2. Элемент өндірісінің автоматшысы

2-разряд

Жұмыс сипаттамасы. Орташа күрделіктегі автоматтардың немесе жартылай автоматтардың бір түрін: агломераттарды байлау инелерін дәнекерлеу, қалпақтарын толтыру автоматтарын, оқшаулау машиналарын басқару. Материалдармен автоматтарға немесе жартылай автоматтарды толтыру. Агломераттарды байлау, түрлі галеттік элементтерді құрастыру және оларды полихлорвинильді пленкамен оқшаулау. Мыспен қалайыланған инелерді мырыш полюстерге дәнекерлеу. Автоматты және жартылай автоматты баптау және реттеу. Автомат немесе жартылай автомат жұмысындағы ақаулықтарды анықтау және олардың алдын алу және жою шараларын қабылдау.

Білуге тиіс: қызмет көрсетілетін автоматтарды немесе жартылай автоматтарды қолдану принципі, басқару жүйесі және баптау ережесі; орташа күрделіктегі арнайы айлабұйымдардың және бақылау-өлшеу аспаптарының қызметі мен оларды пайдалану ережесі; орташа күрделіктегі автоматтарда немесе жартылай автоматтарда операцияларды орындау кезектілігі; қолданылатын материалдардың, жасалған бөлшектер мен бұйымдардың қызметі және негізгі қасиеттері.

3. Элемент өндірісінің автоматшысы

3-разряд

Жұмыс сипаттамасы. Күрделі конструкциядағы автоматтардың немесе жартылай автоматтардың бір түрін: элементтерді пленкамен созу, элементтерді және құрғақтай қалта батареяларын құрастыру, түрлі галеттік элементтерді құрастыру автоматтарын басқару. Нормаға сай емес бұйымдарды, бөлшектерді, материалдарды іріктеу. Көп позициялық автоматты және жартылай автоматты баптау, реттеу, автоматты бақылау-өлшеу аспаптарының көрсеткіштерін қадағалау. Көп позициялық автоматтар немесе жартылай автоматтардың жұмысындағы ақаулықтарды анықтау және олардың алдын алу және жою жөнінде шаралар қабылдау. Көп позициялы автоматтарды немесе жартылай автоматтарды ағымдағы жөндеуге қатысу.

Білуге тиіс: күрделі конструкциядағы қызмет көрсетілетін автоматтардың немесе жартылай автоматтардың құрылымы және баптау тәсілдері; орташа күрделіктегі арнайы құралдардың, айлабұйымдар мен бақылау-өлшеу аспаптарының құрылымы; қызмет көрсетілетін автоматтарда немесе жартылай автоматтарда орындалатын операциялардың кезектілігі; қолданылатын материалдардың, жасалатын бөлшектер мен бұйымдардың физикалық-химиялық қасиеттері.

4. Элемент өндірісінің автоматшысы

4-разряд

Жұмыс сипаттамасы. Элементтер мен батарея жасау жөніндегі автоматты желілерді басқару: қолданылатын құралдың жай-күйін, автоматты бақылау-өлшеу аспаптарының көрсеткіштерін, желілерді майлау және салқындату жүйелерін қадағалау. Жұмыс процесіндегі желіні баптау және реттеу. Желі жұмысындағы ақаулықтарды анықтау және олардың алдын алу және жою шараларын қабылдау. Элемент және батарея жасау жөніндегі ерекше күрделі конструкциядағы, сондай-ақ бірегей және тәжірибелік автоматтар немесе жартылай автоматтардың бір түрін басқару. Сепаратор жасау жөніндегі автоматты машинаны, белсенді материалдар мен қойылтылған электролит дайындау және өңдеу құрылғыларын басқару. теріс және оң электродтар жасау, ток бұрмалы бақылау, жайма қалыптайтын, көп позициялық, желімделген, сығымдағыш сілті элементтерін жасау, тұз, сілті, элементтер мен батареяларды термопласт автоматтармен, қалайтын, орайтын, қалыптайтын, этикет жапсыратын құрастыру автоматтарын немесе жартылай автоматтарын басқару. Электронды аспап көрсеткіштерін қадағалау.

Білуге тиіс: қызмет көрсететін жабдықтарды баптау және реттеу құрылғылары мен тәсілдері; аспаптар мен айлабұйымдарды пайдалану ережесі; күрделі бақылау-өлшеу және электронды аспаптардың құрылысы.