5 Тарау.
Курс тақырыбы: Ақпараттық-анықтамалық құжаттар
С.т.5.2.Баяндау хаттар. Түсінік хаттар
1.Баяндау хаттар туралы
2.Түсінік хаттар туралы
Баяндау хат – ұйым басшысына қандай да бір мәселені жан-жақты қамтып баяндаған, қорытынды, ұсыныс жасаған құжат.
Ұйымның өз ішіне арналған баяндау хаттар қолмен жазылып, жазған адамның қолы қойылады. Мерзімі көрсетіледі.Сонымен қатар, мекеменің атауы, құрылымдық бөлімшенің атауы, құжат аты, жазылған орны, мәтін тақырыбы, кімге арналғаны көрсетіледі.
Баяндау хат мекеменің атынан жоғары жаққа арналса, машинкеге басып, мекеме басшысы қол қояды.
Түсініктеме-қызметкердің қандай да болмасын бір жарлықты орындамау немесе тәртіп бұзу себептерін түсіндірген құжат түрі.Түсініктеме қалыпты қағазға қолмен жазылады.
Деректемелері:
-кәсіпорын атауы
-құрылымдық бөлімше атауы
-құжат түрі
-күні
-нөмірі
-тақырыбы
-мәтіні
-қолы
Түсініктемеге қосымшалар тіркелуі мүмкін.
Баяндау хат дегеніміз не?
Баяндау хат деректемелерін ата.
Түсінік хат дегеніміз не?
Түсінік хат деректемелерін ата.
Құжат үлгілері бойынша құжат құрастыр.
Тапсырма:
Мекеме басшысына тексеру нәтижесі бойынша баяндау хатын құрастыр.
Берілген тапсырманы уақытында орындамағандығы туралы түсінік хат құрастыр.
*Сөздік:
Баяндау хат- докладная записка
Түсінік хат-объяснительная записка
Мерзім- срок
Қызметкер- служащий
К
.т.5.Ақпаратық-анықтамалық
құжаттар
С.т.5.3. Анықтама және акт.
1.Анықтама туралы
2.Акт туралы
Анықтама-қандайда бір болмасын фактіні не оқиғаны сипаттап растайтын құжат. Анықтама жоғары тұрған органның немесе лауазымды адамның нұсқауымен жазылады. Ол қажет ететін мәліметтерден ғана тұрады-ұсыныс, қорытынды болмайды.
Мекеменің өз ішіне қажет анықтамаға соны жазушы адам қол қояды, жоғарыға жіберілетін анықтамаға мекеме басшысы қол қояды.
Анықтамада бірнеше мәселелер қамтылса, мәтінін бірнеше бөлікке немесе кесте түрінде құрастырған жөн.
Жеке адамға байланысты анықтамалар қалыпты қағазға толтырылып, кадр бөлімі бастығы не кәсіпорынның басшысының және бас бухгалтердің қолы қойылады, мөрмен куәландырылады.
Акт-бірнеше лауазымды адамдардың белгілі бір фактіні не оқиғаны растап қол қойған құжат түрі. Актіні жеке адам толтыруы да мүмкін. Актілер кәсіпорынның не оның бөлімшесінің және жеке лауазымды адамдардың қызметін тексеру қорытындысы бойынша, мүлікті не құжатты қабылдау-өткізу, объектіні немесе тауар-ақшалық бағалы заттарды қабылдау кезінде жасалады.
Деректемелері:
-кәсіпорын атауы
-құжат түрі
-күні
-индексі
-жасалу орны
-бекіту белгісі
-тақырыбы
-мәтіні
-қосымшасы бар екені туралы белгі
-қолы.
Актінің мәтіні екі бөліктен тұрады:
-кіріспеде актіні жасауға негіз болған құжат түрі, оның нөмірі. Күні көрсетіледі.Ары қарай лауазымдары көрсетілген комиссия құрамы, сондай-ақ тексеру кезінде болған адамдардың тізімі аталады.
-белгілеуші бөлігінде комиссия жұмысының мақсат-міндеттері, мәні баяндалып,айқындалған фактілер ресімделеді.Актінің саны мүдделі жақтарға қажетті мөлшерде жасалып, мәтін соңында көрсетіледі.
Акт жасалған соң, комиссия оның мазмұнымен актіде аталған адамдарды қолхат алып таныстырады.
