Рамановіч Праскоў’я Сцяпанаўна

Нарадзілася ў 1939 годзе ў в. Доўгае. Вышывае ручнікі, абрусы, дарожкі, накрыўкі, аздобленыя карункамі, бахрамою. Вышывае крыжыкам, гладдзю.

Тчэ посцілкі ў асноўным двухбаковы перабор, арнамент з геаметрычных раслінна-кветкавых узораў. На чорным сукне, як жывыя, зіхацяць жоўтыя кветкі.

Асаблівай увагі заслугоўваюць вышываныя карціны. На іх розныя матывы і розны настрой.

Мажуга Ніна Аркадзьеўна. Нарадзілася ў в. Стары Востраў. Працавала бібліятэкарам. Зараз на пенсіі. Займаецца бісерапляценнем. Вырабляе шкатулкі, карціны, кветкі, дрэўцы, стварае прыгожыя пано.

Мажуга Ніна Аркадзьеўна. Нарадзілася ў в. Стары Востраў. Працавала бібліятэкарам. Зараз на пенсіі. Займаецца бісерапляценнем. Вырабляе шкатулкі, карціны, кветкі, дрэўцы, стварае прыгожыя пано.

Супрунчук Валянціна Васільеўна. Нарадзілася ў в. Дзмітраўка. Займаецца выпальваннем , разьбой па дрэве, з бяросты стварае карціны, малюе. Яе карцінам уласціва вобразнае бачанне жыццёвага свету, на іх – родныя мясціны: лес, лугі, сенакосы, родная вёска. Апрача ўсяго гэтага Валянціна Васільеўна піша вершы. Тэматыка яе вершаў рознабаковая. Гэта вершы аб харастве роднай прыроды, каханні, цяжкіх жыццёвых сітуацыях.

Трафілаў Сяргей Валянцінавіч. Нарадзіўся ў 1965г. у в. Закупленне. Займаецца разьбой па дрэве. Робіць карнізы, аздабляючы іх разьбой геаметрычнага ці стылізаванага расліннага характару, якія нібы звісаюць і выразна глядзяцца на сцяне. Робіць франтоны з разьбой, укладвае шалёўку (“квадратам”, “ромбам”, “у ёлачку”), дэкаратыўнымі накладкамі, якія утвараюць геаметрычны арнамент, расфарбоўвае, часта ў некалькі колераў ці розных адценняў аднаго колеру. Робіць чаканкі: пано.

Дызайн

У апошнія гады пачаў развівацца такі від аздаблення, як ландшафтны дызайн. Пад уздзеяннем усходняй культуры ў раёне з’явіліся альпійскія горкі, сады камянёў і інш.

Вырабы народных майстроў задавальняюць эстэтычныя патрэбы, выкарыстоўваюцца пераважна ў якасці твораў мастацтва і сувеніраў, павялічваецца іх дэкаратыўнасць, пашыраецца каляровая гама, развіваюцца новыя віды і матывы аздаблення.

Сучасны выгляд набылі адміністрацыйныя, грамадскія і прамысловыя будынкі. Вітражы з рознакаляровага шкла ўпрыгожваюць памяшканне раённай паліклінікі, набылі новы выгляд будынкі “Клічаўскага лясгаса”, “Беларусбанка” і “Аграпрамбанка”. Захапляе сваёй манументальнасцю і арыгінальнасцю СШ №1 г. Клічава. Класы, кабінеты - палепшанай планіроўкі, маюць сучасны выгляд.

У зонах адпачынку з’явіліся альтанкі, якія стораны рукамі народных умельцаў.

Змены ў жыллёвым будаўніцтве ў апошнія гады звязаны з пераносам акцэнта ад масавага індустрыяльнага домабудавання да ўзвядзення жылых дамоў па індывідуальных праектах з палепшанай планіроўкай. У будаўніцтве выкарыстоўваюцца сучасныя стылевыя напрамкі, новыя канструктыўныя і планіровачныя рашэнні, эфектыўныя і высокаэстэтычныя будаўніча- аддзелачныя матэрыялы. У індывідуальным праектаванні жылля прымяняюцца канструктыўныя схемы з разнастайнымі варыянтамі каркаса, сценамі з газасілікатных блокаў, цэглы і маналітнага жалезабетона. (гл. таксама “Архітэктура”, “Грамадскія і прамысловыя будынкі”, “Жыллёвая архітэктура”, “Малыя формы архітэктуры”, “Народная творчасць”, “Прыкладное мастацтва”).