45. Электр өлшеу аспаптарын реттеуші-градуирлеуші

4-разряд

Жұмыс сипаттамасы. 0,5-тен 0,1 дейінгі сыныпты электр өлшеу аспаптары шәкілдерін арнаулы қондырғыларында градуирлеу. Аспаптарды абсолюттік және салыстырмалы қателерін есептей отырып тексеру. Түзету кестесін жасау. Аспаптарды әртүрлі бақылау-өлшеу аспаптарының көмегімен сынау. Аспаптардың нақты немесе дұрыс жұмыс істемеуінің себептерін анықтау және шабақтау ақауларын жою. Күрделі қоспа сызбаларын жасау.

Білуге тиіс: күрделі электр өлшеу аспаптары мен механизмдерінің құрылымы мен өзара әрекетін; ток өткізуші және оқшаулау материалдарының негізгі қасиеттерін; қарсылықты өлшеу ережесін; күрделі градуирлеу қондырғыларының, өлшеу және электр өлшеу аспаптарының, күрделі электр магнит, сағат және басқа да механизмдердің күрделі жүйелерінің нысаны мен жұмыс принципін; электр техника заңдары негіздерін.

Жұмыс үлгілері

1. Көп шекті авометрлер - реттеу, жеткеру және барлық өлшеу шектерін градуирлеу.

2. Көп шекті, жылжымалы және өздігінен жазатын ампервольтметрлер - реттеу, жеткеру және барлық өлшеу шектерін градуирлеу.

3. Толқын өлшегіштер – реттеу және кесте мен графикті жасай отырып градуирлеу.

4. Үлгілік катушкалар – электр тексеру және түпкілікті жеткеру.

5. Мостылар - барлық өзгеру шектерін жеткере отырып реттеу.

6. Эталондық аспаптар – жөндеуден кейінгі реттеу және градуирлеу.

7. Көп шекті, жылжымалы және өздігінен жазатын аспаптар (ампервольтметрлер, ваттметрлер, жиілік өлшегіштер, фазометрлер) - реттеу, жеткеру және барлық өзгеру шектерін градуирлеу.

8. Потенциометрлер - барлық өзгеру шектерін жеткере отырып реттеу.

9. Флюксметрлер – механикалық және электр реттеу мен градуирлеу.

46. Электр өлшеу аспаптарын реттеуші-градуирлеуші

5-разряд

Жұмыс сипаттамасы. 0,1 және одан жоғары сыныпты электр өлшеу аспаптарының шәкілдерін арнаулы қондырғыларында градуирлеу, электр және механикалық реттеу. Үлгілік және эталондық электр өлшеу аспаптарын, сондай-ақ, эксперименталдық әзірлеу және игеру сатысындағы 0,5 және одан жоғары сыныпты тәжірибелік үлгілерді реттеу, жеткеру және градуирлеу. Күрделі арнаулы өлшеу қондырғыларын баптау. Электр өлшеу аспаптарының есебін шығару. Кесте жасау және аспап сипаттамаларын түсіре отырып , сынақ жүргізу.

Білуге тиіс: дәлдік сыныбы жоғары күрделі электр өлшеу аспаптарының құрылымы, нысанын, жұмыс принципі мен конструктивтік ерекшеліктерін; күрделі өлшеу қондырғыларының сызбасын және оларды баптау ережесін; эталондық және үлгілік аспаптарға қойылатын талаптарды; аспап сипаттамаларын түсіре отырып , сынақ жүргізу ережесін; электр өлшеу аспаптарының есебін шығару әдістерін; өлшеу нәтижелері бойынша график жасау ережесін.

Жұмыс үлгілері

1. Толық қарсыласу өлшеуіштері - тексеру, реттеу және барлық өлшеу шектерін градуирлеу, кесте мен график жасау.

2. Үлгілік катушкалар – түпкілікті жеткеру.

3. Көп шекті, жылжымалы және өздігінен жазатын микроамперметрлер мен милливольтметрлер - тексеру, реттеу, баптау және градуирлеу.

4. Авариялық режимдерді жазуға арналған өздігінен жазатын қалқанды аспаптар - тексеру, реттеу және баптау.

5. Көп шекті шунттар – түпкілікті жеткеру.