26. Өндірістік қондырғының сенімділігіне қойылатын талаптар

Қазіргі уақыттағы химиялық қондырғының сенімділігі өте жоғары болу керек, себебі оларды эксплуатациялау кезінде уытты заттар, өртке және жарылысқа қауіпті заттар қолданылады және жоғарғы қысымда немесе өте терең вакуумда, жоғары немесе төмен температурада, өте үлкен жылдамдықпен өтетін үдерістер жүзеге асады Сенімділік – бұл қондырғы эксплуатация көрсеткіштерін сақтаған кезде немесе қажетті мөлшердегі өнімді шығарғанға дейінгі өзінің берілген функциясын орындайтын қасиеті.Қондырғының сенімділігі ұзақ уақыт жұмыс істеуімен және жөндеуден кейін қайта қалпына келуімен және тоқтаусыздықпен анықталынады.

Тоқтаусыздық – эксплуатацияның берілген жағдайында қажетті мөлшердегі жұмысты орындағанша өзінің жұмысқа қабілеттілігін сақтайтын қасиеті.

Ұзақ уақыт жұмыс істеуі – жөндеу және берілген техникалық қызмет жүйесіндегі эксплуатация кезінде өзінің жұмысқа қабілеттілігін сақтайтын қасиеті.

Жөндеуден кейін қайта қалпына келуі – техникалық қызмет көрсетуден немесе жөндеуден өткеннен кейін қайта қалпына келетін қасиетінің сақталуы.Қайта қалпына келмейтін қондырғылар бір-ақ рет істен шығады, одан кейін оны басқасымен алмастыру керек. Химиялық қондырғының сенімділігі арттыру үшін жобасын және дайындалуын білу керек, сонымен қатар пайдалану мәндерін сақтау керек.

Құрылымдық материалдарды қондырғы пайдалануың жалпы және арнайы жағдайларын ескеріп таңдайды: қысым, температура, қоршаған ортаның агрессивті әсері және тағы басқалар. Қондырғыны дайындау үдерісінде барлық күштер сенімді қондырғы құруға жұмсалады. Ол үшін жоғары сапалы материалдар болу қажет.Қондырғы дайындау қазіргі заманғы технологиялық әдістермен жүзеге асырылады. Пайдалану кезінде қондырғының сенімділігі жұмыс тәртібінің берілген параметрлерін сақтағанда, сапалы қызмет көрсетуде және қажетті профилактикалық қызмет көрсетуімен артады.

Қондырғы сенімділігін артыратын әдістің бірі резервтеу, яғни жүйеге негізгі элементпен параллель қосымша элемент енгізіледі, сол кезде жүйенің сенімділігі артады.Резервтеудің екі әртүрлі әдістері бар: аппарат толығымен резервтелетін жалпы әдіс және аппараттың жеке бөлшектері резервтелетін бөлшектік әдіс.

Резервті аппарат негізгіге қосылып барлық жұмыс уақытысында бірге жұмыс істейтін және бірге функцияланатын тұрақты резервтеу және негізгі аппарат істен шыққан кезде қосылатын уақытша резервтеу болып екіге бөлінеді. Кемшіліктері: қондырғыны күрделендіреді, қызметті қымбаттатады, сол себепті оны ұстап тұру мен жөндеу экономикалық тұрғыдан тиімді емес.

27. Қысыммен жұмыс істейтін ыдыстар мен аспаптардың эксплуатациялық қауіпсіздігі

Химиялық өнеркәсіпте қысыммен жұмыс істейтін аспаптар, ыдыстыр және коммуникациялар кеңінен қолданылады. Оларды пайдалану кезінде негізгі қауіпті газдар мен булардың адиабаталық кеңеюінен болатын ыдыстардың бұзылуы болып табылады. Физикалық жарылыс кезінде ортаның қысылған энергиясы аз уақыттың ішінде сынған ыдыс бөліктерінің кинатикалық энергиясына және соққы жарылысына айналады.Ерекше қауіпті ыстық ортада жарылыс тудырады, себебі қалдықтары айналаға шашырап өрт тудырады, адамдар мерт болады.

Осындай аспаптар мен ыдыстардың эксплуатациялау кезінде қауіпсіздігінің талаптары арнайы ережелерде жетік баяндалған.

Ережеде жобалаудың, қондырғылардың, дайындаудың, реконструкцияның реттеудің, монтаждаудың жөндеудің техникалық диагностикалаудың және пайдаланудың талаптары қарастырылған және төмендегілер бойынша таратылады: