19. Электр оқшаулау бұйымдары мен материалдарын лактаушы

2-разряд

Жұмыс сипаттамасы. Электр оқшаулау бұйымдары мен материалдарын батыру, тозаңдату немесе әдісімен кистімен қолмен бір және бірнеше мәрте лактау процесін жүргізу. Материалдар мен бұйымдарды лактауға дайындау, сұрыптау және тазарту Лакты, айлабұйымдарды дайындау. Жұмыс орнын дайындау, желдеткішті қосу. Ораулы бұйымдарды, ламельдерді, слюдаланған электр оқшаулау материалдарын және т.б. ванналарда батыру, тозаңдату, үстінен құю әдісімен немесе кистімен біркелкі лактау. Лакталған бұйымдарды ауада кептіру үшін немесе арнаулы жазық және тік пештерде кептіру үшін айлабұйымдарға орнату. Қаңылтырларды арнаулы машиналарда қағазбен жапсырмалау және газбен, мұнаймен немесе электр қыздырылатын конвейерде кептіру. Жабдықты тазалау.

Білуге тиіс: лактауға дайындық операцияларының орындалу кезектілігін; электр оқшаулау бұйымдары мен материалдарын лактау жолдарын, қолданылатын лактың маркалары мен қасиеттерін; лакталған бұйымдар мен материалдарды кептіру пештеріне салу әдістерін және оларда пеште орнатуды; пешпен кептіру режимдерін; ауамен кептіру кезінде бұйымның дайындығын анықтау әдістерін; жапсыру машиналарын басқаруды; пульверизатордың құрылымын және оларды пайдалану ережесін; брак түрлерін және олардың алдын алу тәсілдерін.

20. Электр оқшаулау бұйымдары мен материалдарын лактаушы

3-разряд

Жұмыс сипаттамасы. Электр оқшаулау бұйымдары мен материалдарын газбен қыздырылатын лактау машиналарында лактау және парафиндеу процесін жүргізу. Жабдықты дайындау және баптау. Бұйымдарды лактау машинасының қабылдау механизміне орнату, желім мен лакті ваннаға құю. Қағазды, фольганы және орамадағы оқшаулау материалдарын, үздіксіз жылжыған таспаға оны ваннадан өткізген кезде лак қабатты автоматты жағумен және сіңірілетін құраммен лактау.

Білуге тиіс: газбен қыздырылатын лактау машиналарының құрылымын, нысанын және баптау мен басқару ережесін; бұйымдар мен материалдарды механикалық лактаудың жолдары мен тәсілдерін; материал таспасының жылжу жылдамдығын реттеуді; салынатын лак қабатының қалыңдығын; лактар мен сіңірілетін құрамның тұтқырлығы мен консистенциясын анықтау әдістерін; брак түрлерін және олардың алдын алу тәсілдерін.

21. Электр оқшаулау бұйымдары мен материалдарын лактаушы

4-разряд

Жұмыс сипаттамасы. Электр оқшаулау бұйымдары мен материалдарын электрмен қыздырылатын лактау машиналарында лактау және парафиндеу процесін жүргізу. Лакті бұйымдар мен материалдарға білікшемен жағу. Лактайтын материалдың қалыңдығына және лакті пленканың қалыңдығына қарай білікше аралығын реттеу. Лак пленкасының омдік қарсылығын арнаулы қондырғыда өлшеу. Температура режимдерін аймақ бойынша бақылау-өлшеу аспаптарының көрсеткіштері бойынша реттеу. Ашық пазды және саңылаулы күрделі конфигурация сегменттерін синтетикалық, полиэфироэпоксидті және кремний органикалық лактармен лактау.

Білуге тиіс: электрмен қыздырылатын лактау машиналарының құрылымын, нысанын және баптау мен басқару ережесін; бақылау-өлшеу аспаптары мен арнаулы қондырғылардың нысанын және пайдалану ережесін; қолданылатын лактардың рецептурасы мен қасиеттерін; бұйымдар мен материалдарды лактау кезінде талап етілетін температура режимдерін; лакталған бұйымдар мен материалдар сапасына қойылатынға техникалық талаптарды.

_