35. Шунттарды жеткеруші

2-разряд

Жұмыс сипаттамасы. Шунттардың қарсыласуларын 0,1% дейін фрезерлеу немесе техникалық шарттарға сәйкес арнаулы айлабұйымдармен кесіп алу әдісімен жеткеру. Шунттардың қарсыласу мөлшерін есептеу. Қарсыласуды анықтауға арналған арнаулы қондырғыны сызба бойынша және өздігінен құрастыру. Фрезер станогын қажетті типтегі және мөлшердегі фрездары мен арнаулы қысқыш айлабұйымын орната отырып реттемелеу. Кесте бойынша кесу режимдерін таңдау. Шунттардың қарсыласуларын күйдірмелеу әдісімен өрескел жеткеру.

Білуге тиіс: шунттардың қарсыласуларын жеткеру ережесін; қарапайым жазықтықты-фрезер станоктары мен қарсыласуларды фрезерлеу әдісімен жеткеруге арналған айлабұйымдардың құрылымын және олармен жұмыс істеу жолдарын; бақылау-өлшеу аспаптарының нысанын және оларды пайдалану ережесін; аспаптар мен қондырғылардың қоректендіргіш көздерін; слесарлық өңдеу негіздерін; шунттардың қарсыласуларын есептеу ережесін; электр техника жөніндегі негізгі деректерді; қатты әсер ететін қышқылдармен жұмыс істеу ережесін.

36. Шунттарды жеткеруші

3-разряд

Жұмыс сипаттамасы. Шунттардың қарсыласуларын 0,1%-ден 0,01% -ге дейін фрезерлеу, кесіп алу немесе күйдірмелеу әдісімен жеткеру. Шунттардың қарсыласу мөлшерін кестені қолдана отырып формула бойынша анықтау. Қарсыласуды баптай отырып анықтау үшін күрделі құрылғыларды пайдалану. Қарсыласу шегіне қарай түрлі концентрациядағы қышқыл ерітінділерін жасау.

Білуге тиіс: әртүрлі шунттардың қарсыласу жеткерудің негізгі тәсілдерін; қарсыласуды қарсылық мостылары мен түрлі типтегі потенциометрлердің көмегімен өлшеу ережесін, олардың құрылымын және жұмыс принципін; қолданылатын күшті әсер етуші қышқылдардың қасиеттерін және түрлі концентрациядағы қышқыл ерітінділерін жасау тәсілдерін; қарсыласуды анықтаудың негізгі формулаларын.

37. Шунттарды жеткеруші

4-разряд

Жұмыс сипаттамасы. Шунттардың қарсыласуларын 0,01% -ден жоғары фрезерлеу, кесіп алу немесе шунтирлеу әдісімен түпкілікті жеткеру. Шунттардың қарсыласуларын анықтауға арналған күрделі қондырғыларды баптау және реттеу. Жеткерілетін шунттарды бақылау-өлшеу аспаптарының көрсеткіштері бойынша есептеу. Қарсыласу шегіне және шунт типіне қарай жеткеру әдісін таңдау.

Білуге тиіс: әртүрлі типтегі шунттардың шағын қарсыласу шамасына қарай жеткерудің негізгі тәсілдерін; қарсыласу шегіне және шунт типіне, жеткеру тәсілі мен квалитетіне қарай қарсыласу есебі әдістемесін; жоғары квалитетті шунттарды жеткерудің ерекшеліктері мен оған қойылатын техникалық талаптарды; шунттарды жеткеруге арналған барлық типтегі арнаулы қондырғыларды.

38. Электротехникалық бұйымдарды сіңірмелеуші

1-разряд

Жұмыс сипаттамасы. Бөлшектерді, бұйымдар мен материалдарды кейіннен кептіре отырып, ванналарға батыру әдісімен сіңірмелеу процесін жүргізу. Ваннаға электролит құю және оны қажетті деңгейде ұстау. Ваннаны толтыру, сіңірмеленген бөлшектерді, бұйымдар мен материалдарды алу және кептіруге қою. Картонаж бөлшектерді қыздырмасы бар ванналарда электролиттермен сіңірмелеу. Сіңірмелеу сапасын сырттай қарап анықтау.

Білуге тиіс: сіңірілім нысаны және сіңірмеленген бөлшектерге, бұйымдар мен материалдарға, электр техникалық бұйымдар мен материалдарға қойылатын негізгі талаптарды; сіңірмелеу және кептіру режимдерін; сіңірмелеу материалдарымен және электролиттермен жұмыс істеу ережесін; сіңірмелеу және кептіру жабдығының құрылымын және оны пайдалану ережесін.

Жұмыс үлгілері

1. Қағаз, тесьма, мақтақағаз полотносы, электр картон – сіңірмелеу.

2. Қатты оқшаулау бөлшектері – лак сіңірмелеу.

3. Электр машиналарының бөлшектері мен оқшаулау материалдары - вакуумсіз сіңірмелеу және кептіру.

4. Электр көмір бұйымдары - балқытылған парафинді сіңірмелеу.

5. Электр аппараттарының катушкалары – лак құйылған ваннаға батырып әдісімен сіңірмелеу.

6. Ағаш қалыптар мен қиықтар - оқшаулау лактарымен сіңірмелеу.

7. Электр картоннан жасалған салмалар - оқшаулау лактарымен сіңірмелеу және кептіру.

8. Статор катушкаларының секциялары – жуу және катушка ұштарын лактан тазарту.