Факстер және е-mail

Факс – байланыстың телефон жүйесі бойынша арнайы аппараттың (телефакстің) көмегімен алынған құжат. Факс ұсынылатын құжаттың көшірмесі болып табылады. Телефакс бойынша құжаттардың кез-келген түрлері және оған қосымшалар жіберіледі: кестелер, сызбалар, схемалар, суреттер, т.б. Факс іскер әріптестермен, ұйымдармен арадағы хат алмасудың бір түрі. Факсті ресімдеу іскерлік хатты рәсімдеуге ұқсас.

Аппараттың өзі қоятын қосымша деректері:

• жіберушіні (кодты) көрсету;

• ақпараттың берілген күні және уақыты;

• ақпарат берілген телефакстің (аппараттың) нөмірі;

• беттердің саны болады.

Факсті жіберуші ақпараттың алушыға жеткендігі туралы

растау (CONFIRMITION REPORT) алуға тиіс, онда:

• алушы фирманың коды;

• факсті алушының нөмірі;

• күні;

• ақпаратты берудің уақыты және ұзақтығы;

• алынған беттердің саны (Р);

• нәтижесі (RESUL TS) көрсетіледі.

Ең басты баған «RESUL TS» болып табылады, егер хабар толық және қатесіз жетсе, оған «ОК» (o key) қойылады немесе факс алу кезінде іркілістер болса, «NG» (негатив) белгісі соғылады.

Егер алынған факстердің маңызды ақпараты болса және ол ұзақ пайдалануға арналса, онда олардың көшірмесін түсіріп алады, өйткені факс қағазы ұзақ сақталмайды. Алайда қымбат факс аппараттарын пайдалану кезінде көшірме жасау міндетті емес.

Байланыстың бұл түрі жедел ақпарат жіберу үшін қолданылады, өйткені факспен берілген құжаттардың өзінің түпнұсқалығы туралы растамасы болмайды, егер шартта факспен хабар алмасу айтылған болса, онда олардың осындай нысанның өзінде заңдық күші болады.

Коммерциялық хат алмасулардың көп бөлігі 3 жыл сақталады және мұрағатқа өткізуге жатпайды. Аса маңызды мәселелер бойынша шетел фирмаларымен алмасқан ақпараттар (экспорт, импорт, кепілдік) 10 жыл сақталады.

Электрондық поштамен жіберілген құжаттардың көшірме деген мәртебесі болады және қолы мен мөрі болуға тиіс. Бұл ретте электрондық қолды пайдаланылатын субьект пайдалану құқығына және электрондық қолдарға рұқсат алуға қатысты сақтық пен бақылаудың тиісті шараларын белгілейді. Факс және Е-mail бойынша құжаттар алмасу шарты азаматтық-құқықтық сипаты бар шарттарда айтылуға тиіс. Осындай құжаттарға заңдық күш беру үшін 27.12.94 ж. № 268 – ХІІ ҚР АК-нің 152 бабының және 07.01.2003 ж. № 320-ІІ ҚРЗ-ның талаптары орындалуы тиіс.

Мәтінге арналған сөздік

байланыстың телефон жүйесі – телефонный канал связи

көмегімен – с помощью

көшірме - копия

кез-келген түрлері – любые виды

қосымша – приложение

сызбалар – чертежи

кестелер – таблицы

суреттер – рисунки

іскер әріптестер – деловые партнеры

ұйым – организация

арадағы – между

хат алмасу – переписка

іскерлік хат – деловое письмо

қосымша деректер – дополнительные данные

жіберуші – отправитель

бет саны – количество страниц

ақпарат – информация

алушы – получатель

растау – подтверждение

нәтиже – результат

баған – графа

іркілістер – сбои

жедел ақпарат – оперативная информация

түпнұсқалық – подлинность

сақталады – хранится

мұрағат – архив

кепілдік – гарантия

мәртебе – статус

мөр – печать

пайдалану құқығы – право использование

электрондық қол – электронная подпись

бақылау – контроль

азаматтық-құқықтық – граданско-правовой

бап – статья

талап – требование

Факс үлгісі

Кәсіпорынның атауы Кәсіпорынның басшысы Кәсіпорынның мекен-жайы _____________________ Тел., факс факс (095) 1411526 «____» __________ 200__г. №__ № __ «___» __________ 200__ ж. «___» _____________ 200 __ №_____ шот бойынша төлемді кешіктіру туралы Құрметті _____________________! «Технократ-105» жабығының комплектісін жеткізіп беру туралы «__» ____________ 200__ жылғы № ___________ шот бойынша төлемнің кешіктірілгенін естеріңізге саламыз. Шотты Сіздерге факс бойынша 10 күн бұрын жібергенбіз. «__» ____________ 200__ жылғы № _______ келісім-шарттың 6.4. тармақшасына сәйкес 5 банктік күннен кейін кешіктірілген төлем үшін өсімақы есептеледі. Директор қолы аты-жөні Р.S. Бұл ескертпені алғанға дейін Сіздер төлемді төлеп үлгерсеңіздер, біз Сіздерге тек қана алғысымызды білдіреміз.

