Тапсырманы орындауға арналған әдістемелік нұсқау

Болжау әдістерінің барлық жиынтығы біртектілік дәрежесіне байланысты 2 топқа бөлінеді:

3. Қарапайым.

4. Кешенді (аралас) әдістер.

Қарапайым болжау әдістері өз алдына фактографиялық және экспертті әдістерге бөлінеді.

Фактографиялық әдістер болжау объектісінің өткен және қазіргі дамуы туралы нақты мәліметтерге сүйенеді.

Экспертті (интуициялық) әдістер болжау объектісі туралы эксперт мамандардың білімдерін пайдалануға, объектінің келешектегі дамуы туралы олардың пікірлерін жалпылауға негізделген.

Кешенді (аралас) әдісте алғашқы ақпараттар негізінде экспертті және фактографиялық әдістер қатар қолданылады.

Фактографиялық әдістер келесі түрлерге бөлінеді:

1.Статистикалық әдіс бойынша объектінің сипатталуының (параметрлерінің) динамикалық қатарын құру және талдауға негізделген. Оған экстраполяция, интерполяция, аналог (ұқсастық моделі), параметрлік әдістер кіреді.

2.Басымдылықты талдау ғылыми-техникалық жетістіктерді жүзеге асыруға, ғылыми-техникалық ақпараттардың қасиеттерін пайдалануға негізделген. Бұл топтың әдістерінің ішінде басылымдардың серпінін (динамикасын) бағалау және талдауға негізделген әдістерді бөліп қарастыруға болады.

№ 4 тапсырма дәріс материалдарын, сондай-ақ қосымша оқулықтар мен оқу құралдарын, экономикалық әдебиеттер мен мерзімді басылымдар мәліметтерін пайдалана отырып жеке орындалады.

Тақырып 5. Кәсіпорындағы стратегиялық жоспарлау

Практикалық (семинар) сабақ тапсырмасы: Сұрақтарды талқылау:

1. Стратегия ұғымын қалай түсінесіз?

2. Стратегияның қандай түрлерін білесіз?

3. Үкіметте қабылданған стратегиялардың жүзеге асырылу барысы

4. Стратегиялық жоспардың қандай ерекшелігі бар?

5. Стратегиялық талдау әдістеріне қандай әдістерді жатқызуға болады?

Тапсырманы орындауға арналған әдістемелік нұсқау

Кәсіпорындардың өсуіне, оның өлшемінің артуы мен өндіріс көлемі, нарықтағы үлесі, мамандар саны, өнімдерді сату шамасы, табыс және тағы басқа көрсеткіштері бойынша қызметтерінің кеңеюі жатады.

Даму – бұл индивидтің өз қалауларымен басқа тұлғалардың қажеттілігін қанағаттандыруға өз мүмкіндіктері мен талаптарының арту үдерісі. Бұл материалды құндылықтарды иемдену емес, адамдардың мүмкіндіктері мен әлеуетінің ұлғаюы. Даму өмір сүру деңгейіне қарағанда, өмір сүру сапасымен тығыз байланысты.

Сонымен, стратегиялық жоспарлау кәсіпорынның алдағы ұзақ мерзім кезеңіндегі даму деңгейі мен экономикалық өсуін қамтамасыз етеді. Кәсіпорындағы стратегиялық жоспарлау үдерісі келесі өзара байланысты қызметтерді жүзеге асырады:

1. Ұзақ мерзімді стратегияны, кәсіпорын дамуының мақсаттары мен міндеттерін анықтау.

2. Кәсіпорында стратегиялық шаруашылық бөлімшелерді құру.

3. Нарықты маркетингтік зерттеу жүргізудің негізгі мақсаттарын негіздеу және нақтылау;

4. Фирманың экономикалық өсімінің бағыттарын таңдау және жағдайлық талдау.

5. Негізгі маркетинг стратегиясын әзірлеу және өнім өндірісін жоспарын құру.

6. Тактиканы таңдау және қойылған міндеттерге жетудің құралдары мен әдістерін нақтылау.

7. Негізгі нәтижелерді бақылау және бағалау, таңдалған стратегияға түзету енгізу және оларды жүзеге асыру әдістерін өзгерту.

Ұйымның даму стратегиясын зерттелмеген нарықтық жағдайларды есепке ала отырып, сыртқы орта мен оның қызметінің мүмкін ішкі перспективаларын зерттеу нәтижелерінде анықталады.

№ 5 тапсырма дәріс материалдарын, сондай-ақ қосымша оқулықтар мен оқу құралдарын, экономикалық әдебиеттер мен мерзімді басылымдар мәліметтерін пайдалана отырып жеке орындалады.