II. Күүндвр тогталһн. Сурһульч болн аав хойрин күр.

III. Келвр тогталһн.

Эн үлгүрлә ирлцҗәх җирһлиннь нег йовдлын тускар келҗ өгтн.

Дусалар дала дүүрдг.

IV. Деформированн зәңгс чиклтн.

1) Һаха, Элстд, сарла, сәәхн, секгдх, школ, шин.

2) Хаврт, өрүнәс, шовуд, асхни, бүрүл, дуулна, дууһан, тасртл.

3) Өвсн, көк, зуна, цагт, шарлна.

4) Багшан, сурһульчнр, оньган, соңсна, өгч.

5) Теегт, буув, тоһрун, хаалһас, хойр, тедүкнд.

V. Билгин көдлмш. Тууль чиләҗ бичтн.

Кезәнә эмгн өвгн хойр бәәҗ. Эдн һурвн көвүтә бәәҗ.

январь 2013

9-гч класст хальмг келнә шүүврин даалһврмуд

10 - вариант

I. Текстәр көдллһн.

Күүнә төрлһн – оньдин ончта йовдл. Кезәнә мана өвкнр көвүн төрхлә, байр кеҗ, һаза һарад , бууһас деегшән хаһад, зәңгләд байр кедг бәәҗ. Өөрднр көвүн төрхлә, нәр кеһәд, йөрәдг бәәсмн. Күүкн төрхлә, дала шууга татдмн биш. Көвүн эс гиҗ күүкн төрхлә,мана өвкнр әдләр эңкрлҗ өскдг бәәсмн. Юңгад гихлә, көвүн күн тохминнь нер дуудулх, күүкн болхла, хәрд һарад, талдан уңг-тохмла бат залһлда бәрҗ болх гиҗ тоолгддмн.

1.1. Текстиг айслулҗ умштн. Үүдсн седклиннь тускар келҗ өгтн.

1.2. Текстд нер өгтн

1.3. Меддг хальмг авъясин тускар келтн.

1.4. Текстин һол учр-утхинь медүлҗәх үгмүд (ключевые слова) буулһҗ бичтн.

II. Күүндвр тогталһн. Сурһульч болн ах хойрин күр.

III. Келвр тогталһн.

Эн үлгүрлә ирлцҗәх җирһлиннь нег йовдлын тускар келҗ өгтн.

Дән – цусн уңта.

IV. Деформированн зәңгс чиклтн.

1) Мини, тәвнә, сөөднь,эцк, Баргиг.

2) Көдлв, үзгәс, ар, серүн, салькн.

3) Хар, бүркгдв, теңгр, үүләр.

4) Үдин, часла, сурһульч, одх, школдан, хөөн, хойр.

5) Нег дәкҗ, орв, малын, арат, хашад.

V. Билгин көдлмш. Тууль чиләҗ бичтн.

Кезәнә эмгн өвгн хойр бәәҗ. Эдн һурвн көвүтә бәәҗ.

январь 2013

9-гч класст хальмг келнә шүүврин даалһврмуд

11 - вариант

I. Текстәр көдллһн.

Хальмг күн оньдин зөв эргҗ һарх зөвтә. Юңгад гихлә, хальмг литәр күүнә җирһлин хаалһ өмәрән йовҗ, хәрү эргҗ хаалһан эклдмн гиҗ тоолгдна. Тегәд зөв эргх кергтә. Терүнәс көлтә, хол хаалһд һарад йовхларн,зөв эргҗ ирдмн. Хүрм һарад йохвларн, зөв эргҗ ирдмн. Кү сәәһән хәәхлә, гертәснь һархларн бас буру эргүлҗ сүл хаалһднь йовулдмн биш. Тегәд хальмгуд кезән кезәнәс авн зөв эрглһнә авъясан хадһла юмн.

1.1. Текстиг айслулҗ умштн. Үүдсн седклиннь тускар келҗ өгтн.

1.2. Текстд нер өгтн

1.3. Меддг хальмг авъясин тускар келтн.

1.4. Текстин һол учр-утхинь медүлҗәх үгмүд (ключевые слова) буулһҗ бичтн.

II. Күүндвр тогталһн. Сурһульч болн эгч хойрин күр.

III. Келвр тогталһн.

Эн үлгүрлә ирлцҗәх җирһлиннь нег йовдлын тускар келҗ өгтн.

Күн күүнә төлә ичдг.

IV. Деформированн зәңгс чиклтн.

1) Кевтсн, көвүн, үзв, хаалһд, генткн, даарсн, богшурһа.

2) Нег дәкҗ, цуглулад, авч, эцкм, ирв, теңгрин ки.

3) Өрүнәс, күртл, үд, авн, орв, цасн.

4) Дольган, үзүлҗәнә, үүрмүдтән, дегтр, белглсн, аавин.

5) Көвүнә, дегтр, шин, бас, үүрмүдтнь, таасгдҗана.

V. Билгин көдлмш. Тууль чиләҗ бичтн.

Кезәнә эмгн өвгн хойр бәәҗ. Эдн һурвн көвүтә бәәҗ.

январь 2013

9-гч класст хальмг келнә шүүврин даалһврмуд

12 - вариант

I. Текстәр көдллһн.

Йиртмҗлә залһлдата олн темдг бәәнә. Тегәд хальмгуд йиртмҗин авъясан бәрдмн. Нарн улаһад суухла – догшн салькн көдлх гиҗ темдглдг бәәсмн. Нарн үдәс өмн күүкиг орулҗ авдг, күүкнә ардас йовхларн үдин өмн морддмн. Асхн бүрүллә, нарн суусна хөөн унтдмн биш. Кемр нарн дегд халулад, хагсу, хур-чиг уга болад бәәхлә, һазран тәкдг. Йирндән җилд нег дәкҗ һазр-усан тәкдг йосн бәәнә.

Һазрт күрз шааҗ оркдмн биш, кевтүлҗ тәвдмн. Сөөд од хәләһәд, медәтә улс үзгән чиклнә. Сар хәләҗ ямаран өдр болҗахинь меднә (нәәмн, арвн тавн, һучн). Одн күцҗ һархла, зулд герл өгдмн. Йиртмҗин туск авъясан цуһар медх зөвтә.

1.1. Текстиг айслулҗ умштн. Үүдсн седклиннь тускар келҗ өгтн.

1.2. Текстд нер өгтн

1.3. Меддг хальмг авъясин тускар келтн.

1.4. Текстин һол учр-утхинь медүлҗәх үгмүд (ключевые слова) буулһҗ бичтн.