Viі Абагульненне

Слова настўніка. Памяць народа – гэта самае вялікае багацце, якое і называецца спадчынай. Род і народ яднаюцца адным словам – Радзіма. Любіць яе – значыць ведаць яе мінулае, жыць яе цяперашнім, клапаціцца пра яе будучыню. Пакуль мы з ёю, з яе клопатамі і цяжкасцямі – мы шчаслівыя, таму што падзяляем яе лёс і паяднаны са сваім народам.

Людзям , чалавеку патрэбен мір. Мы павінны помніць пра тых, каго ад нас забрала вайна, таму што чалвек жыве да таго часу, пакуль яго памятаюць на зямлі. Ніхто не забыты, нішто не забыта. Гэта дэвіз у свядомасці і сэрцы не толькі людзей старэйшага пакалення, але і іх дзяцей і ўнукаў, праўнукаў, якія не ведалі вайны:

Часцец, часцей прыпамінай

Імёны паўшых смерцю храбрых

Зы родны край, наш мілы край, -

Каб над зямлёй, што млела ў ранах,

Цвіў гэты белы-белы май,-

Часцей, мой друг, прыпамінай!

Прыпамінай часцей, мой друг,

Імёны тых, што ўсё зрабілі, -

Вышэй усіх тваіх заслуг,

Што, як і ты, да слёз любілі

Мністы ўвосень на рабіне

І ў росных смолках майскі луг, -

Не забывай пра іх, мой друг!..

Ніл Гілевіч.

Viiі. Рэфлексія

Праверце свае здольнасці ў вершаскладанні. Складзіце сінквейн “Вайна” па прапанаванай схеме:

1.Назоўнік.

2.Два прыметнікі, якія характарызуюць вайну.

3.Тры дзеясловы пра вайну.

4.Сказ пра вайну.

5.Сінонім.

Узор

Вайна.

Жудасная, крывавая.

Нішчыць, руйнуе, забівае.

Гэта слёзы і боль.

Смерць.

IX. Выстаўленне і каменціраванне адзнак

X. Дамашняе заданне

Вывучыць верш “Бацьку” Рыгора Барадулін на памяць (с.45-46)

Выкарыстаная літаратура

1. Методыка выкладання беларускай літаратуры:Вучэб.дапам./Л.В. Асташонак, Г.С. Гарадко,Г.М. Ішчанка і інш.; Пад рэд.В.Я.Ляшук.- Мн.:ВП “Экаперспектыва”, 1999. – 445 с.

2. Беларуская літаратура: вучэб.дапам. для 5-га кл. устаноў агул. Адукацыі з беларус. і рус. мовамі навучання. У 2 ч. Ч. 2 / Л. К. Цітова.– Мінск : Нац. ін-т адукацыі, 2009. – 192 с.

3. Часопіс “Беларуская мова і літаратура” 2012 г. №6 / І. А. Хвясюк. Верш Р. Барадуліна “Бацьку”