V. Дамашняе заданне

Практ. 73, правіла.

VI. Вынік урока

— Як вымаўляюцца звонкія зычныя на канцы слоў і перад глухімі зычнымі? Як праверыць правапіс слоў з парнымі звонкімі — глухімі зычнымі ў канцы і ў сярэдзіне слоў?

Урок 49

Тэма. Звонкія і глухія эычныя гукі. Іх абазначэнне на пісьме

Мэты: працягваць назіранні за вымаўленнем звонкіх зычных на канцы слоў і перад глухімі зычнымі; вучыць падбіраць праверачныя словы да слоў з парнымі глухімі — звонкімі зычнымі ў сярэдзіне; замацоўваць правапіс парных звонкіх — глухіх зыч­ных на канцы слоў і ў сярэдзіне слова перад іншымі зычнымі; развіваць фанематычны слых, звяртаць увагу дзяцей на сэнсаадрознівальную ролю гукаў; узбага-чаць слоўнікавы запас вучняў прыказкамі; развіваць мысленне, памяць, выхоўваць цікавасць да вывучэння беларускай мовы.

Ход урока

I. Праверка дамашняга задання 1) Практыкаванне 73

— Прачытайце верш. Якія літары вы ўставілі ў сло­вы? Назавіце праверачныя словы.

Чыстапісанне

Ее ее

В..дзер в..дро з..лень з..лёны след сл..ды

Арфаграфічная хвілінка

Траўка, дзіва, маці, цішыня,вадзіца, дзённік.

II. Замацаванне

1) Практыкаванне 74

— Прачытайце словы. Якія літары трэба пісаць на месцы прапушчаных? Чаму? Спішыце пары слоў, устаўце прапушчаныя літары.

2) Практыкаванне 75

— Прачытайце верш. Вусна змяніце выдзеленыя словы так, каб пасля зычнага стаяў галосны гук. Спішыце. Устаўце ў словы патрэбныя літары.

3) Калектыўная праца на дошцы

На дошцы запісана загадка:

Між лугоў, лясоў удалеч

сту(ж, ш)ка сіняя віецца.

I агонь яе не спаліць,

і ніколі не парвецца. (М. Пазнякоў).

— Адгадайце загадку. Якую літару трэба ўставіць у слова? Вусна падбярыце праверачнае слова.

4) Практыкаванне 76

— Дапоўніце словы прапанаванымі літарамі. Якія гукі абазначаюць устаўленыя літары? Вусна змяніце словы так, каб пасля зычнага стаяў галосны гук.

5) Практыкаванне 77

— Прачытайце прыказку. Чаму так гавораць? Назавіце ў выдзеленым слове літару, напісанне якой трэба праверыць.

На дошцы запісаны прыказкі:

У крыніцу не носяць вадзіцу.

Да чыстай крыніцы сце(ж, ш)ка утоптана.

— Якой з прыказак можна замяніць прыказку з практыкавання? Якую літару трэба ўставіць у слова? Вусна падбярыце праверачнае слова.

III. Дамашняе заданне

Практ. 78.

IV. Вынік урока

— Як вымаўляюцца звонкія зычныя на канцы слоў і перад глухімі зычнымі? Як праверыць правапіс слоў з парнымі звонкімі — глухімі зычнымі ў канцы і ў сярэдзіне слоў?

Урок 50

Тэма: Звонкія i глухія зычныя. 1х абазначэнне на пісьме

(2 урок)

Тып урока: традыцыйны.

Мэты:

1) пазнаёміць з алгарытмам праверкі і напісання зычных на канцы слова i перад зычным;

2) развіваць лагічнае мысленне, вусную i пісьмовую мовы вучняў;

3) выхоўваць працавітасць, пачуццё павагі i зацікаўленасць да навучання.

Абсталяванне: магнітафон, малюнкі, карткі, кружкі-тварыкі.

Ход урока