Акт әкімшілік тарапынан бекітіліп, басқару шешімдерін шығару үшін негіз болады.
1.Акт дегеніміз қандай құжат?
2.Анықтама дегеніміз не?
3. Анықтама қандай кезде жазылады?
4.Анықтама құжатының қандай түрлері бар?
5.Акт құжаты қандай кезде жасалады?
6. Акт құжатының мәтіні қандай бөліктерден тұрады?
7.Анықтама құжатының деректемелерін атап бер?
8.Акт құжатының деректемелрін атап бер?
Тапсырма:
Жеке тұлғаның мекен-жайын растайтын анықтама құжатын құрастыр.
Бухгалтерия бөлімінің жұмысын тексеріп анықтама құжатын құрастыр.
Істі тапсыру-қабылдау актісін құрастыр.
*Сөздік:
Анықтама-справка
Акт-акт
Әкімшілік- администрация
Істі тапсыру-қабылдау- прием-передача дел
Мекеме- учреждение
V-ші курс тақырыбы: Ақпарттық-анықтамалық құжаттар.
16-20 сабақ тақырыптары бойынша сұрақ-жауап тапсырмалары.
Ақпараттық-анықтамалық құжаттарға қандай құжаттар жатады?
Бастамалық хаттарға қандай хаттар жатады?
Жауап хаттарға қандай хаттар жатады?
Хаттар қандай деректемелерден тұрады?
Хат мәтінінің бөлімдеріне анықтама беріңіз.
Жіберілетін хаттарға кім бұрыштама белгісін соғады?
Жеделхат дегеніміз не?
Жеделхат деректемелеріін атаңыз.
Жеделхаттар қай жерде толтырылады?
Жеделхатқа кім қол қояды?
Жеделхат құрастыру.
Баяндау хат дегеніміз не?
Баяндау хат деректемелері.
Баяндау хат құрастырыңыз.
Түсініктеме дегненімз не?
Түсініктеме деректемелерін ата.
Түсініктеме құрастырыңыз.
Анықтама дегеніміз не?
Анықтама кімнің нұсқауымен жасалады?
Анықтаманың деректемелеріін атаңыз.
Анықтама құрастыру.
Акт дегеніміз не?
Акт деректемелерін атаңыз.
Акт мәтіні қандай бөліктерден тұрады? Анықтама беріңіз.
Курс тақырыбы: 6. Еңбек қатынастарын құжаттау
Сабақ тақырыбы: 6.1.Еңбек қатынастарын ресімдеу
1.Еңбек ресурстарын басқару
2.Ұсыныс хаттар
Еңбек ресурстарын басқару саласында әкімшілік алдында өзара байланысты міндеттер тұрады.Оларды мынадай кестемен беруге болады.
Еңбек Ресурстарын басқару |
|
Жоспарлау |
Стратегиялық мақсаттардың қойылысы |
|
Еңбек ресурстарының барлығын және қажеттілігін бағалау |
|
Еңбек операцияларын талдау |
Ұйымдастыру |
Нұсқаулықтарды құрастыру |
|
Біліктілік талаптары мен қызметтік міндеттерін анықтау |
Басқару |
Кадр саясаты |
|
қызметке тарту,іріктеу |
|
жұмысқа қабылдау |
|
Өтемақы арқылы негіздеу |
Есепке алу |
Жеке құрам қызметін бағалау |
Жоспарлау және қызметкерлерді басқаруды ұйымдастыру мәселелері өткен бөлімдерде сөз болған.Енді келесі екі мәселеге тоқталамыз.Олар: басқару және есепке алу.
Бос тұрған қызметке үміткерлерді іштен әлде сырттан іздеу мәселесіне фирмалар стратегиялық мақсат бойынша жүзеге асырады.
Қызметкерлерді іріктеудің бірнеше жолы бар. Басшылардан ұсыныс хат алу-өте жиі қолданылады.Кейбір фирмаларда барлық қызметкерлерге қатысты толық мәліметтер жинақталған компьютерлендірілген ақпарат жүйесін пайдаланады.
Жалдаудың басқа әдісі-сырттан жұмысшылар шақыру.Бұл топтап жалдауда және жоғары білікті жұмысшыларды шақырғанда маңызды.Жұмысқа тартудың негізгі тәсілі хабарландырулар тарату болып табылады.Арнайы білімі бар жұмысшыларды жалдауда тікелей институттар мен университеттерден тартады.Сондай-ақ еңбекпен қамтамасыз ету бюролары мен нарықтық делдалдар да бар.
