Тапсырма №138.

( Мұрын аурулары )

48 жасар науқас ЛОР- бөліміне жатқызылды. Шағымдары: сол жаққа қарағанда диплопия, сол жақ жоғарғы қабақтың шамалы түсуі, сол жақ көз алмасының алып кетуінің нашарлауы . Кейде бастың шүйде бөлігінің ауыруын, мұрын бітелген сезімнің болуын, жұтқыншақтың артқы қабырғасымен бөліндінің ағуын байқайды. Көз симптоматикасы біртіндеп 6-8 ай ішінде дамыды. Бірақ окулист маман қарағанда көз түбі, көру алаңы жағынан өзгерістер анықталмады.

Мұрынның қосымша қойнауларының аксиальді және бүйір бағыттағы рентгенограммасында сына тәрізді қойнаудың, торлы лабиринттің артқы бөлігінің гомогенді күңгіртенуі көрінді. Мұрынның қалған қосымша қойнауларында патология жоқ. Мұрын­маңдай проекциясындағы томограммада сына тәріздес қойнаудың, әсіресе сол жағында, күңгірттену және қабырғаларының жіңішкеруі, қойнау аралық қалқанның бөлшектік деструкциясы көрінеді.

ЛОР-мүшелерін қарап тексергенде жасына сай қалыпта екені анықталды. Жоғарғы қабақтың түсуі және сол жақ көз алмасының алып кетуінің нашарлауы бар.

Болжамды диагнозы қандай? Қандай қосымша диагностикалық шараларды жүргіземіз? Емдеу тактикасы қандай?

Тапсырма №139.

( Мұрын аурулары )

Cозылмалы полипозды синуит және бронхиальды демікпесі бар науқасқа жалпы анестезиямен Калдвелл-Люк бойынша екі жоғарғы жақ қойнауындағы полиптерді алып тасту операциясы жасалды. Операциядан кейінгі кезең асқынусыз өтті, бірақ оперциядан кейінгі алтыншы тәулікте мұрын қуысын жалбыз майымен өңдегенде науқаста айқын бронхоспастикалық қалып дамыды.

Ұстаманың даму себебі? Ұстаманың мүмкін алдын алу жолдары қандай? Жедел емдеу шаралары қандай?

=====================================================

Тапсырма №140.

( Мұрын аурулары )

Науқаста созылмалы екі жақты іріңді гайморит бар. Серіктес сырқат – бронхоэктатикалық ауру. Ішкі мүшелердің кері орналасуы анықталған.

Бұл синдромға сипаттама беріңіз. Оторинолариногологтың тактикасы қандай болу керек?

Тапсырма №141.

( Мұрын аурулары )

Науқаста созылмалы полипозды синусит және бронхиальді демікпе бар. Полиптерді алып тастау кезде, әсіресе дем алғанда, шұғыл тыныс алу қиындау басталды.

Объективті: акроцианоз, тері және шырышты қабаттың цианозы, айқын мазасыздық, науқас мәжбүрлі қалыпта, фиксацияланған иықты белдеумен. Тамыр соғысы 95 рет минутына. Тыныс алу шулы, қиындатылған, жиілігі 30 рет минутына.

Бұл қалыптың пайда болу себебі қандай? Ұстаманың мүмкін алдын алу жолдары қандай? Жедел емдеу шаралары қандай?

====================================================

Тапсырма №142.

( Мұрын аурулары )

Науқас гипертониямен ауырады, осымен байланысты соңғы төрт жыл ішінде үнемі раувольфин дәрісін қабылдайды. Мұрынның тұрақты бітеліп жүргеніне жарты жыл болды. Объективті: мұрын кеуілжірлері ісінген, мөлшері ұлғайған, көгілдір.

Бұл қалыптың пайда болу себебі қандай? Алдын алу және емдеу жолдары қандай?

Тапсырма №143.

( Мұрын аурулары )

28 жасар созылмалы полипозды гаймориті бар науқасқа сол жоғарғы жақ қойнауына Калдвелл-Люк бойынша операция жасалды. Оперция кезінде трепанационды тесіктің сүйекті бөлімдерінен және жоғарғы жақ қойнауының жұмсақ тіндерінен айтарлықтай қан кету болды. Бұл қан кету хирургиялық ем жүргізуді қиындатты. Оперциядан кейінгі қуысқа бірнеше рет тампонада қойғаннан кейін операция аяқталды. Операциядан кейінгі алтыншы күні жоғарғы жақ қойнауы мұрын тесігі арқылы шайылды. Ірін алынды. Науқас келесі күндері де ірің иісін сезді. Бірнеше рет шайған кезде іріңді бөлінділер алынды.

Оперция кезінде қандай қателік жіберілді. Пайда болған күдіктерді қалай растауға немесе жоққа шығаруға болады. Егер қателік анықталса, хирург қандай тактиканы ұстану керек?

======================================================