Форма факса

Наименование предприятия Руководителю предприятия Адрес предприятия _______________________ Тел., факс факс (095) 1411526 “___”____________200__г. №___ На № ___ от «___»_________ 200__г. О задержке оплаты по счету №___ «____» ______________ 200__ г. Уважаемый_______________________! Напоминаем Вам о задержке оплаты по счету от «___»_____________ 200___ года №____ за поставку комплекта оборудования «Технократ-105»7 Прошло 10 дней после направления Вам счета по факсу. В соответствии с пунктом 6.4. контракта №___ от «___»_____________ 200___ г. через 5 банковских дней начинается начисление пени за просрочку платежа. Мы надеемся, что Вы незамедлительно решите этот вопрос. Директор подпись И.О. Фамилия P.S. Если к моменту получения этого напоминания Вы уже произвели оплату, примите нашу благодарность.

1-жаттығу. Төмендегі сұрақтарға жауап беріңіз.

1. Факс деп құжаттың қандай түрі аталады?

2. Факс қандай құжаттың көшірмесі болып табылады?

3. Телефакс бойынша нелер жіберіледі?

4. Факсті ресімдеу қандай құжатты ресімдеуге ұқсас?

5. Аппараттың қандай қосымша деректерді өзі қояды?

6. Ақпараттың алушыға жеткендігі туралы растамада нелер көрсетіледі?

7. Ең басты баған қандай баған болып табылады?

8. Егер хабар толық және қатесіз жетсе, оған қандай белгі қойылады?

9. Факс алу кезінде іркілістер болса, қандай белгі соғылады?

10. Факстердің көшірмесін қандай жағдайларда түсіріп алады? Себебі не?

11. Қандай жағдайда көшірме жасау міндетті емес?

12. Байланыстың бұл түрі не үшін қолданылады? Себебі не?

13. Қандай жағдайда факстің заңдық күші болады?

14. Коммерциялық хат алмасулардың көп бөлігі неше жыл сақталады?

15. Қандай ақпараттар 10 жыл сақталады?

16. Қандай құжаттардың көшірме деген мәртебесі болады?

17. Мұндай құжаттардың несі болуға тиіс?

18. Электрондық қолды пайдаланылатын субьект қандай шараларды белгілейді?

19. Факс және Е-mail бойынша құжаттар алмасу шарты қандай шарттарда айтылуға тиіс?

20. Мұндай құжаттарға заңдық күш беру үшін қандай талаптар орындалуы тиіс?

2-жаттығу. Мәтіннен дара және күрделі етістіктерді тауып Кестені толтырыңыз.

Факс – байланыстың телефон жүйесі бойынша арнайы аппараттың (телефакстің) көмегімен алынған құжат. Факс ұсынылатын құжаттың көшірмесі болып табылады. Телефакс бойынша құжаттардың кез-келген түрлері және оған қосымшалар жіберіледі: кестелер, сызбалар, схемалар, суреттер, т.б. Факс іскер әріптестермен, ұйымдармен арадағы хат алмасудың бір түрі. Факсті ресімдеу іскерлік хатты рәсімдеуге ұқсас.

Егер алынған факстердің маңызды ақпараты болса және ол ұзақ пайдалануға арналса, онда олардың көшірмесін түсіріп алады, өйткені факс қағазы ұзақ сақталмайды. Алайда қымбат факс аппараттарын пайдалану кезінде көшірме жасау міндетті емес. Байланыстың бұл түрі жедел ақпарат жіберу үшін қолданылады, өйткені факспен берілген құжаттардың өзінің түпнұсқалығы туралы растамасы болмайды, егер шартта факспен хабар алмасу айтылған болса, онда олардың осындай нысанның өзінде заңдық күші болады.

Коммерциялық хат алмасулардың көп бөлігі 3 жыл сақталады және мұрағатқа өткізуге жатпайды. Аса маңызды мәселелер бойынша шетел фирмаларымен алмасқан ақпараттар (экспорт, импорт, кепілдік) 10 жыл сақталады.

Дара етістіктер	Күрделі етістіктер
алынған, ұсынылатын	болып табылады

3-жаттығу. Қазақ тіліне аударыңыз.

Ряд телефаксов указывает код ошибки и страницу, на которой произошел сбой при приеме. Документы, отправляемые по электронной почте, имеют статус копий и действительный приусловии наличия подписи и печати, при этом субъект, использующий электронные подписи, должен установить надлежащие меры предосторожности и контроля, касающиеся права использования и доступа к электронным подписям.

4-жаттығу. Екі бағанадан сөз тіркестерін құрастырыңыз.

телефон арнайы факсті құжаттың іскерлік хат байланыс заңдық мұрағатқа электрондық

хат алмасу өткізу көшірмесі күші пошта ресімдеу ақпарат түрі жүйесі

5-жаттығу. Орыс тіліне аударыңыз.

Факс – байланыстың телефон жүйесі бойынша арнайы аппараттың (телефакстің) көмегімен алынған құжат. Факс ұсынылатын құжаттың көшірмесі болып табылады. Телефакс бойынша құжаттардың кез-келген түрлері және оған қосымшалар жіберіледі: кестелер, сызбалар, схемалар, суреттер, т.б. Факс іскер әріптестермен, ұйымдармен арадағы хат алмасудың бір түрі. Факсті ресімдеу іскерлік хатты рәсімдеуге ұқсас.

Егер алынған факстердің маңызды ақпараты болса және ол ұзақ пайдалануға арналса, онда олардың көшірмесін түсіріп алады, өйткені факс қағазы ұзақ сақталмайды. Алайда қымбат факс аппараттарын пайдалану кезінде көшірме жасау міндетті емес.