Тапсырма №284.

(Көмей аурулары)

Науқас 50жаста,2ай бұрын струмэктомия операциясы жасалған.Күрт даусының нашарлауын байқаған.Ларингоскопияда көмейдің сол жақ жартысының бұру жағдайында қозғалмайтыны анықталды.

Асқынудың даму механизмі қандай?Емдеу тактикасы қандай болмақ?

Тапсырма №285.

(Көмей аурулары)

35жастағы науқастың даусы қарлыққан,қаталдау.Тыныс алу жетіспеушілігінің 1дәрежесінің көріністері бар.Созылмалы ларингит диагнозымен стационарға жіберілді.Тексергенде көмейдің кіреберісін толығымен жауып жатқан және дауыс саңылауын тарылтатын көптеген папилломалар анықталды.

Бұл ауруды рак алды жағдай ретінде қарастыруға болады ма?Қандай формаға жатқызасыз осы ауруды:факультативті немесе облигатты?

==========================================================

Тапсырма №286.

(Көмей аурулары)

Науқас 23 жаста,100мл уксус эссенциясын ішкеннен кейін, жарты сағаттан соң ЛОР-клиникаға жеткізілді.Жағдайы ауыр,айқын инспираторлы ентігу(минутына36тыныс),тері жабындылары бозғылт,АҚ-100/60мм сб.,пульс 96соққы минутына.Аускультация кезінде өкпедегі құрғақ және ылғалды сықыр анықталды.

Дәрігердің тактикасы қандай?

Тапсырма №287.

(Көмей аурулары)

Науқас 29 жаста,тыртықты өзгерген өңештің етпен бітеліп қалуына байланысты ЛОР-клиникаға жеткізілді.Өңештің стенозы балалық шағында химиялық күйіктен кейін дамыған.Бөгде дене екінші қайтара эзофагоскопия жасалынғаннан кейін ғана, қиындықпен алынды.Келесі күні науқастың температурасы 38,7⁰-қа дейін жоғарлады,өңештегі ауру сезіміне шағымданды.

Диагнозы қандай?Дәрігердің алдағы тактикасы кандай?Пайда болған көріністер немен байланысты?

==========================================================

Тапсырма №288.

(Көмей аурулары)

Науқас 37жаста,өңештің тыртықты тарылуымен ауырады.Тамақтанып отырып, байқамай жеміс сүйегін жұтып қойды.Көп ұзамай кеудеде ауыру сезімі,астың өтуінің қиындауы пайда болды,дене қызуы 38⁰-қа дейін көтерілді.Жалпы жансыздандыру арқылы бөгде зат алынып тасталынды.Ертеңіне қорытынды рентгенографияда өңештің контурында контрастты заттың ұйығаны анықталды.

Диагнозы қандай?Дәрігердің тактикасы қандай?

Тапсырма №289

(Көмей аурулары)

5жасар қыз балаға, жергілікті анестезиямен,аденотомия жасалып жатқанда,кенеттен тұншығу пайда болды. Науқас есінен танып қалды,құрысулар пайда болды.

Асқынудың дамуының механизмі?Хирург шұғыл түрде қандай шараларды жүргізуі қажет?

====================================================

Тапсырма №290

(Көмей аурулары)

.Науқас 20жаста,өңеште бөгде дененің(балық сүйегі) болуына байланысты,жергілікті анестезиямен эзофагоскопия жасалынды;бөгде дене 2-інші физиологиялық тарылу деңгейінде табылды,өңештің қабырғасын тесіп өткен.Сүйек алынды,науқасқа массивті антибиотикотерапия тағайындалды.Бөлімшеге келген кезінде температурасы көтерілмеген,ешқандай шағымы болмаған,эзофагоскопиядан соң 10күннен кейін ауруханадан шықты.Сол күні науқас өте толып кеткен автобусқа мініп,аузынан профузды қан ағуынан кейін,кенеттен қайтыс болды.

Патологиялық жағдайдың дамуының механизмі?