Көлемді электротехникалық ғимараттар

Индустриялды панельді электротехникалық ғимараттар (ИПЭҒ) олардың ішіне щиттарды (тарату, релелік, басқару станциялары), комплектілі трансформаторлы қосалқы станцияларды,тарату құрылғыларының шкафтары мен камераларын, түрлендіру агрегаттарын және өзге де электр жабдықтарын орнату үшін арналады.

Панельді электр ғимараттар төрт бөлімнен құралады: ИПЭҒ-1 ені 3000 мм, ИПЭҒ-2 – 4000мм, ИПЭҒ-3 – 5000мм және ИПЭҒ-4 – 6000 мм. Осындай ғимаратттардың ұзындығы 4800 мм және одан да көп, ал биіктігі 3540 мм.

ИПЭҒ құрама-жиналмалы конструкцияға ие (10-сурет). Ол болат каркастан 1 және үш қабатты қоршап тұратын қабырғалар 3 мен өрт тоқтататын пенополиуретанды мырышталған болат парақтардан жасалған шатырлы панельден 4 тұрады. ИПЭҒ каркасы жоғарғы жағында өзара ригельдермен жалғанған П-тәріздес рама түрінде грунтталған швеллерден жасалады. Каркас бағаналарының ара қашықтығы 3600 мм-ден аспайды.

Қоршау қабырғалар панелі 60мм қалыңдықта қатаң, шыны әйнегі, есігі және электрлік және сантехникалық коммуникацияға арналған өтпелері болатындай жасалады. Ені 1000 мм және биіктігі 1200 мм терезелер еденнен 1200 мм биіктікте орналасады. Кабельдерді, шина өткізгіштерді өткізуге және ені 1000 мм, биіктігі 400 мм желдендіру қораптарын қосуға арналған өтпелер қабырға панельдерінде төменгі жабындардан 200 мм қашықта орналасады. Кабельдер мен шина өткізгіштерді өткізуге арналған өтпелер шатыр панелінің периметрімен де өткізіледі. Олар панельдің кез-келген бөлігінде орналаса береді,және бірнеше өтпе бір панельде орналаса алады. Барлық өтпелер болат парақтармен коммуникация жұмыстарын жүргізуге қолайлы түрде бекітіледі.

10-сурет. Индустриялды панельді электротехникалық ғимарат: 1-каркас; 2-терезе; 3,4-қабырға және шатыр панельдері

Панельдер ауыстырып-салуға және қондыруға ыңғайлы күйде жасалады. Есікті панельді ғимараттың қабырға бұрыштары мен каркас бағаналарынан басқа, кез-келген периметрінде орната беруге болады. Өтпелі панельдерді бір қатаң панельге жиі келмейтін бір қатарға орнатуға болады.

Ілмелі электр қондырғыларын орнатуға ені 2000 мм үш көлденең рейкалы арнайы рамалы конструкция қолданылады және ол еденнен 800, 1400 және 1800 мм биіктікте болады. Рамалы конструкция өзгеше бояумен сырланады.

Ғимараттарда жарықтандыру мен желдендіру құрылғыларын орнатуға арналған ілмелі потолок болады, және ғимарат биіктігі 3000 мм-ден кем болмауы керек.

ИПЭҒ-ларды таза бетон еденде орнатылатын жерінде жинайды. ИПЭҒ-ны жинау моментінде кабельдерді төменге өткізу қажет болғанда, ғимарат еденінде оларды шығаруға мүмкіндік беретін каналдар алдын-ала дайындалады.

Комплектілі трансформаторлы қосалқы станцияны монтаждау

КТП-ны монтаждау құрама блоктарды немесе барлық қосалқы станцияны қондырылатын орнына жеткізу мен фундаментке орнатудан тұрады.

КТП (КТПН) қондырылатын ғимараттар мен алаңдарда негізгі және қосымша құрылыс жұмыстары толықтай аяқталуы керек.

