Мазмұны

		Бет
	Нормативтік сілтемелер	2
	Анықтамалар, белгілеулер мен қысқартулар	3
	Кіріспе	6
1	Банктік капитал қалыптасуының теориялық аспектілері
	1.1 Банк ресурстары құрылымындағы банк капиталы түсінігінің экономикалық мазмұны және орыны	9
	1.2 Капиталды жоғарылатудың ішкі және сыртқы көздері	10
	1.3 Банктің меншікті капиталының жеткіліктілігін бағалау және оны анықтайтын көрсеткіштер	20
2	Екінші деңгейлі қазақстандық банктердің меншікті капиталмен қамтамасыз етілуін талдау
	2.1 Банктік жүйенің дамуының қазіргі заманғы тенденциялары	30
	2.2 Коммерциялық банктердің капиталдануын талдау	40
	2.3 Коммерциялық банктердің капиталдану деңгейінің динамикасын бағалау: сандық және сапалық аспектілер	50
3	ҚР банктік сектордың капиталдануын жоғарылату жолдары
	3.1 Банктердің дивиденттік саясатының негізгі бағыты – республика банктерінің рентабелділігін жоғарылату	60
	3.2 Банктік сектордағы қосылу және жұту банктердің капиталдануын арттырудың бір нұсқасы ретінде	70
	3.2 IPO (Initial Public Offering) – коммерциялық банктердің капиталдануын арттыру жағынан қаржы ресурстарын тартудың болашағы бар тәсілі	80
Қорытынды		92
Қолданылған әдебиеттер тізімі		97
Қосымшалар		100

Магистерлік диссертация мәтіні бойынша тізіп көрсетулер келтірілуі мүмкін. Егер тізіп көрсету символ түрінде рәсімделсе, онда әр тізімнің алдында сызықша (дефис) қойылады, нүкте, тік төртбұрыш, үшбұрыш және т.б. түрдегі символдарды қолдануға жол берілмейді.

Магистерлік диссертацияның әрбір құрылымдық элементін жаңа парақтан (беттен) бастау керек.

Магистерлік диссертация және оның құрамына кіретін қосымшаларды нөмірлеу бірінен кейін бірі жүруі керек.

Азат жолдар (қызыл жол) мәтінде бес белгіге тең (1,0 см) шегініспен басталады.

Суреттер (чертеждер, графиктер, сызбалар, диаграммалар, фотосуреттер және т.б.) тікелей ол туралы бірінші рет айтылған мәтіннен кейін немесе келесі бетте сілтеме жасай отырып орналастырылуы керек.

Суреттер компьютер арқылы жасалуы мүмкін, соның ішінде түрлі түсті қолдану арқылы. Барлық суреттерге диссертацияда сілтеме жасалуы керек.

Магистерлік диссертацияда орналастырылған барлық чертеждер, графиктер, сызбалар, диаграммалар конструкторлық құжаттардың Бірыңғай жүйесі (КҚБЖ) мемлекеттік стандарттарының талаптарына сәйкес келуі керек. А4 форматы мөлшерінен кіші фотосуреттер стандартты ақ қағаз беттеріне жапсырылуы керек.

Қосымшадағыдан басқа суреттерді араб сандарымен бірінен кейін бірін ретімен нөмірлеу керек. Суреттердің жолдың ортасына сызықша (тире) арқылы жазылған атауы болуы қажет (Мысал: Сурет 1 – Еңбек нарығының ұтымды құрылымын қалыптастыратын факторлар).

Сурет 1 – Еңбек нарығының ұтымды құрылымын

қалыптастыратын факторлар

Қажет болғанда суреттердің түсініктеме мәліметтері беріледі (суреттің астындағы мәтін).

Барлық суреттерге сілтеме болуы керек, суреттерге сілтеме жасауда «1-суретке сәйкес» деп жазу керек.

Кестелерді көрсеткіштерді салыстыру ыңғайлылығы және көрнекілік үшін қолданады. Кестенің атауы оның мазмұнын көрсетуі керек, нақты және қысқа болып кестенің үстінде азат жолсыз нөмірімен бір жолда сызықша арқылы жазылады. Кестенің бөлігін келесі бетке тасымалдауда бірінші беттегі төменгі көлденең сызықты жаппайды, келесі беттің сол жағында «Жалғасы» деп кестенің нөмірін көрсетеді, мысалы, «1-кестенің жалғасы».