Үміткерлерді еңбек нарығында іріктеу –фирма үшін жауапты сәт.Дегенмен бұл екі жақты процесс.Фирма үміткерді қабылдау әлде қабылдамау керектігін шешеді,ал үміткер-жұмыс туралы ұсынысты қабылдай ма, жоқ па, соны шешеді
Жалдаудың бірнеше процедурасы бар :
-Біліктілікті талаптар;
-Анықтамалық мәліметтер;
-Жұмысы туралы анкета толтыру.
Ауызша әңгімелесу әдісі де қолданылады. Әңгімелесу арнайы үлгідегі тестілермен аяқталады.Бұл тестілер қызметкерлерге арналған типтік тестілер немесе менеджерлерге арналған психологиялық тестілер болуы мүмкін.Менеджерлікке үміткерлер кейде олардың келешектегі шешімін айғақтауға мүмкіндік беретін іскерлік ойындар арқылы тексеруден өтеді.
Ұсыныс хаттар (мінездеме)форманың толтырылуы мен алғашқы әңгімелесудің шындығын тексеруге көмектеседі; екіншіден, басқа адамдардың үміткерге қалай қарайтынын білуге мүмкіндік береді.
Үміткердің болашақтағы басшысымен арадағы жан-жақты әңгімелесуі,біріншіден,алдыңғы кезеңдердегі жекіліксіз болған мәліметтерді толықтыруға мүмкіндік береді. Екіншіден, үміткердің қарым-қатынас жасау, ұжымға сіңіп кету мүмкіндігін тексереді. Бұл кезең үміткердің болашақтағы өз жұмысы туралы сұрап алуына мүмкіндік береді.
Сынау обьективті болу үшін мұндай әңгімелесуге басшыдан өзге тағы 2-3 адам қатысады.
Егер үміткер іріктеу процестеріндегі кедергілердің бәрінен өтсе және еңбек келісімінің шарттары екі жақ үшін де қанағаттанарлық әрі шындыққа жақын болса,ресми ұсыныс жасауға болады.Осыдан кейін жалдауды құжаттауға болады.Яғни,екі жақ еңбек туралы заңдарға сәйкес заңды түрде келісім шартқа қол қойылады.
Еңбек ресурстарын ресімде де әкімшілік алдында тұрған міндеттерді түсіндір.
Жалдау дегеніміз не?
Жалдаудың процедураларын түсіндір
ұсыныс хат қандай кезде толтырылады.
ұсыныс хат не үшін қажет?
Тапсырма:
Сабақ тықырыбы бойынша глоссарий құрастыр;
Жұмысқа шақыру жарнамасын, хабарландыруын құрастыр;
Досыңызға ұсыныс хат құрастырыңыз.
*Сөздік:
Біліктілік- квалификация
Жалдау-найм
Сауалнама-анкета
Үміткер- претендент
Ұсыныс хат – рекомендательное письмо
К.т. 6. Еңбек қатынастарын ресімдеу
С.т. 6.2. Өтініш, келісім, түйін түрлері
1.Өтініш, өтініш түрлері
2.Келісім, келісім түрлері
3.Түйін
Өтініш-құжаттың ең көп тараған түрі-жеке тұлғалардың басшыларға, мемлекеттік органдарға қандай да бір өтінішінен тұрады.Іс қағаздарын жүргізудің негізгі ережелерін сақтай отырып, еркін түрде жасалады.Жұмысқа қабылдану кезінде үміткер өтініш жазады, бұл оның ресми тілегі,әрі штатқа тіркеу үшін негіз болып табылады.
Өтініш мәтінінде жұмысқа алу туралы тілегі баяндалады, мамандығы, кәсібі, квалификациясы мен өзі сұрап отырған қызмет түрі көрсетіледі.
Өтініш қолмен жазылады және келесі деректемелерден тұрады:
-қабылдаушы;
-авторы, автордың мекен-жайы;
-құжаттың түрі;
-мәтіні;
-өтініш иесінің қолы;
-жазылу мерзімі.
Басқа қызметке ауысу туралы өтініш өзгеше толтырылады. Оның қалыпты пішімі ГОСТ талаптарына сәйкес сол мекемеде жасалады.
