6.1 Topcon сериялы шағылыстығыш gpt-3000 электронды тахеометрінің тексермелері және түзетпелері

Аспаптың тұрақтысын тексеру және түзету:

Аспаптың тұрақтысы призма бойынша өлшем жүргізу режимінде, сондай–ақ шағылыстырғышсыз режимінде қолданылады.

Егер аспаптың тұрақтысын призма бойынша өлшем жүргізу режимінде өзгертсе (призма аспаптан өте алыс орналасқан кезде), міндетті түрде аспаптан жақын орналасқан призма бойынша өлшем жүргізу үшін тұрақтыны сол шамаға өзгерту керек.

Егер аспаптың тұрақтысын шағылыстырғышсыз режимде өзгертсе және бақыланатын нүкте алыс орналақан кезде, міндетті түрде аспаптын тұрақтысын, шағылыстырғышсыз режимде жақын және орташа арақашықтықта орналасқан нүктелерді өлшеу үшін сол шамаға өзгерту керек.

Әдетте аспаптың тұрақтысының мәні өзгеріссіз болады. Арақашықтықтарды өлшеу үшін нақты анықталған базис, яғни дәлдікті бақылау тұрақты түрде жүргізілетін базис қолданылып, алынған мән нақты мәнмен салыстырылады. Мұндай базис жоқ болған кезде оны қолдан жасап (ұзындығы 35 м-ден кем емес), аспапты сатып алғаннан кейін онымен салыстырмалы өлшемдер жүргізу қажет. Екі жағдайда да бақылау дәлдігіне: аспаптың және призманың нүктенің үстінде центрлеу қателігі; базистің өзіндік дәлдігі; көздеу қателігі; атмосфералық жағдайлар үшін түзетпе; рефракция және Жердің қисықтығы үшін түзетпе әсер ететінің есте сақтау керек. Бұл факторларды ұмытпаған жөн.

Сонымен қоса, ғимарат ішінде базисті өлшеген кезде, ғимарат ішіндегі температураның өзгеруі өлшенетін кесінді ұзындығына айтарлықтай өзгеріс әкеледі. Егер салыстырмалы өлшемдер нәтижесінде шыққан айырма 5 мм-ден (призма бойынша өлшеу режимінде), немесе 10 мм-ден көп болса (шағылыстырғышсыз режимде), онда аспаптың тұрақтысын таңдалған режимге байланысты (призмамен немесе призмасыз), шағылыстырғыш немесе ақ түсті пластинаны қолданып, келесі үрдістер көмегімен түзетуге болады.

1. Горизонталь жазықтықта жататын және ұзындығы шамамен 100 м боатын АВ түзу кесіндісінде С нүктесі бекітіледі. АВ, АС және ВС түзу сызықтар өлшенеді.

2. 1-ші пунктті бірнеше рет қайталап, аспаптын тұрақтысы анықталады. Аспаптың тұрақтысы АС+ВС – АВ тең.

3. Егер де аспаптың тұрақтысы, техникалық көрсеткішпен бекітілген тұрақтыға тең болмаса, онда аспаптың тұрақтысын қолдан енгізу керек.

4. Өлшемдерді қайтадан эталондық базисте жүргізіліп, алынған мәліметтер тексеріледі.

5. Егер жоғарыдағы үрдістерді орындау кезінде аспаптың тұрақтысы зауытта орнатылған шамамен тең болса немесе 5 мм-ден (призма бойынша өлшеу режимінде), немесе 10 мм-ден көп болса (шағылыстырғышсыз режимде), онда TOPCON фирмасымен немесе оның дилерімен хабарласу қажет.

5.1 Жарыққашықтық өлшеуіштің оптикалық осін және визирлеу осін тексеру.

Жарыққашықтық өлшеуіштің оптикалық осінің және визирлеу осінің бірегейлігін тексеру, призма бойынша өлшеу режимінде және шағылыстырғышсыз режимде жүргізіледі. Бұны тексеру үшін келесі үрдістерді атқару қажет. Бұл тексерісті, әсіресе, окулярдың қыл сызықты торын тексергеннен кейін жүргізу керек.

1. GPT-3000 сериясының аспабы және призмасы 30-50 м қашықтықта орналастырылады.

2. [F1] батырмасын баса отырып, тоқ көзі қосылады. Экранда күйге келтіру режимінің мәзірі пайда болады.

3. Екінші бет экранына көшу үшін [F4](C↓) батырмасын басып, [F1] батырмасын басу арқылы қашықтық өлшеуішті тексеру режимі таңдалады.

Тахеометрді тексеру 1/2

F1: Вертикаль дөңгелектің нөл орны

F2: Аспаптың тұрақтысы

F3: Осьтерді тексеру C↓

4. Призма бойынша өлшеу режимінде призманың ортасына бағытталу керек. Содан кейін дыбыстық сигнал шығады.

5. [F4](Фикс) батырмасын басып, сигналдың деңгейін айқындау қажет.

Экранның сол жағында сигнал деңгейінің индикаторы жанында « # » белгісі пайда болады.

ВД : 90˚10′10″

ГДп : 20˚00′20″

Сигнал: [▐▐▐▐▐ ]

Шығу БП/П Фикс

ВД : 90˚10′10″

ГДп : 20˚00′20″

Сигнал: [▐▐▐▐▐ ] #

Шығу БП/П Фикс