Нарматывы для назначэння суцэльных высечак з захаваннем падросту

Серыі тыпаў лесу	Мінімальная колькасць умоўна буйнога падросту, у тыс. шт./га, для правядзення суцэльнай высечкі
	сасна	елка	дуб
Лішайнікавая, верасовая	4	–	–
Бруснічная, імшыстая	2,5	3	–
Арляковая, злакавая, кіслічная	3	3	2
Чарнічная	3	3	2,5
Сніткавая, крапіўная, папаратнікавая	–	3	2
Даўгамошная	2,5	2,5	–
Прыручаёва-травяная	2,5	2,5	–
Багуновая, асакова-сфагнавая, сфагнавая	2	2	–
Асаковая, балотна-папаратнікавая, вятроўнікавая	–	2	–
Пойменная, лугавіковая	–	–	2

Заданне 4.2.1. На падставе дадзеных індывідуальнага пераліку падросту пад полагам лесу (табл. 42) на 30 уліковых пляцоўках (табл. 43) вызначыць наступныя паказчыкі:

– колькасць падросту па кожнай пародзе па катэгорыях буйнасці на ўліковых пляцоўках і на 1 га;

– каэфіцыент сустракальнасці падросту;

– доля добранадзейнага падросту ў працэнтах ад яго агульнай колькасці.

– састаў падросту.

Заданне 4.2.2. Дайце ацэнку ўзнаўлення лесу па шкалах (табл. 44, 45, 46).

Заданне 4.2.3. Зрабіце высновы пра паспяховасць натуральнага ўзнаўлення пад полагам лесу і прапануйце праект мерапрыемстваў па садзейнічанні натуральнаму ўзнаўленню (калі гэта неабходна).

Парадак выкання работы. Спачатку неабходна зрабіць групоўку ўлічанага падросту кожнай пароды па катэгорыях буйнасці. Вынікі патрэбна змясціць у табл. 47. Колькасць падросту ў пераліку на 1 га вызначаецца па формуле

N = n  10 000 / Р,

дзе N – колькасць падросту на 1 га, шт.; n – колькасць падросту дадзенай пароды на ўсіх уліковых пляцоўках, шт.; Р – агульная плошча ўліковых пляцовак, м²; 10 000 – плошча 1 га, м².

Табліца 46

Шкала ацэнкі натуральнага ўзнаўлення лесу на плошчах з праведзенымі мерамі садзейнічання

Парода	Серыя тыпаў лесу	Мінімальная колькасць асобін, тыс. шт на 1 га пры сярэдняй вышыні
		0,6–1,5 м	Звыш 1,5 м
Сасна, лістоўніца	Лішайнікавая, верасовая	4,6	3,1
	Бруснічная, імшыстая	2,3	2,0
	Кіслічная, чарнічная	3,1	2,3
Елка	Бруснічная, імшыстая, кіслічная, чарнічная, сніткавая	2,3	1,7
	Даўгамошная, сфагнавая	2,3	1,7
Дуб і іншыя цвердалістыя пароды	Ва ўсіх тыпах лесу	2,2	1,7

Калі падрост рознавышынны, яго прыводзяць да адзінай катэгорыі буйнасці: для дробнага падросту прымяняецца каэфіцыент 0,5, сярэдняга – 0,8 і буйнога – 1,0. Студэнту неабходна даць ацэнку ўзнаўлення лесу па розных шкалах (табл. 45, 46, 47), супаставіць розныя ацэнкі ўзнаўлення па шкалах і даць тлумачэнні. Выявіць прычыны, якія ўплываюць на ход натуральнага ўзнаўлення, увязаць спосаб высечкі галоўнага карыстання з характарам ўзнаўлення галоўнай пароды, намеціць мерапрыемствы па садзейнічанні натуральнаму ўзнаўленню (калі гэта неабходна) або па стварэнні суцэльных ці частковых лясных культур.

Табліца 47

Ведамасць па ўліку ўзнаўлення

Парода	Паходжанне	Група вышынь, м	Колькасць, шт.: на ўліковых пляцоўках на 1 га
			здаровых	пашко- джаных	прыгнечаных	усяго
Сасна і інш.	Насеннае	0,1–0,5
		0,6–1,5
		1,6 і вышэй
		Усяго