26. Трубалы электр қыздырғыштарды толтырушы

3-разряд

Жұмыс сипаттамасы. Трубалы электр қыздырғыштарды периклазбен немесе басқа да ұқсас толтырғышпен 5-ке дейін шпинделі бар толтырғыш машинада толтыру. Толтырғыш машинаның бағыттаушы трубкасын электр қыздырғыштың әрбір трубасына кезекпен енгізу. Толтырғышты дозалау. Электр қыздырғыштың толтырылу жылдамдығын реттеу. Трубалы электр қыздырғыштарды толтырғыш машинадан алу. Машинаның механизмдері мен тораптарын қою және баптау. Трубалы электр қыздырғыш элементтерін құрастыру кезіндегі барлық слесарлық жұмыстарды орныдай отырып түпкілікті құрастыру. Трубкаларды электр қыздырғыш пештерде күйдіру. Трубкалы элемент ұштарын шикіқұраммен герметизациялау. Трубалы электр қыздырғыш элементтерін сынауға дайындау.

Білуге тиіс: электр қыздырғыштарды толтырғыш машинада толтыру процесін; құрастыру кезінде қолданылатын толтырғыш машина мен жабдықтың құрылымы мен жұмыс режимін; электр қыздырғыштың толтырылу жылдамдығын реттеу тәсілдерін; машинаның механизмдері мен тораптарын баптау ережесін; трубалы электр қыздырғыш элементтерінің жұмыс принципін, оларды құрастыруға қойылатын талаптарды.

27. Трубалы электр қыздырғыштарды толтырушы

4-разряд

Жұмыс сипаттамасы. Трубалы электр қыздырғыштарды периклазбен немесе басқа да ұқсас толтырғышпен 5-тен артық шпинделі бар толтырғыш машинада толтыру. Толтырылған трубалы электр қыздырғыш оқшаулауының электр беріктігін тексеру. Трубалы электр қыздырғыштардың дірілдеу деңгейін реттеу. Машинаның механизмдері мен тораптарын қою және баптау.

Білуге тиіс: әртүрлі типтегі толтырғыш машиналарының құрылымы мен кинематикалық сызбасын; толтырылған трубалы электр қыздырғыш оқшаулаудың электр беріктігін тексеру ережесін; машинаның механизмдері мен тораптарын баптау ережесін; электр қыздырғыштардың дірілдеу деңгейін реттеу ережесін.

28. Зарядталған бөліктерді жылдамдатқыштарды баптаушы

4-разряд

Жұмыс сипаттамасы. Электронды жылдамдатқыштардың жекелеген тораптары мен блоктарын біліктілігі анағұрлым жоғары баптаушының басшылығымен баптау. Қашықтықтан басқару блоктарын ауыстыру. Жайма және электр механикалық құрылғыларды баптау. Беруші және қабылдаушы құрылғыларды реттеу. Таспаларды тазарту.

Білуге тиіс: электронды жылдамдатқыш тораптары мен блоктарының нысаны мен жұмыс принципін; сәулелендіруші бұйымдардың түрлері мен мөлшерлерін; электроника жөніндегі негізгі деректерді орындалатын жұмыс көлемінде; жалпы және радиациялық қауіпсіздік техникасы ережесін.

29. Зарядталған бөліктерді жылдамдатқыштарды баптаушы

5-разряд

Жұмыс сипаттамасы. Электронды жылдамдатқыштардың жекелеген тораптары мен блоктарын баптау. Электронды жылдамдатқышты жұмыс режиміне шығару. Электр магнитті муфталарды орнату және баптау. Күштік редукторлар мен қабылдаушы құрылғыларды бөлшектерін жеткере отырып құрастыру. Жоғары вольтті түзеуіш секциялары мен ұстындарын электр резонансқа тексеру. Вакуумді жүйенің блоктары мен тораптарын жеткеру және баптау. Блоктар мен тораптарды өлшеу аппаратурасы кешенінің көмегімен тексеру. Қашықтықтан басқару блоктарын жөндеу және баптау.

Білуге тиіс: электронды жылдамдатқыштың құрылымын; вакуумді құрылғыны баптау ережесін; жылдамдатқышты номинальдік энергияға дейін жеткізу әдістемесін; бақылау-өлшеу аспаптарын пайдалану ережесін.