Праграма вывучэння горада

1. Агульныя звесткі аб горадзе. Назва горада, яе паходжанне. Год заснавання і атрымання статусу горада. Функцыянальны тып горада. Агульная колькасць насельніцтва і плошча.

2. Геаграфічнае становішча. Фізіка-геаграфічнае мікрастановішча (клімат і мікраклімат, рэльеф і гідралагічныя ўмовы, іх уплыў на планіроўку і характар забудовы, прыродную і культурную расліннасць). Эканоміка-геаграфічнае становішча адносна шляхоў зносін, радовішчаў карысных выкапняў, прамысловых цэнтраў і гарадоў, дзяржаўных і адміністрацыйных межаў.

3. Насельніцтва. Колькасць і дынаміка. Натуральны і механічны рух. Нацыянальны і полаўзроставы склад. Занятасць працаздольнага насельніцтва ў галінах гаспадаркі горада. Сацыяльны і прафесійны склад, яго дынаміка. Забяспечанасць горада працоўнымі рэсурсамі. Асаблівасці мікрагеаграфіі насельніцтва ў межах горада і прыгараднай зоны. Перспектывы дынамікі насельніцтва горада.

4. Прамысловасць. Удзельная вага ў вытворчасці прамысловай прадукцыі раёна, вобласці, краіны. Спецыялізацыя і структура прамысловай вытворчасці. Вядучыя прадпрыемствы, іх размяшчэнне ў межах горада. Унутраныя і знешнія вытворча-эканамічныя сувязі.

5. Транспарт. Транспартнае значэнне горада ў межах краіны, вобласці, раёна. Роля асобных відаў транспарту ў абслугоўванні знешніх сувязей горада. Памеры і склад грузазвароту. Унутрыгарадскі транспарт.

6. Гандлёвыя функцыі горада. Раён гандлёвага прыцягнення, сетка гандлёвых прадпрыемстваў, іх размяшчэнне у межах горада. Месца гандлёвай інфраструктуры ў гаспадарцы горада.

7. Адміністрацыйна-культурныя функцыі горада. Адміністрацыйныя, навуковыя ўстановы, сетка навучальных, медыцынскіх і культурна-асветніцкіх устаноў. Месца горада ў культурным жыцці раёна, вобласці, краіны.

8. Мікрагеаграфія горада. Агульная планіроўка, структура зямель горада. Мікрараёны горада, іх функцыянальныя адрозненні. Межы горада, яго знешняе аблічча.

9. Прыгарадная зона. Памеры і функцыі. Сувязь з горадам. Зоны адпачынку. Прыгарадныя рабочыя і дачныя пасёлкі.

10. Перспектывы развіцця горада. Магчымыя кірункі ўдасканальвання функцый горада ў адпаведнасці з генеральным планам яго развіцця.

Дадатак 4

Праграма вывучэння прамысловага прадпрыемства

1. Агульныя звесткі. Поўная назва прадпрыемства, арганізацыйная форма яго функцыяніравання. Галіновая і ведамасная прыналежнасць. Віды вырабляемай прадукцыі. Дынаміка вытворчых паказчыкаў (вартасных і натуральных). Месца прадпрыемства ў гаспадарцы раёна, вобласці, краіны.

2. Эканоміка-геаграфічнае становішча. Ацэнка становішча адносна сыравінных і паліўна-энергетычных баз, крыніц працоўных рэсурсаў і спажыўцоў гатовай прадукцыі, транспартных шляхоў, асноўных элементаў ландшафту.

3. Гісторыка-геаграфічныя асаблівасці развіцця. Час і прычыны ўзнікнення прадпрыемства ў дадзеным месцы. Змяненне маштабаў вытворчасці і спецыялізацыі на розных этапах развіцця.

4. Працоўныя рэсурсы. Рабочыя і інжынерна-тэхнічны персанал, колькасць, палавы, узроставы і прафесійны склад, узровень адукацыі і вытворчая кваліфікацыя. Умовы працы і быту рабочых. Месцапражыванне працоўных, умовы іх зносін з прадпрыемствам. Шляхі павышэння кваліфікацыі. Тэхналагічныя працэсы вытворчасці. Структура прадпрыемства: асноўныя вытворчыя і дапаможныя цэхі, іх прызначэнне. Схема тэхналагічнага працэсу. Тэхніка-тэхналагічная забяспечанасць і тэхналагічная ўзброенасць вытворчых працэсаў. Сабекошт выпрацаванай прадукцыі.

5. Вытворчая інфраструктура прадпрыемства. Унутраныя і знешнія транспартныя сродкі. Сетка цепла-, вода- і энергазабеспячэння. Будаўнічая інфраструктура.

6. Гаспадарчыя сувязі. Ацэнка сувязей па сыравіне, паўфабрыкатах і камплектуючых вырабах, паліве і электраэнергіі, збыце гатовай прадукцыі. Сувязі з прадпрыемствамі-сумежнікамі (дадаецца картасхема эканамічных сувязей прадпрыемства).

7. Перспектывы развіцця прадпрыемства. Асноўныя асаблівасці функцыяніравання прадпрыемства на сучасным этапе. Вырашэнне прыродаахоўных праблем. Планы развіцця вытворчасці на перспектыву.

Дадатак 5