Ақш Үкіметі мен Эксон корпорациясының ізгілікті көмектері

Жүз жылдан астам уақыт бойы жолбарыс бейнесі американдық Эксон мұнай компаниясының және оның қуаты мен халықаралық тәжиребесінің, технологиялардағы озаттығының және өндірістің жоғары деңгейіне жетуге деген құштарлығының белгісі болып келеді.

АҚШ Үкіметі мен американдық «Эксон Венчерз (ТМД) ИНК» мұнай компаниясы Қазақстан Республикасы тұрғындарының әлеуметтік жағынан қорғалмаған топтарын қолдау жөніндегі бастама шеңберінде Алматы қаласы мен Алматы облысындағы балалар мекемелері мен жүйке-неврологиялық интернат үйлеріне ізгілікті көмек жеткізіп бере бастады. Бұл жоба АҚШ Мемлекеттік департаменті атынан ҚР Денсаулық сақтау, Еңбек және халықты әлеуметтік қорғау министрліктермен ынтымақтаса отырып «Казунтерат» ізгілікті көмек бағдарламасы және «Эксон Винчерз (ТМД)Инк.»компаниясының қаржылай қолдауы арқылы жүзеге асырылуда. Әлемдегі ең ірі байырғы мұнай компанияларының бірі ретінде, «Эксон» корпорациясы мен оның филиалдары жүзден астам елде жұмыс істейді. Көптеген жылдардан бері «Эксон» корпорациясының еншілес компаниялармен оның қызметкерлері компания жұмыс істейтін елдердің халықтары, оның ішінде Қазақстанның әлеуметтік және мәдени өміріне белсенді қатысуда.

Жалпы 227,000 АҚШ доллары болатын жаңа киімдерден, маталардан және жылытқыштардан тұратын жүктің алғашқы бөлігі Есіктегі қарттарға арналған жүйке-неврологиялық интернат үйіне, сондай-ақ Алматы қаласындағы №1 сәбилер үйіне жеткізіледі. Бұл мекемелерде ізгілікті көмекті тапсыру рәсімі өтіп, жергілікті әкімшіліктердің,«Эксон Винчерз (ТМД)Инк.» компаниясының және «Каунтрат» ізгілікті көмек бағдарламасының өкілдері қатысты.

Таяудағы бірнеше ай ішінде бағдарлама шеңберінде киім-кешек және аяқ киім тиелген тағы да екі ізгілікті жүк келеді деп күтілуде, олар Алматы және Ақмола облыстары тұрғындарының мұқтаж топтарына тапсырылатын болады

«Егемен Қазақстан»

Тапсырма: Шын немесе жалған сөйлемдерді таңдап айтыңыздар.

1. а) Америкалық компания экономикалық-әлеуметтік жағдайды көтерді. ә) Қазақстан Республикасының тұрғындарына медициналық көмек көрсетті. б) Балалар мекемелеріне ізгілікті көмек жеткізді.

2. а) Бұл жоба «Эксон Винчерз (ТМД)Инк.» мұнай компаниясы қаржылай қол арқылы жүзеге асырылуда. ә)Аталған компания инвестиция салуда б) Ірі компания облыс тұрғындарын қамқорлыққа алуда.

3. а) «Эксон» корпорациясы жүзден астам елде жұмыс істейді. ә) Осы компания барлық әлемде жұмыс істеп жатыр. б) Үлкен компания тек қана Қазақстанда жұмыс істейді.

4. а) Ізгілікті көмек бағдарламасының өкілдері ел өміріне белсене қатысты. ә) Ресми делегацияның өкілдері мәжіліске қатысты. б) АҚШ Үкіметінің өкілдері қатысты.

5. а) Бағдарлама шеңберінде киім-кешек және аяқ-киім тапсырылды. ә)Балалар үйіне сыйлық берді. б) Сәбилерге азық-түлік ұсынды.

Тапсырма: Төмендегі сөз тіркестерін қолданып, сөйлем құраңыздар. Қорғалмаған топтар, жеткізілген ізгілікті көмек, ынтымақтастық қоғам, жұмыс істеген мұнай компаниясы, белсенді қатысқан өкілдер, тапсырған сыйлық, жүзеге асырылған шара.