42. Электр техникалық бұйымдарды сіңірмелеуші

5-разряд

Жұмыс сипаттамасы. Бөлшектер мен ірі габаритті бұйымдарды жеке құйылмасы бар және аралық жеткізушімен жылытылатын термовакуумді қондырғыларда сіңірмелеу, кептіру, компаундирлеу және лактау процесін жүргізу. Күрделі және бірегей вакуум жабдығын жұмысқа дайындау. Трансформаторлар мен конденсаторларға құю стакандарының көмегімен және коллектор арқылы сіңірмелеу сұйықтарын: диоктилфталат және фенилксилилэтан қарапайым немесе вакууммен құю. Ірі электр машиналарын, турбогенераторлар орамдарын герметикалық буып-түю және оларды арнаулы рамаларға бекіту. Вакуум насостары мен температура режимдерін автоматты реттеу жүйелеріне қызмет көрсету. Процес барысын бақылау-өлшеу аспаптарының көмегімен бақылау. Технологиялық құжаттаманы жүргізу.

Білуге тиіс: термовакуумді өңдеуге жататын электротехникалық бұйымдардың құрылымдық ерекшеліктерін; термовакуумді қондырғылардың құрылымын, пайдалану ережесін; автоматты және қолмен басқару режимдеріндегі қондырғы жұмысының принциптік сызбасын; техникалық құжаттаманы жүргізу ережесін; вакуумді техниканың теориялық негіздерін.

Жұмыс үлгілері

1. Корпустік оқшаулау – эпоксидті шайыр негізіндегі термореактиті компаундымен вакуум айдау тәсілімен сіңірмелеу.

2. Жеке орындаудағы электр машиналары – сіңірмелеумен вакуумде кептіру

3. Электр машиналарының орамдары - кептіру, сіңірмелеу және гидростатикалық престемелеу.

4. Гидро және турбогенераторлардың стерженьдері мен қосу шиналары - кептіру, сіңірмелеу және гидростатикалық престемелеу.

5. Қуаты 200 кВт жоғары электр машиналарының зәкірлері - сіңірмелеу.

43. Электр өлшеу аспаптарын реттеуші-градуирлеуші

2-разряд

Жұмыс сипаттамасы. 1,5 сыныпты және одан төмен электр өлшеу аспаптары шәкілдерін арнаулы градуирлеу қондырғыларында градуирлеу. Электр өлшеу аспаптарын бапталған арнаулы қондырғыларда электрлі және механикалық реттеу әрі баптау. Қарапайым сызбаларды құрастыру және бөлшектеу, қарсылық және оқшаулауды сынау.

Білуге тиіс: реттелетін аспаптардың тораптары мен механизмдерінің құрылымын, нысаны мен жұмыс принципін; қарапайым реттеу және градуирлеу қондырғыларының құрылымын және оларды пайдалану ережесін; ток өткізуші және оқшаулау материалдарының негізгі қасиеттерін; тізбенің түрлі буындарындағы қарсылықты өлшеу тәсілдерін; шектеулер мен жол берулер жүйесі туралы қарапайым деректерді; электр қауіпсіздігінің негізгі ережелерін.

44. Электр өлшеу аспаптарын реттеуші-градуирлеуші

3-разряд

Жұмыс сипаттамасы. 1,5-тен 0,5-ке дейінгі сыныпты электр өлшеу аспаптары шәкілдерін арнаулы градуирлеу қондырғыларында градуирлеу. Электр өлшеу аспаптарын катушкаларды магнитті шунтпен жеткеру, магнитсіздендіру, стандартты катушкаларды іріктеу әдісімен және басқа да әдістермен бапталған арнаулы қондырғыларда электрлі және механикалық реттеу әрі баптау. Сыналатын және градуирленетін электр өлшеу аспаптарына сынақ жүргізу. Аспаптардың жарамсыздығы себептерін анықтау және анықталған ақауларды жою.

Білуге тиіс: құрастырылған аспаптағы түрлі тораптар мен механизмдерінің құрымын және өзара іс-әрекетін; қолданылатын реттеу және градуирлеу қондырғыларының құрылымы мен нысанын, оларды баптау ережесін; электр магнитті, магнитті электр, есептеу, саған және басқа да ұқсас механизмдердің әртүрлі жүйелерінің әрекет ету принциптерін аспаптарды механикалық және слесарлік өңдеу және құрастыру әдістерін; электр техника негіздерін.

Жұмыс үлгілері

1. Ваттметрлер мен фазометрлер - реттеу, градуирлеу және көрсеткіштерін тексеру.

2. Өздігінен жазатын вольтамперметрлер - реттеу, градуирлеу және көрсеткіштерін тексеру.

3. Баллистикалық гальванометрлер - магнитті шунтпен реттеу, арретир жұмысын тексеру және реттеу, көрсеткіштерін тексеру.

4. Электр өлшеу аспаптары - магнитсіздендірумен реттеу және декадалық қайта қосқыштарды жеткеру.