реттейтін құжаттар.
3.Басқару, ұйымдастыру қызметіне қатысты іс қағаздары.
Осылай 3 топқа бөлу арқылы әрбір топтағы құжаттарға жеке-жеке тоқталып, анықтамасы, құрылымы, үлгі, тапсырма, сөздіктер, т.б. бере отырып, әр құжаттың мазмұнын ашып, толық түсінік берілді. Жазбаша орындалатын материалдарда құжат мәтінін өз бетінше құрастыруға жағдаяттар беріліп отырды.
Оқу құралының соңынан өткен тақырыптарды бекіту үшін лексикалық-грамматикалық тест түрлері берілді.
Жалпы оқу құралы ЖОО студенттеріне, мемлекеттік тілде іс жүргізушілерге, оқытушыларға пайдалы болады деген сенімдеміз.
Авторлардан.