30. Жөндеу және тазалау жұмыстарын жүргізу кезіндегі қауіпсіздік

Химиялық, мұнай химиялық және мұнай өңдеуші зауыттарда қауіпсіз жөндеу жөндеу жұмыстарын жүргізу кезіндегі тәртіп жағдайы РҚ заңының «Қауіпті өнеркәсіптік объектінің өндірістік қауіпсіздігі» талаптарына сәйкес өңделінеді. Ол жұмыс істейтін өндірістер мен ұйымдардағы негізгі кәсіпорын қорының /қондырғылар, құбырлар, өндірістік ғимараттар/ ретін, сонымен қатар жөндеу жұмысы кезіндегі жауапты адамды белгілейді.Жөндеу жұмыстарын жүргізу реті ережелермен, мөлшермен және қондырғының жоспарлы-ескертпелі жөндеу жұмыстарының жүйелерімен, жөндеу жұмыстарын жүргізудің техникалық жағдайларымен, өрт пен газға қауіпті жұмыстардың нұсқауларымен анықталынады.

Техникалық қызмет көрсету. Техникалық қызмет көрсету дегеніміз жөндей жұмыстар жүргізу аралығындағы қондырғының жұмыс істеу қабілетін ұстап тұруды айтамыз. Оған қондырғының дұрыс пайдалану және техникалық пайдалану ережесін қадағалаудағы күнделікті сапалық бақылау кіреді.

Жоспарлы-ескертпелі жөндеу жұмыстары. Химиялық өндірісте жөндеудің осы түрі екі әдіспен жүзеге асырылады. Агрегаттың өндірістік қуатын немесе технологиялық сызықты анықтауда негізінен жоспарлы-периодты жөндеу әдістерін қолданады.

Кезекті жөндеу – қондырғының еңбекке қабілеттілігіне кепіл беретін пайдалану үдерісінде орындалатын жөндеудің жоспарлы түрі. Кезекті жөндеу үдерісінде төмендегі жұмыстар жүзеге асырылады: техникалық қызмет көрсету, жылдам ескіретін бөлшектер мен қондырғының жеке бөліктерін қайта қалпына келтіру және тағы басқалар.Жөндеу жұмыстары басталғанға дейін тапсырыс беруші дайындық жұмыстарының жоспарын құруға, алмастыруға қажетті желілер бөлшектерді дайындауды ұйымдастыруға, ақаулық тізімге сәйкес қажетті қондырғыларды, арматураны, артық бөлшектерді, құбырлар мен материалдарды табуға міндетті.Дайындық жұмыстарының мөлшері мен көлемі, оларды орындау реті мен қауіпсіздік шараларын объект жетекшісі анықтайды. Ол қондырғыларды жөндеуге, дайындауға және жіберуге сәйкес мамандығы мен тәжірбиесі бар адамды жауапты етіп тағайындайды.Өрт жұмыстарына жеке рұқсат құжат жазылады.Өрт жұмыстарын оңай тұтанатын және жанғыш материалдар бар құралдар, қондырғылар және құбырларды ажыратуы кезінде жұмыс істеуге болмайды.Жөндеу жұмыстарын жүргізгендегі маңызды қауіпсіздік факторы биікте жұмыс істейтін қызметкерлердің орнын алмастыру болып табылады.

Тазалау жұмысы кезіндегі қауіпсіздік шаралары. Тазалау жұмыстары зиянды, көп еңбекті және қауіпті. Қондырғыдағы қалдық тұнбасын болдырмау технологиялық үдерістерді рационалдау жолдарымен немесе қондырғы құрылымын өзгерту арқылы мүмкіндігі шектелген.Құбырларді тазалау кезінде арнайы қауіпсіздік шараларын қолданады, себебі горизонталды аумақтардан және беті төмен аумақтардан сұйықтық өздігінен қиын ағады немесе ақпайды, оларды инертті газбен немесе бумен, кейде ауамен үрлейді. Ұрленген зат құбырлардан еркін өткен жағдайда құбыр тазаланды деп саналады. Тығынды орнату және алу қауіпті операция болып табылады, оны газ құтқару қызметінің қызметкерлері немесе солардың қатысында орындайды.Жөндеу жұмыстары кезінде қауіпсіздікті қамту үшін барлық қондырғыларды, машиналарды және механизмдерді сөндірген сенімді.