6.1.3. Қосымшаны құрастыру процесі

Жұмысты орындау үшін каталог құру, мысалы PR8 каталогін. Деректер базасын орналастыру үшін осы каталогтың ішінде ішкі каталог құру, мысалы BASE ішкі каталогін. Жұмыстың орындалу процесі келесі кезеңдерден тұрады:

1. Paradox7 типті кестелермен жұмыс жасау үшін русификаторды орнату;

2. жаңа деректер базасының псевдонимін және конфигурация файлын құру;

3. деректер базасының жазбаларының құрылымын (өрісін) жасау;

4. негізгі мәзірден, деректер базасына рұқсат алу, деректер базасын жүргізуді басқару және деректерді көрсету компонентерінен тұратын форманы жасау;

5. қосымшаны қолдану процесінде оны басқару мәзірін құру;

6. есептелетін өрісті құру;

7. деректерді таңдау үшін фильтр құру;

8. деректерді көрсету үшін TDBGrid типті компонентті редакциялау;

9. әдістер жасау:

а) фильтр көмегімен, SQL тілінде жазылған статикалық және динамикалық сұратулар көмегімен анықталған шарттар бойынша деректер базасынан деректерді таңдау үшін;

б) деректер базасының жазбаларына тікелей рұқсат үшін ;

Олардың мақсаты:

• баған мәнінің қосындысын есептеу және шығару,

• бағанның орташа мәнін анықтау;

в) негізгі және қосымша индекстерді қолдану арқылы кез келген берілген баған мәні бойынша деректерді сұрыптау үшін;

10. ДБ деректерінің тәуелділік графигін шығару компоненті бар форма жасау;

11. ДБ-ның деректерінен тұратын есеп беруді құру, алдын-ала қарау және баспаға шығару компоненттері бар форма жасау.

Русификаторды орнату үшін Windows жүйесінің программалар мәзірі арқылы BDE Administrator-на кіру қажет. Бұдан Config парағын, ал одан Drivers түйінін таңдау. Онда деректер базасының типтерінің тізімі ашылады. PARADOX типін таңдау қажет. Форманың оң жағында тип параметрлерін анықтау парағы (Definition) ашылады. LANGDRIVER (тілді драйвер) параметрі бар жолды таңдау қажет. Типтер тізімінің оң жақ бағанында драйверлер тізімі ашық тұрады, одан Pdox ANSI Cyrillic драйверін таңдау. Оны Apply көмекші сөзі бар пиктограммаға шерту арқылы қолдану қажет.

6.1.4. Деректер базасының псевдонимін құру

Деректер базасымен жұмыс жасау үшін ДБ-ң псевдонимінің атын және оның орналасқан жеріне жолды анықтап алып, оларды сақтап, деректер базасының конфигурация файлын жасау қажет(кеңеймесі .cfg ). Ол Tools\Database Desktop командасымен шақырылатын ішкі жүйенің көмегімен орындалады.

Ішкі жүйені шақырғаннан кейін псевдонимді құру басталады. Ол үшін Tools\Alias Manager командасын орындау қажет. Деректер базасы псевдонимінің параметрін анықтау үшін‘Alias Manager’ формасы пайда болады. Содан кейін келесі батырмаларды басу қажет:

1. New; псевдоним аты бар ‘Database Alias:’ терезесі тазартылады, псевдоним атын енгізуге болады,мысалы STUD; ‘Driver type’ терезесіндегі мәнді STANDARD деп қалдыру;

2. Browse; ‘Directory Browser’формасы пайда болады; оның ‘Drive (or Alias):’ терезесінде ДБ бар каталогты таңдап, ашу (мысалы, BASE) және OK батырмасына басу; ‘Alias Manager’ формасының ‘Path:’терезесінде деректер базасына баратын жол көрсетіледі;

3. Keep New; псевдоним мен ДБ-на баратын жол сақталынады; ‘Database Alias:’ терезесінің тізімінде ДБ псевдонимінің аты пайда болады;

4. Save As; ‘Save Configuration File’ формасы пайда болады; мұнда конфигурация файлының толық аты ұсынылады: оған баратын жол мен аты IDAPI32.cfg; ‘Alias’ терезесінде жаңа немесе қажетті псевдоним атын таңдау қажет; ‘Сохранить в’ терезесінде ДБ файлдары бар каталог аты пайда болады; конфигурация файлын оның ішінде немесе басқа каталогта да сақтауға болады, мысалы PR8 каталогінде;ол үшін:

• ‘Directories’ жоғарғы терезесінде PR8 каталогіне өту,

• ‘Тип файла’ терезесінде файл типін Config (*.cfg) деп қалдыру,

• ‘Alias’ терезесінде жаңа псевдонимнің атын таңдау,

• Сохранить батырмасын басу;

5. ‘Alias Manager’ формасына өткеннен кейін ОК батырмасын басу.

TTable жәнеTQuery типті компоненттердің DataBaseName қасиетінің тізімінде жаңа псевдоним аты пайда болады.