Демалыс алу туралы өтініш арнайы бланкіге толтырылады; мерзімі туралы ақпарат қолмен жазылады. Өтініштің бұл түрінде беттің артқы жағында демалысқа бөлінген айлықтың есебі жазылады.
Қызметтен босату туралы өтініш деректемелердің құрамы мен толтырылуыжағынан басқа жұмысқа ауысу туралы өтінішке ұқсас.
Оқу демалысын алу туралы өтініш және жүкті болуына немесе босануына байланысты т.б. өтініш түрлерінің мәтінінде соны растайтын құжаттардың бар екендігі көрсетіледі. Бұл құжаттар өтінішке қоса тіркеледі.
Кезекті еңбек демалысын алу мәселесі не бекітілген демалыс кестесі арқылы, не жеке өтініші бойынша шешіледі.
Қазіргі уақытта резюме коммерциялық кәсіпорындарға жұмысқа қабылдауда талап етілетін кеңінен тараған құжат болып табылады. Резюменің ерекшелігі білімі мен еңбек жолы туралы мәліметтерді хронологиялық тәртіппен жазу болып табылады. «Қосымша мәліметтер» бағанында кез келген ақпаратты беруге болады: шет тілдерін білуі, жарық көрген еңбектерінің болуы, басқа мамандық бойынша кәсіби дағдысының болуы және т.б.
Барлық деректер табулятордың нөлдік деңгейінен басталып азат жолсыз жазылады, бірақ әр дерек жеке жолдан басталады.
Нарықтық қатынастарға көшу өмірге еңбек қатынасының жаңа түрін – келісім толтыруды әкелді. Келісімнің жұмысқа алу туралы өтініштен негізгі өзгешілігі, келісімде заң алдында тең екі жақтың келісілген міндеттері мен құқықтары, жалдау ережелері және еңбек дауын шешудің тәртібі көрсетіледі.
Деректемелері:
-құжаттың аты
-мерзімі
-индексі
-толтырылған орны
-мәтіні
-екі жақтың қолдары
-мөр.
Келісім әр жаққа бір-бірден екі түпнұсқада жасалады. ҚР-ның еңбек туралы Заңында жұмыс беруші мен жұмысшылардың өкілетті адамдары қол қойған жеке еңбек шарты және ұжымдық шарт толықтай сипатталады.
ЖЕШ-ның мәтіні мыналардан тұрады:
1.тараптардың деректемелері
2.еңбек қызметі
3.ЖЕШ-ның мерзімі
4.еңбек шарттарын жүзеге асырудың бастапқы мерзімі
5.еңбек шарттарының сипаттамасы
6.жұмыс уақытының және демалыс уақытының тәртібі
7.жалақының және еңбекті қорғаудың шарттары
8.жұмыс берушінің құқықтары мен міндеттері
9.жұмысшының құқықтары мен міндеттері
10.ЖЕШ-н өзгерудің, бұзудың және ұзартудың тәртібі
11.өтемақыны төлеудің және кепілдеме берудің тәртібі
12.тараптардың жауапкершілігі.
Тараптардың өзара келісімі бойынша жеке еңбек шартына басқа да шарттарды енгізуге болады.
1. Өтініш дегеніміз қандай құжат?
2. Өтініштің түрлерін атап бер?
3. Өтініш құжаты қандай деректемелерден тұрады?
4. Түйін қандай құжат?
5. Түйін құжаты қандай мәліметтерден тұрады?
6. Келісім құжаты не үшін қажет?
7. Келісім құжатын кім толтырады?
8. Келісім құжаты неше дана жасалады?
9. Құжат деректемелерін атап бер?
10.Келісім құжатында не көрсетіледі?
Тапсырма:
Жұмысқа қабылдау туралы өтініш құжатын құрастырыңыз;
Өз түйініңізді құрастырыңыз;
Еңбек келісімін құрастырыңыз.
*Сөздік:
Еңбек келісімі- трудовое соглашение
Түйін-резюме
Өтініш-заявление
Курс тақырыбы: 6.Еңбек қатынастарын құжаттау
Сабақ тақырыбы:6.3.Мінездеме.Өмірбаян.
1. Мінездеме,оның бөлімдері.
2. Өмірбаян,деректемелері.
3. Жеке іс қағазы.Еңбек кітапшасы.
Мінездеме-қызметкердің қызметтік,қоғамдық әрекеттерін ресми түрде бағалау,іскерлік қабілеті мен моральдық сапасын ерекшелеп көрсету.
