Артарксерксово действо

Артаксеркс

Что ми спомогает? Ниже слава, ниже честь,

ниже венец, ниже скифетр и никаково же богатство.

Се все не может мя насыщати.

Пастырь при своем стаде

неотходно пребывает,

во дни же и в нощи безпечален ся являет.

Мя же мое великое стадо

во дни же и в нощи сокрушает,

и самая смерть мя унывает.

Бегезаф

Вельможнейший царю мой великий, се приходит к тебе царица.

Есфирь

О боже! Какая таска унывает мое сердце!

Артаксеркс

Како, что се есть? Лишает она тем свою честь.

Есфирь

О боже, боже мой!

Суза

Се устрашилась, падает!

Бегезаф

Обмирает и тем упадает!

Артаксеркс

Что, Есфирь?— Что она содевает? — Какая печаль тя обступляет?

Есфирь

Ах, ах, увы!

Суза

Царица, слыши! Царь тя лобызает.

Артаксеркс

Что в мыслех твоих пребывает,

Есфирь прекрасна? О чем сице унываеш?

Артаксеркс

Глаголи же тогда,

коль еще хощет долго,

возлюбленная моя едина надежда,

твое ми не явити сердце?

И почто же воздыхает,

понеже тебе обещаюсь

полцарствие абие отдати?

Есфирь

Царю мой! Даждь ми токмо еже ми жити!

Артаксеркс

Что?!

Есфирь

О милосердые очи,

то едино мое счастие!

Даждь, царю, милость свою,

тогда люд мой, живот мой состоится!

Артаксеркс

Кое жития опаство?

Есфирь

Яз в опасении есьм:

сама и люд мой от земли имеет быти убиты, закланы и погублены.

Артаксеркс

Кое чюдо сие есть?

Аман

Удивляюся и аз.

Есфирь

О, что!

Проданы есьми на смерть!

И дал бы сице Бог,

дабы как невольники

проданы быхом и аки рабы,

тогда примолчала бых,

понеже моему царю

толико бы не вредило,

вельми же паче было бы

от службы нашей укоризна.

Артаксеркс

Что же, в конец, сие будет?

Извещай без медшоты, како,

где и кой человек

сие мыслит и дерзает

таково сотворити.

Есфирь

Лукавой враг мой, супостат —

сей Аман, зде иже, зде сидит!

Артаксеркс

О, смутитель! Аман, ты?!

Аман

Горе, о горе!

Артаксеркс

Проч! Да впредь не вижу пса того в очах моих!

Аман

Правда, праведно! Но прошу милосердия.

Аз хощу за то дело

неволником вечно запоручитися.

Артаксеркс

Что хощет еще тот злодей?

Удавити сам царицу мою зде в чертозе?!

Аман

О горе!

Недостойной пес, ему же,

ему же никогда поволено

возрети на царское лицо!

Артаксеркс

О, тысящ отомщения!

Что мне с тем убойцом чинить,

иже не пощадил есть

сию главу, юже сам венчал есьм?!

Xарбона

О велие величество!

Аще ми есть поволено

слово некое изрещи,

тогда объявлю ти нечто.

Артаксеркс

Что же? Глаголи.

Xарбона

Како я днесь по твоему царскому указу

шел Амана семо к столу призывати,

видех древо 50 лактей возвышено

и вопросих, что сие знаменует.

Отвещали же ми дворовые люди,

яко Мардохею жидовину

еще днесь на нем повешену быти.

Артаксеркс

Что? Мардохею?!

Xарбона

Того, иже своею верностию

царю извещал изменничье убойство,

еже на царя уготовано было.

Артаксеркс

Того хотел удавити Мардохея?!

Xарбона

Того.

Есфирь

Величество твое разсудити может,

яко он люд мой и мене искал умертвити.

Артаксеркс

Того, его же сам моим повелением

чтил и во граде так изрядно обводил?!

Xарбона

Того самого.

Артаксеркс

Кая злая мысль тя воздвигла?

Ты, пес?! Стража, воспряните

и предадите убойца руками спекулатору.

Аман

О милосердый царю! Несть ми пощады?!

Артаксеркс

Дабы ево абие повесили на то же древо,

еже дерзнул на Мардохея поставити.

Скоро, скоро к висялице!

Стражи

Пойди, милостивый господине, пойди.

Аман

О царица! Пощади! Пощади!

Артаксеркс

Проч! Проч!

Аман

О милосердый царю! Пощади! Умились!