47. Трубкалы электр қыздырғыштарды редуцирлеуші

3-разряд

Жұмыс сипаттамасы. Трубкалы электр қыздырғыштарды арнаулы прокат редукциондық стандарда суық күйінде редуцирлеу. Трубкалы электр қыздырғыштардың ұзындығы мен диаметрін бақылау-өлшеу құралы мен аспаптарының көмегімен өлшеу. Станның прокат ұшын баптау.

Білуге тиіс: арнаулы прокат редукциондық стандарының құрылымын, жұмыс принципі мен баптау ережесін; станның прокат ұшын труба болатының маркасына қарай реттеу тәсілдерін; бақылау-өлшеу құралы мен аспаптарының нысаны мен қолдану ережесін; редуцирлеу кезінде металл деформациясына әсер ететін металлдың механикалық қасиеттерін.

48. Конденсатор пакеттерін құрастырушы

2-разряд

Жұмыс сипаттамасы. Пакеттегі секция саны 60 дейін болған кезде, жекелеген секцияларды топтарға және топтарды күштік конденсатор пакеттеріне құрастыру. Құрастырылған пакеттерді шағын қуатты қарапайым механикалық және гидравликалық пресстерде престеу. Жинақталатын пакет секцияларында ток жеткізгіштердің дұрыс орналасуын тексеру. Секцияларды сырттай қарап бракқа шығару. Қызмет көрсететін жабдықты баптау.

Білуге тиіс: жинақталатын пакеттердің нысанын, олардың негізгі электр сипаттамалары мен қосылу сызбаларын; шағын қуатты қарапайым механикалық және гидравликалық пресстердің құрылымын, жұмыс принципі мен пайдалану ережесін; құрастыруға келіп түсетін секциялар мен конденсатор пакеттері басқа да бөлшектерінің ақау түрілері мен оларды анықтау және жою тәсілдерін; пакет жиынтығына енетін әр бөлшектің функциясын, оның консенсатор сапасына әсерін; күштік конденсаторлардың жұмыс принципін.

49. Конденсатор пакеттерін құрастырушы

3-разряд

Жұмыс сипаттамасы. Пакеттегі секция саны 60-тан жоғары болған кезде, жекелеген секцияларды топтарға және топтарды күштік конденсатор пакеттеріне құрастыру және престеу. Күрделі электр сызбалы және тартпа планкілі пакеттерді құрастыру. Пакеттерді пленкалы диэлектрикпен және кесілмеген оқшаулаумен жартылай автомат-пресстер мен автоматтарда престеу. Пакет сыйымдылықтарын түрлі тәсілдермен жеткеру. Сыйымдылықты анықтау үшін бақылау-өлшеу аспаптарын пайдалану. Секция салмаларын кезегімен қоса отырып пакеттерді құрастыру және престеу.Пакеттердегі секцияларды тұрақты ток кернеуімен брактау.

Білуге тиіс: түрлі типтегі күштік конденсаторлардың нысанын, құрылымы мен жұмыс принципін; пресс-автоматтар мен жартылай автоматтардың құрылымын, жұмыс принципі мен пайдалану ережесін; жинақталған пакеттерге қойылатын техникалық талаптарды; оқшаулау материалы ылғалдылығы мен қалыңдығының электр беріктігі мен сіңбеген пакет сыйымдылықтарына әсерін; бақылау-өлшеу аспаптары мен құралын пайдалану ережесін; пакеттердегі секцияларды кернеумен сынауға арналған қондырғының құрылымы мен жұмыс принципін; электр техника жөніндегі негізгі деректерді орындалатын жұмыс көлемінде.

50. Сынап тіктеуіштерін құрастырушы

1-разряд

Жұмыс сипаттамасы. Сынап тіктеуіштерінің қарапайым тораптарын біліктілігі анағұрлым жоғары құрастырушының басшылығымен құрастыру. Бөлшектерді вакуумді құрастыруға дайындау: бөлшектерді карцтеу, бензинде және басқа да ерітінділерде жуу, сүрту және қысылған ауамен үрлеу. Сынап тіктеуіштерінің қарапайым тораптарын жасау және қарапайым слесарлік-құрастыру жұмыстарын орындау. Құрастырылатын бөлшектерді құрастыру орнына тасымалдау.

Білуге тиіс: вакуумді құрастыру алдындағы дайындық жұмыстарының түрлері мен нысандарын; қарапайым жұмыс және өлшеу құралы мен айлабұйымдарды нысаны мен пайдалану ережесін; слесарлік өңдеу тәсілдерін; вакуумді гигиена ережесін; қолданылатын ерітінділердің қасиеттерін және олармен жұмыс істеу ережесін; дайындалатын бөлшектерге қойылатын техникалық талаптарды.