Рэспубліка Беларусь – незалежная дзяржава
Пасля няўдалай спробы дзяржаўнага перавароту ў Маскве, што мела месца 19—21 жніўня 1991 года, 25 жніўня таго ж, 1991-га, Вярхоўны Савет БССР на спецыяльнай сесіі прыняў пакет дакументаў, у якіх былі зафіксаваны незалежнасць, палітычная і эканамічная самастойнасць Беларусі.
А прынятай 27 ліпеня 1990 года "Дэкларацыі аб дзяржаўным суверэнітэце Беларускай Савецкай Сацыялістычнай Рэспублікі" быў афіцыйна нададзены статус Канстытуцыйнага закона Беларусі.
51
Рэспубліка Беларусь – незалежная дзяржава
19 верасня 1991 года на сесіі Вярхоўнага Савета ХІІ- га склікання была зацверджана новая афіцыйная назва нашай суверэннай і незалежнай дзяржавы — Рэспубліка Беларусь, а таксама новыя дзяржаўныя сімвалы — герб "Пагоня" і бела-чырвона-белы сцяг.
Падчас зацвярджэння "Пагоні" як дзяржаўнага герба Рэспублікі Беларусь вышэйшы заканадаўчы орган - Вярхоўны Савет кіраваўся тым, што ён з'яўляўся старадаўнім сімвалам беларускіх зямель: "Пагоня" была гербам Вялікага княства Літоўскага, яе выява знойдзена нават на гербах Полацкага княства.
52
Рэспубліка Беларусь – незалежная дзяржава
Наступным крокам да сапраўднай і поўнай незалежнасці Рэспублікі Беларусь стала падпісанне пагаднення аб утварэнні Садружнасці Незалежных Дзяржаў (СНД).
Гэта адбылося 8 снежня 1991 года ва ўрадавай рэзідэнцыі Віскулі на тэрыторыі Белавежскай пушчы. Падпісалі пагадненне кіраўнікі Расіі, Украіны і Беларусі — Барыс Ельцын, Леанід Кучма і Станіслаў Шушкевіч.
53
Рэспубліка Беларусь – незалежная дзяржава
10 снежня 1991 года Вярхоўны Савет Рэспублікі Беларусь ратыфікаваў пагадненне аб утварэнні Садружнасці Незалежных Дзяржаў і прыняў рашэнне аб дэнансацыі Дагавора аб утварэнні Саюза Савецкіх Сацыялістычных Рэспублік ад 30 снежня 1922 года.
Такім чынам, як адзінае дзяржаўнае ўтварэнне Саюз ССР спыніў сваё існаванне.
21 снежня на сустрэчы ў Алма-Аце кіраўнікі незалежных дзяржаў (Азербайджан, Арменія, Беларусь, Казахстан, Кыргызстан, Малдова, Расійская Федэрацыя, Таджыкістан, Туркменія, Узбекістан і Украіна) падпісалі Дэкларацыю аб утварэнні на роўных правах Садружнасці Незалежных Дзяржаў, якая, аднак, не з'яўляецца ні адзінай дзяржавай, ні якой-небудзь наддзяржаўнай структурай.
54
Рэспубліка Беларусь – незалежная дзяржава
У 1994 у выніку першых у гісторыі Беларусі прэзідэнцкіх выбараў перамогу атрымлівае Аляксандр Рыгоравіч Лукашэнка
55
Рэспубліка Беларусь – незалежная дзяржава
Афіцыйнымі сімваламі кожнай суверэннай дзяржавы з'яўляюцца дзяржаўны герб, дзяржаўны гімн і дзяржаўны сцяг.
Герб — гэта сімвалічная эмблема, візуальны адпаведнік пэўнай асобы, роду, горада, дзяржавы.
Гербы пачалі ўзнікаць напрыканцы ХІ-га стагоддзя падчас крыжовых паходаў.
А асновай іх часцей за ўсё тады станавіліся пячаткі, што былі вядомыя яшчэ са старажытнасці.
56
Рэспубліка Беларусь – незалежная дзяржава
Дзяржаўны герб Рэспублікі Беларусь з'яўляецца сімвалам дзяржаўнага суверэнітэту нашай краіны.
Ён устаноўлены паводле вынікаў рэспубліканскага рэферэндуму, праведзенага 14 мая 1995 года на ініцыятыве Прэзідэнта Рэспублікі Беларусь.
Эталон герба і Палажэнне аб ім зацверджаны Указам Прэзідэнта РБ ад 7 чэрвеня 1995 года.
57
Рэспубліка Беларусь – незалежная дзяржава
Дзяржаўны герб уяўляе сабой геаграфічны контур Беларусі ў прамянях сонца над зямным шарам.
Зверху размешчана пяціканцовая чырвоная зорка.
Выяву абрамляе вянок з каласоў, пераплеценых справа кветкамі канюшыны, а злева - лёну.
Каласы абвіты чырвона-зялёнай стужкай, на якой золатам напісана: "Рэспубліка Беларусь".
58
Рэспубліка Беларусь – незалежная дзяржава
Гімн — гэта ўрачыста-ўзнёслая песня, таксама афіцыйны сімвал дзяржавы. Акрамя дзяржаўных, існуюць партыйныя, рэвалюцыйныя, вайсковыя, рэлігійныя, спартыўныя гімны; гімны, прысвечаныя падзеям, святам, людзям і г.д.
Дзяржаўны гімн выконваецца падчас асабліва важных урачыстасцяў: нацыянальных святаў, афіцыйных цырымоній і інш.
24 верасня 1955 года Указам Прэзідыума Вярхоўнага Савета БССР Дзяржаўным гімнам Беларускай ССР была зацверджана песня "Мы, беларусы", напісаная кампазітарам Н. Сакалоўскім на словы паэта М. Клімковіча.
Сучасны дзяржаўны гімн Рэспублікі Беларусь — тэкст і музычная рэдакцыя (ноты), а таксама Палажэнне аб ім зацверджаны Указам Прэзідэнта Рэспублікі Беларусь ад 2 ліпеня 2002 года.
Музычнай рэдакцыяй яго застаўся згаданы вышэй твор кампазітара Н. Сакалоўскага, а словамі гімна стаў ранейшы варыянт тэкста М. Клімковіча, дапоўнены і пераапрацаваны паэтам У. Карызнам.
59
Рэспубліка Беларусь – незалежная дзяржава
Сімвалам дзяржаўнага суверэнітэту кожнай краіны з'яўляецца і Дзяржаўны сцяг.
Сцяг уяўляе сабой умацаванае на дрэўку палотнішча рознай афарбоўкі і формы з надпісамі, эмблемамі, упрыгожаннямі.
Яно з'яўляецца афіцыйным сімвалам дзяржавы, знакам адрознення якой-небудзь дзяржаўнай, грамадскай, міжнароднай арганізацыі, вайсковай часці ці карабля.
Сцяг узнімаецца на будынках вярхоўных органаў дзяржаўнай улады і кіравання, пасольстваў і консульстваў, на суднах падчас знаходжання іх у плаванні і інш.
Палажэнне аб Дзяржаўным сцягу Рэспублікі Беларусь зацверджана Указам Прэзідэнта РБ ад 7 чэрвеня 1995 года па выніках праведзенага па ініцыятыве кіраўніка нашай краіны 14 мая 1995 года рэспубліканскага рэферэндуму.
60