Төмендегі берілген кейсты топпен талдау және талқылау: Кейс 4 Ескі тауар – жаңа нарық

Дүние жүзіндегі ең ірі эскалаторларға қажетті пластикалық подшипниктер мен роликтерді жеткізушілердің бірі болып табылатын компания 1983 ж. Европа мен АҚШ-та нарықтың 26 %-ін иемденді, ал бір жыл өткеннен кейін оның үлесі 36 %-ке дейін өсті. Компанияның штаб-пәтері және негізгі кәсіпорыны Швецияда, ал еншілес фирмалар мен кіші-гірім кәсіпорындары Швейцария мен Германияда орналасқан.

Компания шығаратын подшипниктер мен роликтер эскалаторлар мен конвейерлерде тиімді сырғанауды қамтамасыз етеді және шуылды болдырмайды. Оның ассортиментінде әр түрлі қолданысқа белгіленген өнімнің төрт түрі бар. Компания, дүние жүзіндегі компаниялардың көбі шағармайтын, сырғанау подшипниктерімен бірге шайқалу подшипниктерін шығарады. Өнімнің жоғары сапасының арқасында компания Европа мен АҚШ-та жақсы атпен белгілі. Оның орнықты жағдайы ресурстар үнемділігінде жеткен табыстарға негізделген орташа бағалармен қуатталады.

Подшипниктер мен роликтерге сұраныс жуырдағы бес жыл ішінде орта шамамен 3,5 %-ке өседі деп күтіледі және де қажеттіліктер жұмыспен өтелген бөлшектерді ауыстыру қажеттілігімен де, жаңа эскалаторлар мен конвейерлерде орнатумен де анықталады.

Қазіргі уақытта компанияның басты міндеті – япондық нарыққа ену. Алдын-ала болжамдар бойынша Японияда компанияның өнімі өніміне 2 долл. бағасымен сатылуы мүмкін. Мұндай шешім болжам бойынша 2000 жылға дейін сақталынатын тез өсу темпіне (орта шамамен бұл тауарладың әлемдік нарығына қарағанда әлде қайда жоғары) байланысты қабылданған. Пластикалық подшипниктер мен роликтердің япондық нарығының сыйымдылығы әлемдік нарықтың 36 %-ін құрайды.

Компанияның тапсырысы бойынша мамандандырылған маркетингтік ұйыммен жүргізілген кабинеттік және далалық зерттеулер келесі ақпаратты алуға мүмкіндік берді. Нарықта бес ірі пластикалық подшипниктер мен роликтерді жеткізушілер бар, олардың екеуі нарықтың 60 %-ін бақылайды, бәсекелестердің орташа бағасы 3-8 долл.

Япондық сатып алушылар сатушылармен ұзақ байланыстарды ұнатады. Сонымен, япондық нарық тұрақты, бәсекелестер саны көп емес. Ұзақ байланыстарды дамытудағы киындықтар негізінен байланысты қиындататын мәдениет ерекшеліктерінен пайда болады. Бұл мәселе япондық нарыққа енудің басты кедергісі болып табылады.

Сатып алушылардың сұрауы мынаны көрсетті: сатып алу туралы шешімді анықтайтын негізгі параметрлер болып жоғары сапа, жеткізудің мерзімі, кепіл мерзімінің сенімділігі мен ұзақтылығы табылады. Бірақ ең жоғары рейтингке тауардың сапасы ие болады.

Міндетті орындай ала ма: алты жылдың ішінде япондық нарықта өзінің үлесін 30 %-ке дейін жеткізу.

Талқылауға берілген сұрақтар:

1.Сіз компанияға япондық нарыққа енудің қандай тәсілін ұсынушы едіңіз және неліктен?

2.Нарықтық стратегияны ұсыныңдар және тауардың позициялауын жасаңдар.

3.Бұл кезде қандай факторларға назар аудару керек екендігін анықтаңдар.

Тақырып №7. «Маркетингтегі тауар саясаты» 7-апта, 1-сағат:

1. Тауар саясатының мәні.

2. Ассортименттік саясат.

3. Жаңа тауар ұғымы.

4. Тауардың бәсекелестік қабілеттілігі.

Негізгі әдебиеттер: 2,3,4,5,6,22,23,15,16,18.

Қосымша әдебиеттер: 3,4,6,12.

Әдістемелік нұсқаулық: Жоғары берілген сұрақтар бойынша конспекті жазу және схема құрастыру.