Тапсырма№ 197

(Жұтқыншақ аурулары)

Науқас оң жағында тамақтағы жыртылғандай оң құлағына берілетін ауру сезіміне, бастың ауруына, қалтырау, тыныс алудың қиындауына шағымданады. Ауырып жүргеніне бесінші күн болды. Салқын тигеннен кейін тамақтағы ауру сезімі пайда болып, дене қызуы 37,8̊ C-қа дейін көтерілді. Үйде антибиотиктермен емделген. Үш күн ішінде дене қызуы қалпына келді. Науқас емін тоқтатты. Бесінші күші дене қызуы 39̊ C-қа дейін жедел көтеріліп, жұтыну кезінде оң жақтағы жедел ауру сезімі және қалтырау пайда болды. Жалпы жағдайы орташа. Дене қызуы 38,0̊ C. Бастың мәжбүрленген қалпы-ауру жағына басын шалқайту. Аузын қиындықпен бірнеше миллиметрге ғана ашады, дауысы маңқаланған.

Фарингоскопия: Алдыңғы доға және жұмсақ таңдайдың оң жақ жартысы гиперемирленген, алға қарай қатты шығып тұр. Тілшік ісінген және сол жаққа қарай ығысқан. Оң таңдай бадамшасы төменге, артқа, ішке қарай ығысқан. Жұтынғанда жедел ауру сезімі пайда болады.

Диагнозы қандай? Науқасқа қандай ем қолдану керек?

=========================================================

Тапсырма№ 198

(Жұтқыншақ аурулары)

Науқас 13 жаста, күндіз сағат 12-де жергілікті жансыздандырумен тісті жұлдыртқан. Новокаинді енгізіп, 20 минуттан кейін жұтыну мен тыны алудың қиындауы, саливация байқалды.

Науқас емханаға жеткізілді.

Болжау диагноз қандай?

Тапсырма№ 199

(Жұтқыншақ аурулары)

Науқас 2 жаста, қабылдау бөлімшесіне ауыр жағдайда түскен. Дене қызуы 39̊ C, тынысы қиындалған. Тамақтан бас бұрады. Жеті күн бұрын жедел респираторлы ауру анықталған. Ем жүргізілген.

Фарингоскопия: алдынғы доғалардың және жұмсақ таңдайдың шырышты қабаты шамалы гиперемирленген, қақтар жоқ, жұтқыншақтың артқы бөлігінің оңға қарай томпаюы анықталған. Оң жақ жақасты лимфа түйіндері ұлғайған, пальпация кезінде ауырады.

Диагнозы қандай? Баланы қалай емдеу керек?

===================================================

Тапсырма№ 200

(Жұтқыншақ аурулары)

9 жастағы бала тамақтың оң жағындағы ауру сезіміне шағымданады. Ауырғанына бес күн болды. Алдында баспа анықталып, ем жүргізілген.

Жағдайы ауыр. Дене қызуы 38,6̊ C. Тері жабындылары бозарған.

Фарингоскопия кезінде: тризм, оң таңдай бадамшасы алға және орта сызыққа қарай ығысқан. Оң жақ алдыңғы доғасы мен жұмсақ таңдайдың гиперемиясы және инфильтрациясы анықталды.

Оң жақ жақасты лимфа түйіндері ұлғайған, ауырады.

Диагнозы қандай? Баланы қалай емдеу керек?

Тапсырма №201

(Жұтқыншақ аурулары)

10 жастағы бала жұтыну (сілекейді) кезінде тамақтағы ауру сезіміне, әлсіздікке шағымданады. Екі күн бойы ауырып жүр.

Қарау кезінде – дене қызуы 37,6̊ C, таңдай бадамшалары ақшылт қызыл түсті, доғалардан шығып тұрған жоқ, жұтқыншақтың артқы қабырғасында гиперемия, лимфа түйіндері ұлғайған, ауырмайды.

Диагнозы қандай? Баланы қалай емдеу керек?

========================================================

Тапсырма №202

(Жұтқыншақ аурулары)

9 жасар бала жиі тамақтағы ауру сезіміне, бастың ауруына, мұрынмен тыныс алудың қиындауына шағымданады.

Қарау кезінде: тіл ақшылт түсті қақпен жабылған, жұтқыншақтың артқы қабырғасының гиперемиясы, шырыш байқалады, бадамшалар орта сызықта жанасып доғалардан шығып тұр. Регионарлы лимфа түйіндері тығыз, ауырмайды. Мұрын-жұтқыншақта аденоидты өсінділер бар.

Диагнозы қандай? Баланы қалай емдеу керек?