Курслöн велöдан да том мортöс быдтан-сöвмöдан могъяс:

• тöдмöдны студентъясöс öнiя коми литература сöвман нырвизьясöн;

• гöгöрвоöдны 20-öд нэмпомся – 21-öд нэм заводитчан кадся коми литературнöй процесслысь аслыспöлöслунсö;

• сöвмöдны студентъяслысь серпаса гижöд видлалан сям;

• отсавны гöгöрвоны öнiя олöмын, культураын, искусствоын, литератураын лоöмторъяссö;

• отсавны студентъяслы лоны литература радейтысь, пыдди пуктысь да гöгöрвоысь войтырöн.

Темаяс серти план

№	Наименование разделов, тем	Количество часов по учебному плану
		Максималь-ная нагрузка студентов (часов)	Аудиторная нагрузка			Самос-тоятель-ная работа
			Всего	В том числе
				Лекции	Практич. работа
1.	I юкöн. Пыртöд. 1 № тема. Дисциплиналöн могъяс, пытшкöс. Шöр корöмъяс. Быть колана литература серти индöдъяс. 1990-öд воясö россияса литератураяслöн сöвман нырвизьяс.	6	4	2	2	2
2.	II юкöн. Коми проза нэм вежсигöн. 1 № тема. Öнiя коми висьт.	14	8	4	4	6
3.	2 № тема. Коми повесьтын шöр визьяс	12	6	2	4	6
4.	3 № тема. 20-öд нэмпомся коми роман.	12	6	4	2	6
5.	III юкöн. Талунъя лирикалöн чужöмбан. 1 № тема. Öтув пасъяс.	8	4	2	2	4
6.	2 № тема. Лирика геройлöн олöм кылöм.	8	4	2	2	4
7.	3 № тема. Рифматöм стих	8	4	2	2	4
8.	IV юкöн. Öнiя коми драматургия	12	6	4	2	6
9.	V юкöн. Челядь коми гижöдъяс.	12	6	2	4	6
10.	VI юкöн. Коми республикаын роч кывъя литература	8	4	2	2	4
	Итого	100	52	26	26	48

Курслöн сюрöс

1. Пыртöд. Дисциплиналöн могъяс, пытшкöс. Шöр корöмъяс. Быть колана литература серти индöдъяс. 1990-öд воясö россияса литератураяслöн сöвман нырвизьяс (постреализм, модернизм, постмодернизм, этнофутуризм). Коми литератураын выль нимъяс, темаяс. Жанръяс сöвмöм. Выльысь тöдмалöм «важ» литература. Öнiя литератураын öтувъялун да торъялöмъяс. 21-öд нэм заводитчандырся коми серпаса гижöдъяс. Литератураын öнiя мортлöн образ: курыд майшасьöмъяс, олöм кусöм кылöм. Маргинальнöй личносьтöс петкöдлöм. Морт олöмын трагедия дiнö шыöдчöм.

ПРАКТИЧЕСКÖЙ ЗАНЯТИЕ

Россияса öнiя литератураясын нырвизьяс (постреализм, модернизм, постмодернизм, этнофутуризм). 2 час

Студентлы колö тöдны «постреализм, модернизм, постмодернизм, этнофутуризм» терминъяслысь вежöртассö; нэм вежсян кадö россияса литератураяслысь сöвмöмсö.

Студенлы колö кужны востьтыны «постреализм, модернизм, постмодернизм, этнофутуризм» терминъяслысь вежöртассö; нэм вежсян кадö россияса литератураяслысь сöвманногсö.

АСШÖР УДЖ

1. Вайöдöм литература вылö мыджсьöмöн аддзыны коми да роч литератураясын XX –öд нэм помын öткодь да торъялана лоöмторъяс.

2. Вайöдöм литература вылö мыджсьöмöн паськöдны этнофутуризм йылысь тöдöмлунъяс.