30. Зарядталған бөліктерді жылдамдатқыштарды баптаушы

6-разряд

Жұмыс сипаттамасы. Электронды жылдамдатқыш желілерін бос жүріспен және жұмыс режимінде баптау. Технологиялық желілерді зарядтау сызбасын тексеру. Электронды пушкаларды жоғары вакууммен сынау. Гелийлі және голоидті ағын сынағыштарды жұмыс режиміне шығару. Жылдамдатқыштың ағытушы және вакуумді жүйелерін жөндеу және баптау. Электронды жылдамдатқыштарды жөндеуден кейін баптау.

Білуге тиіс: электронды жылдамдатқыш желілерінің құрылымын; жоғары вольтті түзеуіш, электронды-сәулелі пушкалар мен электронды-сәулелі трубкалардың құрылымын; күрделі бақылау-өлшеу аспаптарын пайдалану ережесін; негізгі тораптар мен блоктардың электр сызбаларын.

31. Конденсатор пакеттерін дәнекерлеуші

1-разряд

Жұмыс сипаттамасы. Жоғары вольтті және төмен вольтті күштік конденсаторларды дәнекерлеуге дайындау. Дәнекерлеу үшін қажетті бөлшектерді дайындау.

Білуге тиіс: электр дәнекерлеуіштердің құрылымы мен олармен жұмыс істеу ережесін; конденсатор пакеттеріндегі сақтандырғыштар мен мойнақтардың нысанын, оларды іріктеу және дайындау ережесін; дәнекерлер мен флюстардың нысаны мен қолдану жолдарын.

32. Конденсатор пакеттерін дәнекерлеуші

2-разряд

Жұмыс сипаттамасы. Жоғары вольтті және төмен вольтті күштік конденсаторлардың құрастырылған пакеттерін кейінгі қосылу сызбасымен және параллельді сақтандырғышсыз сызбамен дәнекерлеу. Қажетті көлемдегі және қимадағы мойнақтарды дәнекерлеу. Әртүрлі дәнекерлер мен флюстардың көмегімен берік, таза және біркелкі дәнекерлеуді қамтамасыз ету.

Білуге тиіс: жоғары вольтті және төмен вольтті күштік конденсаторлар пакеттеріндегі секциялардың қосылу сызбасын; жинақталған пакеттегі ток әкету мойнақтары мен салмаларының нысанын және оларды іріктеу ережесін; әртүрлі типтегі конденсаторлардың жұмыс принципін; дәнекерлер мен флюстардың құрамы мен қолдану ережесін; сызбалар мен чертеждерді оқуды, орындалатын жұмыс көлемінде.

33. Конденсатор пакеттерін дәнекерлеуші

3-разряд

Жұмыс сипаттамасы. Жоғары вольтті және төмен вольтті күштік конденсаторлардың құрастырылған пакеттерін параллельді сызбамен сақтандырғыштармен дәнекерлеу. Қажетті құрылымдағы дәнекерлегішті дайындау және белгілі бір дәнекер маркасын таңдау. Сақтандырғыштарды, салқындату трубкалары мен ток әкеткіштерді дәнекерлеу. Пакетті трубкамен жинақтау. Дәнекер артықшаларын алу.

Білуге тиіс: түрлі күштік конденсаторлардың құрылымы мен қосылу сызбасына қарай олардың жұмыс принципін; дәнекерлеудің технологиялық кезектілігін; электр дәнекерлегіштердің қызу қуаты мен температурасын анықтау ережесін; дәнекерлер мен флюстардың негізгі қасиеттерін; дәнекерлерді балқыту температурасын; флюстардың нысанын; электротехника жөніндегі негізгі деректерді.

34. Конденсатор пакеттерін дәнекерлеуші

4-разряд

Жұмыс сипаттамасы. Жоғары вольтті және төмен вольтті күштік конденсаторлардың жұлдызшаға және үшбұрышқа қосылған құрастырылған пакеттерін аралас қосылу сызбасымен дәнекерлеу. Пакет секциялары мен ток жеткізуші шина арасында салмаларды орнату. Шиналарды дәнекерлеу. Мамандандырылған дәнекерлеу қондырғыларымен сызбаларды дәнекерлеу.

Білуге тиіс: түрлі күштік конденсаторлардың құрылымын; мамандандырылған дәнекерлеу қондырғыларының нысанын, құрылымы мен жұмыс принципін; пакет секцияларының қосылу сызбасын; дәнекердің дәнекерлеу сапасы мен қосылудың механикалық беріктігіне әсерін; электр техника жөніндегі негізгі заңдарды.