Тапсырма №173

(Жұтқыншақ аурулары)

16 жастағы науқас қабылдау бөліміне зембілмен жалпы әлсіздікке, басының ауыруына, тамағындағы ауру сезіміне шағымданып түсті. Ауырғаны екінші күн. Анамнезінен бір апта бұрын инфекцилық бөлімге түскен баламен қарым-қатынаста болғаны белгілі болды.

Жағдайы орташа ауырлықта. Науқас әлсіреген. Төсекте қиындықпен отырады. Тері жабындылары бозғылт, ылғалды. Температурасы 38,6⁰С, пульсі минутына 88 соққы. Жұтқыншағының кілегейлі қабығы гиперемияланған, сұр реңді, бадамшалары доғашықтарға таралған лас-сұр түсті қақтармен қапталған. Қақтар қиын алынады, сәйкес тін қанайды. Бадамшалар айналасындағы жұмсақ тіндер домбыққан, ісінген. Аузынан иіс шығады. Жақасты аймағында жергілікті лимфа түйіндері айналасындағы жұмсақ тіндердің ісінгені анықталады, лимфа түйіндері үлкеймеген,

Болжамды диагноз қандай? Диагнозды нақтылау үшін не істеу керек? Дәрігерлік тактика қандай?

======================================================

Тапсырма №174.

(Жұтқыншақ аурулары)

38 жастағы науқас, рентгенотехник, жұтуға бөгет болатын тамағындағы ауыруға, денесінің температурасының жоғарылауына, аяқ-қолының ауыруына, жалпы әлсіздікке шағымданады. Ауру екі күн бұрын жедел басталған және, науқастың пікірінше, салқын тиюмен байланысты.

Жалпы жағдайы орташа ауырлықта, тері жабындылары құрғақ, сұрлау-сары реңді, температурасы 39⁰С, пульсі минутына 88 соққы.

Фарингоскопия: кілегейлі қабығы шамалы гиперимияланған, бадамшалары лас-сұр түсті некротикалық қақтармен қапталған. Жергілікті лимфа түйіндері үлкеймеген. Қанды зерттегенде формулада гранулоциттердің айқын төмендегені анықталады.

Диагноз қандай? Науқасты қалай емдеу керек?

Тапсырма №175.

(Жұтқыншақ аурулары)

14 жастағы қыз тамағындағы ауыруға, әлсіздікке, температурасының жоғарылауына шағымданады. Бірнеше күндік болмашы әлсіздіктен кейін, үш күн бұрын ауырып қалды.

Объективті: жағдайы орташа ауырлықта, тері жабындылары ылғалды, температурасы 40⁰С. Жұтқыншақ кілегейлі қабығының гиперемиясы. Бадамшалары ақ қақпен қапталған. Жақастылық, жоғары мойындық, қолтықастылық және шап лимфа түйіндерінің үлкейгені анықталады.

Қан зерттеуінде: лейкоциттер – 12*10⁹/л, эозинофилдер – 0%, базофилдер – 1%, таяқшаядролы нейтрофилдер – 0%, сегментоядролы нейтрофилдер – 23%, лимфоциттер – 50%, моноциттер – 26%.

Диагноз қандай? Науқасты қалай емдеу керек?

=======================================================

Тапсырма №176.

(Жұтқыншақ аурулары)

44 жастағы науқасты тамағындағы жыбырлау, күйдіру сезімі мазалайды. Бұл сезімдер жиі пайда болады, әсіресе салқын тиюден кейін немесе ащы тағам қабылдағаннан кейін.

Объективті: жұтқыншақтың кілегейлі қабығы аздап гиперемияланған. Бадамшалары үлкен емес, қақтар және «тығындар» жоқ. Жұтқыншақтың артқы қабырғасының кілегейлі қабығы гиперемияланған, тұтқыр қақырықпен қапталған, оның бетінде лимфоидты гранулалар анықталады. Жұтқыншақтың бүйір білікшелері ісінген. Көмейдің кілегейлі қабығы өзгермеген, дауыс қатпарлары ақ, қозғалмалы. Дауыс саңылауы кең.

Диагноз қандай? Науқасты қалай емдеу керек?