18. Айналдыра соғушы

2-разряд

Жұмыс сипаттамасы. Сіңірілген қағаз бен матадан стержень айналмасын қолмен жасау процесін жүргізу. Дайындамаларды барабанға салу және белгіленген тәртіппен орналастыру. Стерженьдерді барабанда қажетті мөлшерге дейін өңдеу. Жабдықтың температура режимін қадағалау. Қажетті шикізатты маркасы мен мөлшеріне қарау іріктеу және ілу.

Білуге тиіс: қызмет көрсететін жабдықтың құрылымы мен жұмыс принципін; стержень айналмасын қолмен жасауға қолданылатын сіңірілген қағаз бен матаның сұрыптары мен маркаларын температураның стержень сапасына әсерін.

19. Электр оқшаулау бұйымдарын ораушы

3-разряд

Жұмыс сипаттамасы. Электр оқшаулау бұйымдарын орау процесін механикалық орау станоктарында жүргізу. Орама мен өзектерді орнату, материалды станокқа қою. Дұрыс және біркелкі орауды қадағалау, қыртыстарды жою. Орау станогы валдарының температуралық режимін бақылау-өлшеу аспаптарының көрсеткіштері бойынша реттеу. Материал оралған өзекті станоктан электротельфердің көмегімен түсіріп алу. Станокты тазалау және майлау, ұсақ ақауларын жою.

Білуге тиіс: орау станоктарының құрылымын, жұмыс принципін және оны басқаруды; орау жылдамдығын реттеу ережесін; бақылау-өлшеу аспаптарының нысанын және пайдалану ережесін; валдардың температурасын реттеу тәсілдерін; орау сапасының температуралық режимге тәуелділігін; электр оқшаулау материалдарының маркаларын.

20. Электр оқшаулау бұйымдарын ораушы

4-разряд

Жұмыс сипаттамасы. Электр оқшаулау бұйымдарын орау процесін роторлы-агрегаттық станоктар мен жартылай автоматтарда жүргізу. Материалды, өзекті және жабдықты жұмысқа дайындау. Материалды ыстық өзекте термоөңдеу. Термоөңдеу уақытын, валдардың температуралық режимін және полотноның барынша керілуін реттеу. Орама қалыңдығын берілген параметрлер бойынша есептеу. Журналға жазба жүргізу.

Білуге тиіс: роторлы-агрегаттық станоктар мен жартылай автоматтардың құрылымын, жұмыс принципін; электр оқшаулау материалдарын орау және термоөңдеу режимдерін; орама қалыңдығын есептеу әдістемесін; орауға қолданылатын шикізаттардың қасиеттерін; май түрлерін және оларды жасау тәсілдерін.

21. Электр оқшаулау бұйымдарын ораушы

5-разряд

Жұмыс сипаттамасы. Электр оқшаулау бұйымдары мен шықпа өзектерге арналған қатты оқшаулау өзекшелерді орау процесін бір позиционды және көп позиционды станоктар мен автоматтарда жүргізу. Материалдарды орау процесінде терморадиациялық пісіру. Орау қалыңдығын автоматты басу құралының көмегімен анықтау. Орау жылдамдығын реттеу. Сәуле көзі мен өзек арасындағы қашықтықты іріктеу. Сәуле көзіндегі қысымды және оралған материалдың өзектен алыну уақытын бақылау.

Білуге тиіс: бір позиционды және көп позиционды станоктар мен автоматтардың құрылымын, жұмыс принципін және жұмыс ережесін; орау және режимдері ережесін және реттеу тәсілдерін; пісіру режимі мен материалдардың шығыс нормасын; графитті ерітінді жасау тәсілдерін; электр оқшаулау бұйымдарына қойылатын техникалық талаптарды.

22. Слюданы күйдіруші

2-разряд

Жұмыс сипаттамасы. Слюданың қалдықтарын конвейерлі электр пешінде күйдіру процесін біліктілігі анағұрлым жоғары күйдірушінің басшылығымен жүргізу. Слюданы күйдіруге дайындау, оны өлшеу және бункерге салу. Пештің температуралық режимін қадағалау.

Білуге тиіс: электр пешінде жұмыс принципі мен пайдалану ережесін; слюданың қалдықтарын күйдірудің технологиялық процесін; слюданы өлшеу және бункерге салу ережесін; слюдаға қойылатын талаптарды.