Кабельді каналдар мен өтпелер сызбаға сай жүргізілуі тиіс. Оларды қондыруға арналған құрылыс жұмыстары, плиталармен жабуды қосқанда, аяқталуы тиіс, ал кабель жүргізілетін трубалар жобаға сай болуы шарт.

Монтаж орнына КТП блоктарын жеткізу берілген объектінің құрылыс шарттарымен нақты болуы керек. Олар нақты берілген деңгейде және жоба сызбаларына сай келуі қажет (деңгейден ауытқу 1 метрге 1 мм-ден аспауы қажет және 5 мм-ден барлық ұзындығына). Екі швеллердің де беттік аудандары бір көлденең бетте жатуы қажет және таза еденнен 10мм көтеріліп тұруы керек. Швеллердің кем дегенде екі жерін 40х4 мм жолақ болатты жерлестіру контурына жалғау қажет.

КТП монтажы өзіне келесідей операцияларды қосады: қондырғы блоктарын тиісті жеріне жеткізу, дайын табанға орнатылуы, блоктардың өзара электрлік қосылулары немесе құрама шина қондырылуы, кабельдерді қосу, тексеру және аппараттардың жұмысын дұрыстау.

КТП блоктары мен трансформатор тасымалын жук көтергіштігі 20 т крандармен ғана орындалады. Строптардың майысқан жерін строптағанда құрылғылардың сырланған бетін бұзылудан сақтайтын, әсіресе, егер блоктар жәшіктерде орналаспаса берік тіреуіштер қою қажет. Ғимарат ішінде блоктарды арнайы жылжымалы құрылғыларда лебедка арқылы қондырады. Қондыруды толық аяқтар алдында блоктарды бағытталған швеллерлерге ыңғайластырып орналастырады.

Қосалқы станцияны құрғанда трансформатордың ТК орамасының шықпасын тарату құрылғысына жалғап, автоматтарды орнатып, жерге тұйықтайды. Шиналарды әдетте қысқыш плиталар арқылы жалғайды. Сол себептен шинаның контактілі беткі қабатын коррозияға төзімділік қабілетін зақымдауға себепші болат щеткалар мен тегістеуіш шкуркалармен жабуға болмайды, cондықтан оларды тазалау үшін бензинға малынған таза шүберекті қолданады. Блоктарды алдын-ала арнайы шинаның шықпалары мен тіректі швеллерлердің көтергіш скобаларын жауып тұратын тығындарын алып тастап, бір реттілікпен орнатады. Контакттар мен пышақтардың көлденең және тік өстері мен ТК қозғалмалы автоматты ажыратқыштардың сәйкестігін тексеріп, динамометр көмегімен жұмсалатын жұмыс күшімен қатайтады, әр контактіде 100 Н. Сонымен қатар, қозғалмалы және қозғалмайтын контактілердің өстерінің симметриялығын тексеру керек, олар 1,5...2 мм құлап тұруы шарт. Автоматты ажыратқыштарды шығарып, қайта орнына кіргізу үшін зауыттық арнайы құрылғыларды пайдаланады.

Көлемді комплектілі қосалқы станцияларды келесі тәртіппен орнатады. Ор қазып, кірпіштен немесе темірбетонды блоктардан фундамент құяды. Фундаментке зауытта құрастырылып шығарылған құрылғылары бар блоктарды орнатады. Күштік трансформаторларды содан кейін орнатады.

Күштік трансформаторларды орнатқан соң ЖК және ТК кабельдерді жермен тұйықтау жұмысына кіріседі.

Монтаж өткізгіштер мен аспаптардың жарамдылығымен, болттық қосылулардың беріктігімен, электрлік оқшаулағыштар жарамдылығымен, ЖК кабелінің трансформаторға жалғануымен және кабельдердің желіге, сонымен қоса тораптың жермен тұйықталған металл конструкцияларына жалғануының дұрыстығымен тәмамдалады.