4. Сөйлемді толықтырыңыз.

1. Басшы қызметің орындау үшін басшыға ресми .... пен бірге ... қажет болады. 2. Басшының стилі – бұл .... қабылдау және қызметкерлерге ... беру әдісі. 3. Басшының ... және ... стилі болады.

5. Берілген сөздермен сөйлем құрастырыңыз.

Дербес, егжей-тегжейлі, елеулі, қамтамасыз ету, құбылыс, түгелдей.

№26 практикалық сабақ.

Модулдің аты: Басшы келбеті

Сабақтың тақырыбы: Дипломат келбеті

1. Мәтінді оқыңыз.

Талейранның пікірінше, дипломатия саласында жемісті жұмыс істеуге қажетті «Жан мен рухтың» сапасы екі санатқа бөлінеді.

Бірінші санатқа байқампаздық, қанағатшылдық, пайдақ үнемдіктен мүлде аулақ болу, сондай-ақ сыртта жүргенде ел атынан сөйлеу аса жауапты міндет екендігін сезінуге және ел ішінде оның саяси құқықтарының сақталуын қадағалауға мәжбүр ететін әйгілі сезім асқақтығы жатады.

Екінші санатқа саяси қатынастарды оқып-үйренуге жан-дүниесінің бейімділігі, мәселелердің түп-төркінін дұрыс және тез арада байқап қою қабілеті, ой-өрісінің кеңдігі жатады.

Бәрін бірге алғанда және практика жүзінде өрістетіп көргенде аталмыш қасиеттердің барлығы да дипломатиялық мансаптың рухы мен абыройын құрайды, - деді Талейран 1800 жылы наурызда үкіметке ұсынған дипломатиялық мансап туралы өзінің баяндамасында

2. Төмендегі сөздердің аудармасымен танысыңыз.

Асқақтығы – высокомерие, чванство

Аулақ болу – быть далеким

Байқампаздық – наблюдательность

Бейімділік – склонность, способность

Жауапты – ответственный

Жеміс – плоды, результаты

Қадағалау – проверять, следить

Қанағатшылдық – умеренность, довольство малым

Құқық – права

Мансап – карьера

Мәжбүр – вынужденный

Міндет – обязанности

Өрістетілу – развертываться

Санат – ряд

Түп-төркінін – в тексте: суть

Үнемділік – экономность, бережливость

3. Сұрақтарға жауап беріңіз.

1. Сіздіңше дипломат қандай болу керек?

2. Дипломат нені білу керек деп ойлайсыз?

3. Дипломат кімнің атынан жұмыс істейді?

4. Берілген сөздермен сөйлем құрастырыңыз.

Байқампаздық, жауапты, қадағалау, мансап, мәжбүр, міндет

№27 практикалық сабақ.

Модулдің аты: Басшы келбеті

Сабақтың тақырыбы: Ел үміті – қоғам қайраткері

1. Мәтінді оқыңыз.

Қоғамның келешегі – жастар. Қазіргі жас ұрпақ өкілдері заманның қорғаушы күші – шын мәнінде жастар екенін түсінеді. Сондықтан жастарды білікті маман, озық ойлы азамат етіп тәрбиелеу үшін оларға мектептен бастап жоғары оқу орындарына дейін жүйелі білім беру керек. Барлық нәрсенің іргетасы – білім.

Жаңа ғасырдың мақсаты – әлемдік өркениет көшіне қосылу. Ертеңгі игіліктер үшін, әсіресе, бәсекелестіктің көрігі қызып тұрған бүгінгі таңда, жастар ел мүддесін көздейтін алтын қалыпқа құйылып, өмірлік тәжірибелерде шыңдалуы керек. Жоғары білімді, кәсіптік тұрғыда білікті мамандардың өз саласын жетік меңгеруі және қоғамдағы экономикалық әлеуметтік өзгерістерге, техника мен технологияларға ғылыми негізде баға бере алуы және олардың жолдары мен даму үдерісін болжай білуі міндетті.