Мінездеме А4 қалыпты жалпы бланкіге толтырылады.
Мінездеме мәтіні 4 бөлімнен тұрады:
Басқы бөлім - анкеталық мәліметтер(аты-жөні,туған жылы,білімі)
Екінші бөлімде – еңбек қызметі туралы мәліметтер (мамандануы,жұмыс істеу мерзімі,қызметі бойынша өсуі)және еңбегіне берілген баға жазылады.
Үшінші бөлімде -қоғамдық белсенділігі, тұрмыстағы тәртібі, әріптестерімен қарым-қатынасына баға беріледі.
Қорытынды бөлімде тұжырымдама және мінездеменің берілу мақсаты жазылады.
Деректемелері:
1.Құжат атауы
2.Мінездеме беріліп отырған адамның қызметін көрсету
3.Құжатты беруші ұжымның атауы
4.Қызметкердің толық аты-жөні
5.Мәтіні
6.Қолы
7.Мөрі
Өмірбаян-автор өзінің өміріне қатысты мәліметтерді хронологиялық тәртіппен құрастыратын құжат.Өмірбаянның типтік үлгісі жоқ,ол мақсатына байланысты қысқа немесе толық жазылуы мүмкін.
Деректемелері:
1.Құжат атауы
2.Автордың аты-жөні
3.Туған жылы,күні,айы
4.Блімі мен мамандығы
5.Қызметіне байланысты мәліметтер
6.Марапаттаулар мен алған мадақтаулары
7.Отбасы жағдайы мен отбасы құрамы
8.Мекен-жайы мен телефоны
9.Толтырылған күні
10.Қолы
Әр қызметкерге құрамына төмендегі тәртіп бойынша көрсетілген құжаттар кіретін жеке іс қағазы толтырылады:
1.құжаттардың тізімдемесі
2.жұмысқа қабылдау туралы өтініш
3.сауалнама немесе кадрлық есепке алудың жеке көшірмесі
4.өмірбаяны
5.білімі туралы құжаттардың көшірмесі
6.мінездеме ,ұсыныс хат
7.бұйрықтардың көшірмесі
8.анықтамалар және басқа да құжаттар
Уақыт өтуіне байланысты жеке іс қағазына анкеталық өмірбаяндық мәліметтерге өзгерістерді растайтын және кәсіби,іскерлік,жеке басының қасиеттерін сипаттайтын құжаттар қосылып отырады.
Еңбек кітапшасы-қызметкерлер мен жұмысшылардың еңбек қызметін растайтын негізгі құжат.Бұл құжаттың үлгісін,жүргізу тәртібін және сақталуын Еңбек туралы Заң Кодексі (ЕтЗК) және басқа да нормативті актілер белгілейді.
1. Мінездеме қандай құжат?
2. Мінездеме қандай бөлімдерден тұрады?
3. Өмірбаян дегеніміз қандай құжат?
4. Өмірбаянның жазылу тәртібі қандай?
5. Мінездеме құжатының деректемелерін атап бер?
6. Өмірбаян құжатының деректемелерін атап бер?
7.Жеке іс қағазын кім толтырады?
8.Еңбек кітапшасы не үшін қажет?
Тапсырма:
Өндірістік іс –тәжірибе жетекшісі атынан мінездеме құжатын құрастырыңыз
Өз өмірбаяныңызды жазыңыз.
*Сөздік:
Жеке іс қағазы-личный листок
Еңбек кітапшасы – трудовая книжка
Өмірбаян- автобиография
Міннездеме- характеристика
К.т. 6. Еңбек қатынастарын ресімдеу
С.т. 6.4.Сенімхат. Қолхат
1.Сенміхат, деректемелері
2.Қолхат, деректемелері
Сенімхат-сенімді тұлғаға сеніп тапсырушының атынан қандай да бір іс-әрекеттерді жасауға құқық беруі туралы құжат.Сенімхат үшінші тұлға алдында сеніп тапсырушының атынан сенімді тұлғаға берілген құжат болып табылады.
Семнімхаттың екі түрі бар:
-кәсіпорындарға берілген ресми;
-азаматтарға берілген жеке.
