6 Арақашықтықты қорек көзі тізбегін есептеу

Қызмет көрсетпейтін регенерационды пункттерде (ҚКРП) сызықтық регенераторлардың (СР) арақашықтықты қорек көзі (АҚК) көп жағдайда жасанды тізбек арқылы «Өткізгіш-өткізгіш» сұлбасы бойынша стабилизаторлы тұрақты токпен іске асырылады. Симметриялық кабель тізбегі немесе орталық коаксиалды жұптар қолданылады. Фантомды тізбектер СР-да симметриялық трансформатордың орташа нүктелерімен пайда болады. Қызмет көрсететін станцияларда АҚК блогы орналасқан, бұл арқылы байланыс жолына АҚК беріледі, ал әр ҚКРП-да екі біржақты регенератор қорек көзі үшін АҚК тогын кернеуге айналдыратын АҚК қабылдағыштары орнатылған. ҚКРП-дағы сызықтық регенератор АҚК қабылдағыштары арақашықтықты қорек көзі тізбегіне тізбектей жалғанған.

Қызмет көрсететін станция (ШП-ШП, ШП-ҚРП, ҚРП- ҚРП) арасындағы ҚКРП-мен қоректенетін аумақты АҚК секциясы деп атайды. АҚК секция ұзындығы әр ЦТЖ-ның паспорттық берілгендерінің бірі болып табылады. АҚК секция ұзындығы паспорттық мәннен жоғары болмауы керек.

АҚК секциясында АҚК екі аумағы ұйымдастырылады: ҚКРП бір бөлігі ШП біреуімен қоректенеді, ал екіншісі ҚКРП екі аумақта АҚК шлейфін ұйымдастыру арқылы екінші ШП қоректенеді.

Екі аралас жартылай секциялы АҚК тізбек шлейфі бір ҚКРП-да ұйымдастырылады, ол қоректенуші аумақ ортасында орналасқан. Көршілес ҚКРП арасындағы кабельді аумақ ішкі токта болады.

ҚКРП-нің АҚК есептеу алдында алдымен қарастырылған аумақта ҚКРП дұрыс орналасуда жүргізуді қарастыру керек. Жалпы түрде АҚК секциясында РА санын анықтау үшін мына формуланы қолдануға болады:

n_Ра=Ц[L_секц/l_ра] (51)

мұндағы L_секц- АҚК секция ұзындығы; l_ра- регенерациондық аумақ ұзындығын есептеу; Ц[ ]- толық үлкен санды жуықтау.

n_Ра анықтау кезінде ШП қысқартылған регенерация аумағын ескеру керек. Сонымен қатар РА-ның ең үлкен ұзындығы АҚК секция ұзындығына тең екендігін ұмытпау керек. Бұл үшін РА ұзындықтарын азайту қажет. АҚК секциясында РА санын біле тура, АҚК секциясында ҚКРП санын анықтауға болады:

N_ҚКРП=n_Ра-1 (52)

ҚКРП орналастырғаннан кейін АҚК бұғатталу шықпасында қажетті кернеуді есептеуге болады. Есептеу кезінде АҚК қабылдағышында және кабель аумағывнда кернеудің төмендеуін ескеру керек:

U_АҚК=I_АҚК·R₀·l_{АҚК.тіз}+U_ҚКРП·n_ҚКРП,В (53)

мұндағы I_АҚК- арақашықтықты қорек көзінің тогы, А; R₀ – АҚК тогын тарату үшін тұрақты ток бойынша шақырымдық кедергі, Ом/км; l_{АҚК.тіз}-АҚК жартылай секция ұзындығына тең АҚК тізбек ұзындығы, км;

n_ҚКРП- бір ШП немесе ҚРП қоректенетін АҚК жартылай секциясындағы ҚКРП саны; U_ҚКРП – бір ҚКРП-дағы АҚК қабылдағышының кернеуінің төмендеуі, В.

R₀ қатынастары шақырымдық кедергіден немесе көпжұпты кабель R₀ мәнінен тұру керектігін ұмытпау керек немесе екі рет еселенген коаксиалды жұптың - 2R₀ шақырымдық кедергі мәні.

6.1 кесте- Кабельдің шақырымдық кедергі мәндері

Кабель түрі	КМ- 2,6/9,5	МКТ- 1,2/4,6	КСПП, ЗК, МКС-1,2	КСПП- 0,9	ТПП, ТГ- 0,4	ТПП, ТГ- 0,5	ТПП, ТГ- 0,7
R0, Ом/км	7,1	31,7	15,85	28,4	139	90	45

ШП, ШРП және ҚКРП магистралда былай таралуы тиіс, U_АҚКU_{АҚКмакс} шарты орындалуы керек, мұнда U_{АҚКмакс}- ЦТЖ-да қолданылатын АҚК бұғаттау шықпасындағы максималды мүмкіндік кернеуі.