7.2 Семинарлық сабақтарға дайындалу үшін әдістемелік нұсқаулар

Мемлекеттік стандартқа сәйкес мамандық бойынша пәнді үрдісі келесілерді қамтамасыз етуі тиіс:

• Студенттер әлеуметтік сервис және туризм саласының теориялық негіздерін толық иегеру тиіс.

• Туризм саласындағы басқару үрдісінің ерекшелігін білу.

• Еңбек ресурстарының қажеттіліктерін, оларды таңдау, іріктеу бақылау процестерін, әдіс-тәсілдерін, мәселесін меңгеру .

Пән бойынша жүргізілетін дәрістер келесі негізгі әдістер негізделуі тиіс:

• Дәріс барысында туризмнің және әлеуметтік сервис дамуындағы аспектілер толығымен қарастырылуы тиіс;

• Дәріс конспектілері жаңа әдебиеттер негізінде даярлануы тиіс;

• Дәріс барысында стідент пен оқытушының арасындағы тығыз байланысты орнату мақсатында интерактивті және мультимедиялық тәсілдерді және құралдарды қолдану;

Семинарлық сабақтың жоспарына сәйкес әр тақырып оқыту процессі келесілерге негізделуі тиіс:

• дәріс материалдары;

• негізгі және қосымша әдебиеттерде ұсынылған материалдар;

• глоссарии және басқа анықтамалық материалдар;

• материалдарды оқыту бойынша жоспар, тезис, блок-сызба құрастыру;

• негізгі ойларды белгілеу (конспект, эссе);

• бақылау және арлық бақылау сұрақтарына жауап беру;

• жеке тапсырмаларды, есептерді орындау;

• тесттік тапсырмаларды шешу.

Бөлімдер бойынша интерактивті құралдарды қолдану

Оқыту әдісі екі негізгі категорияға бөлінеді: дидактикалық және интерактивті. Дидактикалық әдіс біржақты бағытта жүргізіледі және кең аудитория үшін қолданылады, мазмұның толық түрде ашады, уақыт тиянақты түрде жоспарланады, себебі аудиториядан кері байланыстын болмауы материалды түсінбеушілікке әкеліп, қосымша уақыт кетуі мүмкін.

Оқытудың интерактивті әдісіне келесілер жатады:

• семинар – бұл бір тақырып бойынша баяндама жасау және соңында тыңдаушыларға сұрақ қойылады. Баяндаманың мазмұнын талқылау үшін тыңдаушылар топқа бөлінуі мүмкін. Семинарды дәріс орынына өткізуге болады, бірақ аудитория үлкен болмауы тиіс.

• Дискуссия – талқылауды қажет ететін ойларды презентациялау үшін қолданылатын оқытудың жалпы әдісі. Талқыланатын мәселелер бойынша ойлардың, пікірлердің, білімдердің еркін алмасуына негізделеді.

• Жағдайды талдау – тындаушыларға нақты іскерлік жағдайлар мен іскерлік ақпараттарды қарастыруға мүмкіндік береді. Тындаушы берілген жағдай бойынша қалыптасқан ситуацияларды талдап, оң шешім қабылдауға қабілеттілігін дамыту тиіс.

• Іскерлік ойын – тәжірибе жүзінде орын алатын жағдайларды талдауға арналған оқыту процесінің бірі болып табылады. Негізгі мақсат ол тыңдаушылардың теориялық білімін арнайы рөлдер арқылы тәжірибеге ұштастыру.

• «Ми шабуылы» әдісі – жаңа идеяларды талқылау тәсілі ретінде құрастырылған және тыңдаушылардың ортасында осы идеяға қатысты жаңа ойлардың пайда болуының негізін қалауға арналған оқыту процессі. Жаңа идеяларды талқылау – бұл мәселелерді шешудегі маңызды тәсілдердің бірі.

• «Аквариум» - командаларға топтық процесстерді талдауға мүмкіндік береді және тыңдаушыларды команда негізінде жұмыс істеуге үйретеді. Арнайы командаға тапсырма беріледі, ал басқа команда олардың іс-әрекеттерін бақылап, біраз уақыт өткен соң олардың іс-әрекеттеріне баға береді.

Әдетте тәжірибелі оқытушы қарастырылатын тақырыпқа сай оқыту әдістерін өзі таңдайды және бағалау жүйесін анықтайды.

Бағалау жүйесі кредиттік технологияға сай жүргізіледі және тыңдаушылардың сабаққа қатысу денгейімен анықталады.