Ресми сенімхат мәмілелер жасауға, ақша,тауар-материалдық құндылықтарды алуға немесе басқа да іс-әрекеттерді жүргізуге кәсіпорын атынан кәсіпорынның өкіліне беріледі.Ол келесі деректемелерден тұрады:
ұйымның атауы
ұйым туралы анықтамалық деректер
құжат түрінің атауы
құжаттың тіркеу нөмірі
құжаттың мәтіні
лауазымды тұлғалардың қолы
кәсіпорынның мөрі.
Сенімхаттың мәтінінде:
-сенімді тұлғаның лауазымы және төлқұжат деректері;
- сенімхат бойынша іс-әрекет жүргізілетін ұйымның атауы;
-іс-әрекет түрі;
-сенімхаттың қолдану мерзімі көрсетіледі.
Сенімхатты кәсіпорынның бланкісінде ресімдеуге болады. Сенімхатта көрсетілген іс-әрекет ақшаға немесе материалдық құндылықтарға қатысты болса, оған кәсіпорынның басшысы мен бас бухгалтері қол қояды.
Жеке сенімхаттар сеніп тапсырушының атынан жалақы алуға немесе еңбек қатынастарына қатысты басқа да төлемдерді, зейнетақыларды, жәрдемақыларды, стипендияларды, банктердегі салымдарды, хат-хабарларды, оның ішінде ақшалай және сәлемдемені алуға беріледі. Жеке сенімхаттың деректемелері:
құжат түрінің атауы
құжаттың күні
мәтіні(сеніп тапсырушы,сенімді тұлға, сенімхат бойынша іс-әрекететтің түрі)
сеніп тапсырушының қолы және оның талдамасы
сенімхатты растаған лауазымды тұлғаның қолы
сеніп тапсырушы жұмыс істейтін ұйымның немесе тұратын жері бойынша тұрғын үй пайдалану ұйымның нөмірі.
Сенімхат, әдетте, онда көрсетілген іс-әрекетті өткізу мерзіміне беріледі. Егер сенімхаттың мерзімі көрсетілмесе,онда ол күшіне енген сәттен бастап бір жыл бойы сақтайды. Сенімхатты берген күн көрсетілмесе,онда ол жарамсыз болып табылады. Сенімхат 3 жыл сақталады.
Қолхат-іске асқан бір фактіні,мысалы,ақша не басқа бір қымбат дүниені алғанын растайтын құжат түрі. Құжат мәтінінде қолхат берушінің қызметі,аты-жөні,алған ақшаның мөлшері немесе басқа құнды дүниенің атауы, ақшаның не құнды дүниенің кімнен алынғандығы толық көрсетіледі.
Қолхатта ақша көлемі алдымен санмен,сосын сөзбен жазылады. Егер құжатта қандайда бір жөндеулер, өңдеулер, өшірулер кездессе, құжат күшін жояды. Мәтін мен қойылған қол арасындағы кеңістік сызықпен толықтырылады. Қолхат бір дана толтырылады және ақша түрінде құжатпен бірдей дәрежеде сақталады. Кейде куәлер қатысып, қолдарын қояды. Ақша немесе құнды дүние қайтарылған жағдайда қолхат жойылады.
Деректемелері:
құжат атауы
мәтіні
мерзімі
қолы.
ҚОЛХАТ (Расписка)
Мен, Қуатова Жаңыл Асылқызы, Алматы қаласы,Жароков көшесі, 167-үй, 58-пәтердің тұрғыны, Қазақстан Республикасы Қылмыстық істер жүргізу кодексінің 140-бабына сәйкес күйеуім Қуатов Беріктің мүлкіне тиіспеу туралы 1996 жылдың 20-маусымындағы хаттамада көрсетілген заттарды сақтайтыным жөнінде Мемлекеттік тергеу комитетінің Алатау аудандық басқармасының тергеушісі,3-дәрежелі заңгер М.Асқаровқа осы қолхатты бердім.
Хатталған мүлікті жұмсап қойсам немесе иемденсем Қазақстан Республикасы Қылмыстық кодексінің 197-бабына сәйкес жауапты болатыным ескертіледі.
ҚК-тің 197-бабының талаптары түсіндірілді.
Қабылданған мүлікті тергеу және сот органдарының шешіміне дейін сақтаймын.
Қуатова Ж.
20.06.96 ж.
Қолхат алдым
МТК Алатау аудандық басқармасының
тергеушісі, 3-дәрежелі заңгер қолы М.Асқаров
20.06.96ж.