38.Өндіріс орындарындағы ылғалдылық нормалары, адам ағзасына әсері

Жұмыс орындарындағы микроклиматтың үйлесімді және шекті көрсеткіштері. Микроклиматты сипаттайтын көрсеткіштер: - ауа температурасы; - ауаның салыстымалы ылғалдығы; - ауа қозғалысының жылдамдығы; - жылулықтың интенсивтілігі; Үйлесімді көрсеткіштер жұмыс аймағының микроклиматына байланысты орындалады, ал шекті көрсеткіштер тұрақты және тұрақсыз жұмыс орындарына дифференциалды түрде таратылады. Өнеркәсіптік жердегі жұмыс орнының температураның үйлесімді және шекті көрсеткіштері, салыстармалы ылғалдылық пен ауа қозғалысының деңгейі 4.1-кестеге сәйкес болуы керек. Микроклиматтың шекті көрсеткіштері, жұмыс орнында технологиялық талаптар үйлесімді нормаға сәйкес келмеген жағдайда ғана орнатылады. Бөлмелерде, есептеу техникасы залдарында міндетті түрде ауа температурасы 22-240С, салыстырмалы ылғалдылық 60-40% және ауа қозғалысының жылдамдығы 0,1 м/с-тан аспауы керек. Басқа жұмыс орындарында микроклиматтың үйлесімді нормалары белгіленген тәртіп бойынша салалық құжаттамаларға сәйкес болуы керек. Жұмыс аймағындағы температура әртүрлі биіктікте және әртүрлі аймақта шекті нормадан аспауы керек. Микроклиматтың үйлесімді және шекті көрсеткіштерін орнату кезінде жыл кезеңі де ескерілуі керек, демек, салқын кезең кезінде жұмыс орнын радиациялық салқындатудан қорғау керек, ал жылы кезеңде күн сәулесінің тікелей түсуінен қорғау керек.

39.Жұмысшы зона, оған қойылатын талаптар

Жұмысшы зона дегеніміз - жұмысшылардың жұмыс істеу процесінде тұрақты немесе уақытша болатын және алаң деңгейінен 2 метрге дейінгі кеңістік. ГОСТ12.01.007-76 классификациясына сәйкес өндірісте қолданылатын зиянды заттар адам организміне әсер ету дәрежесі бойынша төмендегідей кластарға бөлінеді: өте қауіпті заттар; жоғары қауіпті заттар; қауіпті заттар; аз қауіпті заттар; Бірінші класқа ШРЕК 0,1 мг/м³ -тан төмен заттар кіреді, екіншісіне 0,1 ден 1мг/м³ қа дейінгілер, үшіншісіне- 1,1 ден 10мг/м³ және төртіншісіне- 10мг/м³ -тан жоғары заттар кіреді.  Заттарды қауіптілік класына бөлген кезде, асқазан сіңірілгенде, теріге тигізгенде, иіскегенде тануға немесе өлімге әкелетін орташа мөлшерін және басқа көрсеткіштерді ескереді. Жұмысшы зона ауасындағы зиянды заттардың шектен рұқсат етілген концентрациясы деп- өндірістік ғимараттарды, технологиялық процестерді, вентилияцияны, сигнализация құралдарын және басқа да ауа ортасының жағдайын бақылайтын құралдарды жобалау кезінде міндетті түрде қолданылатын санитарлық нормативтер. Өндірістік ғимараттардың, сонымен қатар өнеркәсіптердің жұмысшы зонасындағы ауаның күйін бақылауды келесі ережелер бойынша жүзеге асырады: ауаның үлгілерін алатын орындар зиянды тастандылары бар барлық орындар цехтар мен өндіріс алаңдарында қондырылады; өндірістік цехтармен мұнай өңдеу зауыт территориясындағы ауаның күйі тұрақты бақыланып отыратын орынның таңдалуы цех және жергілікті санэпидстанция өкілдерінің келісімі бойынша зауыттың атмосфералық ауаны бақылайтын арнайы лабораториялық жұмысшыларымен жүзеге асырылады. Жарылысқа қауіпті затарға ие өндірістік процестердің қауіпсіздігін қамтамасыз ететін шаралардың біріне жанғыш ортада тұтану импульсінің түзілуіне жол бермеу жатады, негізінен өртке қауіпсіздік кластарға сәйкес келетін бөлмелердің жарылысқа қауіпті қосылыс категориясы мен тобына сәйкес келетін электроқондырғыларда қолданады. Қазіргі заманғы қондырғылардың технологиялық параметрлері бәрімен режимде автоматты түрде реттеледі. Өндіріс орын жобалау кезінде өндірістің өрт қауіпсіздігі және жарылыс қауіптілігі жағынан дәрежесі анықталады. Заттар қасиеттеріне және оларды пайдалану немесе өңдеу шарттарына байланысты барлық өндірістер 6 категорияға бөлінеді. А және Б- жарылыс өрт қауіпті; В, Г, Д- өрт қауіпті; Е- жарылыс қауіпті.