5. Паста қайнатушы

2-разряд

Жұмыс сипаттамасы. Элемент пасталарын электрмен және бумен қыздырып қайнату. Элементтерді арнайы кассеталарға орнату. Пастаның деңгейін түзету және температуралық режимді сақтау. Элемент пасталарын қайнату дайындығын сыртқы түріне қарай айқындау. Элементтерді бұлаудан алу және салқындату және оларды кептіру үшін торларға орнату.

Білуге тиіс: қызмет көрсетілетін жабдықты қолдану принципі; әмбебап айлабұйымдар мен орташа күрделіктегі аспаптардың қызметі және пайдалану ережесі; бұлаудың жұмыс температурасын және элемент пасталарын қайнатуға талап етілетін режимді.

6. Паста қайнатушы

3-разряд

Жұмыс сипаттамасы. Түрлі конструкциядағы конвейерлік құрылғыларда элемент пасталарын қайнату. Элементтерді арнайы кассеталарға қалау және пісіру құрылғыларына тиеу. Су деңгейі мен температураны бақылау-өлшеу аспаптарының көрсеткіштері бойынша реттеу. Агломераттардың ортасын дәлдеудің дұрыстығын тексеру. Қайнату құрылғыларындағы ақаулықтарды анықтау және оларды жою.

Білуге тиіс: конвейерлік құрылғылар мен арнайы айлабұйымдардың құрылымы және қолдану принципі, қайнатылатын пасталардың құрамы, қасиеті және қызметі; пастаны қайнатуға дейін және кейін элементтерге қойылатын талаптар; бақылау-өлшеу аспаптарын пайдалану ережесі.

7. Шайыр құюшы

1-разряд

Жұмыс сипаттамасы. Металл шөміштің көмегімен конвейерлерде немесе жұмыс үстелдерінде берілген температурада элементтер мен батареяларға түрлі рецептурадағы және түрлі балқытылған шайыр құю. Шайырды электр бұлауларында берілген температураға дейін қыздыру. Элементтер мен батареяларды шайыр құюға дайындау. Элементтер мен батареялардағы шайырдың берілген деңгейін сақтау. Батареяларды ағып кеткен шайырдан тазарту.

Білуге тиіс: қызмет көрсетілетін жабдықтың құрылысы туралы негізгі мәліметтер; кеңінен таратылған айлабұйымдар мен бақылау-өлшеу аспаптарының қызметі және пайдалану ережесі; элементтер мен батареяларды құюға дайындау ережесі, құйылған шайырлардың қызметі мен температуралық режимі; элементтер мен батареяларға құю кезектілігі.

8. Шайыр құюшы

2-разряд

Жұмыс сипаттамасы. Элементтер мен батареяларға шайыр өлшегіштер мен басқа да арнайы шайыр құятын түрлі құрылымдағы құрылғылардың көмегімен технологияда берілген температурада түрлі рецептурадағы және қызметтегі балқытылған шайыр құю. Шайыр өлшегіштер мен басқа да шайыр құятын құрылғыларды технологиялық режим бойынша іске қосу, реттеу және тоқтату. Элементтер мен батареяларды құюға арналған шайырдың жарамдылығын айқындау. Электрмен қыздырылатын қазандықтар мен бұлауларда шайырды қыздырудың температуралық режимін сақтау. Құйылған батареялардың жарамдылығын сыртына қарай айқындау.

Білуге тиіс: қызмет көрсетілетін жабдықты қолдану принципі әне басқару жүйесі; бақылау-өлшеу аспаптарын пайдалану ережесі; элементтер мен батареялардағы құю шайырларының қызметі.

9. Шайыр құюшы

3-разряд

Жұмыс сипаттамасы. Элементтер мен батареяларға технологияда берілген температурада автоматика элементтері бар жартылай автоматты желілерде түрлі рецептурадағы және қызметтегі балқытылған шайыр құю. Жартылай автоматты желілерді іске қосу және тоқтату. Циклограмманы құюдың берілген режиміне орнату. Шайырдың температуралық режимін, қысымды, жіберу және мөлшерлеуді реттеу. Мөлшерлейтін құрылғыларды басқару. Циклограмма жұмысындағы ақаулықтарды айқындау және жою. Құйылған батареялардың жарамдылығын сыртқы түріне қарай айқындау. Жабдықты баптау.

Білуге тиіс: циклограммаларды, температуралық режимді, шайыр көлімен берілетін өлшегіш арқылы реттеу ережесі; өлшенетін материалдардың орташа сынамасын алу ережесі; технологиялық журналдағы жазбаны жүргізу; жабдықты баптау тәсілдері.