28. Оқшаулау материалдарын престеуші

5-разряд

Жұмыс сипаттамасы. Қалыңдығы 0,5 мм дейінгі қабатталған және фольгаланған оқшаулау материалдары мен аса жоғары жиіліктегі диэлектриктерді гидравликалық пресстерде және автоматты желілерде престеу. Престеу процесін сіңірмеленген толтырғыштың технологиялық қасиеттеріне сәйкес реттеу. материалдарды көп сатылы режимдерді жартылай автоматты реттелетін арнаулы термостаттарды термоөңдеу. Көп позиционды дайындама жиынтықтарын дайындау.

Білуге тиіс: қызмет көрсететін жабдықтың кинематикалық сызбаларын; желілік мөлшер дәлдігіне және оқшаулау материалдары бетінің тазалығына қойылатын талаптарды; көп позиционды дайындама жиынтықтарын дайындау ережесін.

29. Қағаз бен маталарды сіңірмелеуші

3-разряд

Жұмыс сипаттамасы. Қағазды, қағаз мақта маталар мен шыны маталарды сіңірмелеу машиналарында сіңірмелеу процесін жүргізу. Сіңірмелеу машинасын, материалды жұмысқа дайындау. Ваннаға байланыстырушы материалды құю, материалдарды машинаға орналастыру. Орама ұштарын тігу және желімдеу. Машинаның жұмысын қадағалау және қыртыстарды жазу. Қағаз бен маталарды кептіру. Оларды орамаға орау.

Білуге тиіс: сіңірмелеу машиналарының құрылымы мен нысанын, оларды басқару ережесін; сіңірмелеудің технологиялық процесін; тотырғыштар мен байланыстырғыштарға қойылатын талаптарды; қолданылатын материал номенклатурасын.

30. Қағаз бен маталарды сіңірмелеуші

4-разряд

Жұмыс сипаттамасы. Қағазды, жібек, синтетикалық маталар мен шыны маталарды автоматты құрылғылары бар сіңірмелеу машиналарында сіңірмелеу процесін жүргізу. Материалдың орналастырылуын, ұштарының желімделуі мен кептірілуін автоматты реттеу. Ауа пресін, сығымдау құрылғылары мен полотноны керілуін реттеу. Байланыстырушы компоненттерді берілген концентрацияға дейін жеткізу. Сіңірмеленген материалдың дайындық деңгейі мен сапасын бақылау-өлшеу аспаптарының көмегімен анықтау және ақауларын сұрыптап шығару. Материалдарды берілген мөлшерге кесу, тасымалдау және жинау.

Білуге тиіс: сіңірмелеу машиналары мен кесу механизмдерінің құрылымы мен жұмыс принципін; бақылау-өлшеу аспаптары мен құралдарын пайдалану ережесін; түрлі материалдарды сіңірмелеудің температуралық режимдерін; байланыстырушы компоненттерді дайындау технологиясын; материалдарды бракқа шығару тәсілдерін; дайын өнімге қойылатын техникалық талаптарды.

31. Слюданы регенераторлаушы

2-разряд

Жұмыс сипаттамасы. Қалдықтардан электр пештерінде слюданы регенерациялау процесін жүргізу. Слюда қалдықтарын пешке салу. Температураны бақылау-өлшеу аспаптарының көмегімен реттеу және пештің берілген жұмыс режимін сақтау. Электр энергиясының берілуін бақылау. Күйдірілген слюданы пештен түсіріп алу және оны таралау.

Білуге тиіс: электр пештерінің құрылымы мен жұмыс принципін; бақылау-өлшеу аспаптары мен құралдарын пайдалану ережесін; пеш температурасын реттеуді; қалдықтардан слюда күйдіріп алу туралы технологиялық нұсқаулықты.

32. Электр оқшаулау материалдарын сұрыптаушы

1-разряд

Жұмыс сипаттамасы. Электр оқшаулау материалдарын (қағазды, маталарды, слюданы) біліктілігі анағұрлым жоғары сұрыптаушының басшылығымен сұрыптау. Сұрыпталған материалдарды жинау.

Білуге тиіс: қағазды, маталарды, слюданы сұрыптаудың қарапайым ережесін; қарапайым оқшаулау материалдарының түлері мен маркаларын; бақылау-өлшеу аспаптарының нысанын.