Упражнение 18
A. 1. Achilles, gloriam senectuti praeferens, exemplar fuit Alexandri. 2. Helvetii flentes pacem petiverunt. 3. Galliam bello victam suis legibus uti Ariovistus voluit. 4. Magna pars hominum navigatura de tempestate non cogitat. 5. Quidquid id est, timeo Danaos et dona ferentes (Verg.). 6. Orgetorix regni cupiditate inductus coniurationem fecit. 7. Ave, imperator, morituri te salutant (Suet.). 8. Helvetii omnium rerum inopia adducti, legatos de deditione ad Caesarem miserunt (Caes.) 9. Nec te noster amor nec te data dextera quondam, // Nec moritura tenet crudeli funere Dido? (Verg.) 10. Sume superbiam // Quaesitam meritis, et mihi Delphica // Lauro cinge volens, Melpomene, comam (Hor.).
B. 1. Morte imminente vir probus a virtute non deflectet. 2. Aurelio Cotta et Manlio Torquato consulibus Horatius poeta natus est. 3. Cicerone puero bellum inter Marium et Sullam ortum est. 4. Leges Aeduorum duo ex una familia utroque vivo magistratus creari vetabant. 5. Graeci Themistocle duce Persas ad Salaminem vicerunt. 6. Duobus litigantibus tertius gaudet. 7. Re intellecta in verborum usu faciles esse debemus (Cic.) 8. Atilius Regulus consul victis navali proelio Poenis in Africam traiecit (Liv.). 9. Anaxagoram ferunt nuntiata morte filii dixisse: “Sciebam me geniuses mortalem” (Cic.) 10. Caesar re frumentaria comparata equitibusque delectis iter in ea loca facere coepit, quibus in locis esse Germanos audiebat (Caes.) 11. Romani Hannibale vivo nunquam se sine insidiis futuros existimabant.
Упражнение 19
A. 1. Hominis mens discendo alitur et cogitando (Cic.) 2. Ut medicina valetudinis, sic vivendi ars est prudentia. 3. Beate vivendi cupiditate omnes incensi sumus (Cic.) 4. Caesar oppidum expugnavit et ad diripiendum militibus concessit. 5. Ut ad cursum equus, ad arandum bos, ad indagandum canis, sic homo ad duas res, ad intellegendum et agendum natus est (Cic.).
B. 1. De gustibus non est disputandum. 2. Non omnis error stultitia est dicenda (Cic.). 3. Nihil sine ratione faciendum est (Sen.). 4. Lex iubet ea, quae facienda sunt, prohibetque contraria (Cic.). 5. Ceterum censeo Carthaginem delendam esse (Cato). 6. Num me fefellit, Catilina, non modo res tanta, tam atrox tamque incredibilis, verum, id quod multo magis est admirandum, dies? (Cic.) 7. Suo cuique iudicio utendum est. (Cic.) 8. Germanico bello confecto multis de causis Caesar statuit, sibi Rhenum esse transeundum4 (Caes.).
C. 1. Ut ad bella suscipienda Gallorum alacer ac promptus est animus, sic mollis ac minime resistens ad calamitates perferendas mens eorum est. 2. Hostes et de expugnando oppido et de flumine transeundo spem se fefelisse intellexerunt (Caes.). 3. Quis ignorat Gallos usque ad hanc diem retinere illam immanem ac barbaram consuetudinem hominum immolandorum? (Cic.) 4. Suebi vinum ad se omnino importari non sinunt, quod ea re ad laborem ferendum remollescere hominess atque effeminari arbitrantur (Caes.)
Упражнение 20
1. Aedui legatos ad Caesarem miserunt rogatum auxilium. 2. Quae tibi iucunda sunt dictu, saepe alteri molesta sunt auditu. 3. Draco, horribilis visu, cadmi socios interfecerat. 4. Bello Helvetiorum confecto totius fere Galliae legati ad Caesarem gratulatum convenerunt. 5. Deliberatu opus est. 6. Themistocles testularum suffragiis civitate eiectus Argos habitatum discessit. 7. Legati a Croeso, rege Lydorum, missi Delphos venerunt oraculum consultum. 8. Una legio ex consuetudine frumentarum mittebatur. 9. Lacedaemonii Agesilaum bellatum miserunt in Asiam. 10. Dumnorix propinquas suas nuptum in alias civitates collocavit. 11. Exclusi eos, quos tu ad me salutatum miseras (Cic.)
Упражнение 21
1. Amemus patriam, pareamus senatui (Cic.) 2. Omnia vincit amor, et nos cedamus amori (Verg.) 3. Quid faciant leges, ubi sola pecunia regnant? (Petr.) 4. Utinam me mortuum prius vidisses! (Cic.) 5. Omnia possideat, non possidet aera Minos (Ov.) 6. Sis felix et sint candida fata tua! (Tib.) 7. Quid tibi optem? 8. Illic vivere vellem5 (Hor.) 8. Feci, quod potui, faciant meliora potentes. 9. Quidquid agis, prudenter agas et respice finem (Ov.) 10. Audiatur et altera pars (Cic). 11. Hoc sine ulla dubitatione confirmaverim (Cic.) 12. Vivamus, mea Lesbia, atque amemus (Cat.)
Упражнение 22
1. Notum est, quanta fuerit apud Lacedaemonios auctoritas legum Lycurgi. 2. Dic mihi, quid ad patrem tuum scripturus sis. 3. Iudices reos interrogant, quibus causis ad scelera commoti sint. 4. Epaminondas vita decedens amicos interrogavit, salvusne clipeus suus esset. 5. Quid quoque die audiverim, dixerim, egerim, commemoro vesperi. 6. Dic mihi, quis amicus tuus sit, et tibi dicam, quis sis. 7. Haud facile discerneres, utrum imperatori, an exercitui Hannibal iuvenis carior esset. 8. Quaero, utrum hoc verum an falsum sit. 9. Agis rex dicebat Lacedaemonios non interrogare, quam multi, sed ubi essent hostes. 10. Comoediam apud Graecos dubium est, quis invenerit primus.