Диссертацияда кестені ол туралы бірінші рет айтылған мәтіннен кейін орналастырады, немесе келесі бетте орналастырады. Барлық кестелерге диссертацияда сілтеме болуы керек. Сілтемеде «кесте» деп нөмірін көрсету керек. Қосымша кестелерінен басқа кестелердің барлығы араб сандарымен бірінен кейін бірі нөмірленеді.

Кестелерді сол, оң және төменгі жағынан сызықтармен шектейді. Кестеде мәтін шрифтынан кіші шрифті қолдануға жол беріледі (12). Кестенің жолдарын бөліп тұратын көлденең және тік сызықтардың болмауы кестені қолдануды қиындатпайтын болса, оларды жүргізбеуге жол беріледі.

Кестені рәсімдеу мысалы:

Кесте 1 – 2002-2009 ж.ж. Қазақстан Республикасындағы еңбек нарығының көрсеткіштері

Көрсеткіштер	Жыл							2009 ж. %-бен
	2003	2004	2005	2006	2007	2008	2009
								2003ж.	2008ж.
Экономикалық белсенді тұрғындар,мың адам	7399,7	7657,3	7840,6	7901,7	8028,9	8228,3	8415,0	113	102
Жұмыспен қамтылған тұрғындар, мың адам	6708,9	6985,2	7181,8	7261,0	7403,5	7631,1	7857,2	117	113
Жұмыссыз тұрғындар,мың адам	690,7	672,1	658,8	640,7	625,4	597,2	557,8	80	86
Жұмыссыздық деңгейі, %	9,3	8,8	8,4	8,1	7,8	7,3	6,6	71	78
Е с к е р т п е- [27] көз негізінде автор құрастырған

Кестенің төменгі сызығы мен мәтін арасындағы ара қашықтық 2 «бос» жол болуы керек.

Кестені рәсімдеу неғұрлым толық 2.105. Мемлекеттік стандартта сипатталған.

Ескертулерді жазбаша әріптермен азат жолдан арасын ашып астын сызбай жазу керек. Ескертулерді диссертацияда нақтылау немесе мәтін, кесте, графикалық материалдарға анықтамалық мәліметтер қажет болғанда келтіреді. Ескертулерді тікелей мәтіннен, графикалық материалдан кейін немесе кестеде орналастырады. Егер ескерту біреу болса, онда «Ескертпе» деген сөзден кейін сызықша қояды да ескертуді жазба әріптермен жазады. Бір ескертуді нөмірлемейді. Бірнеше ескертуді ретімен араб сандарымен нүкте қоймай нөмірлейді. Кестеге ескертуді кестенің соңынан кестенің аяқталғанын білдіретін сызықтың үстіне орналастырады.

Формулалар және теңдеулерді жеке жолға мәтіннен бөліп жазу керек.

әр формула немесе теңдеудің жоғары жағынан және төменгі жағынан кемінде бір бос жол қалдырылуы керек. Егер теңдеу бір жолға сыймайтын болса, онда (=) белгісінен кейін немесе плюс (+), минус (-), көбейту (х), бөлу (:) немесе басқа да математикалық белгілерден кейінкелесі жолға тасымалданады, келесі жолда белгі қайталанады. Формуланы көбейтуді білдіретін белгіден тасымалдауда "х" белгісі пайдаланылады.

Символдар мен сандық коэффициенттерге түсініктемені тікелей формуладан кейін формулада қолданылған ретін сақтай отырып беру керек. Формулаларды бүкіл диссертация шегінде араб сандарымен жақшаның ішінде ретімен жолдың оң жағында нөмірлеу керек. Тарау шеңберінде формулаларды нөмірлеуге жол беріледі, онда формуланың нөмірі нүктемен бөлінген тараудың нөмірі мен формуланың реттік нөмірінен тұрады.

Формуланы рәсімдеу мысалы:

, (1)

мұндағы: t – шекті қате t-еселенген орташа қатеден аспайтынына кепілдік беретін ықтималдыққа (р) тәуелді сенімділік коэффициенті;

σ² – зерттеліп отырған белгінің дисперсиясы;

∆ – іріктеменің шекті (берілген) қатесі;

N – зерттеліп отырған жиынтықтағы (бас) бірліктер саны.

Формулалар мен теңдеулерді қолмен қара сиямен орындауға жол беріледі..

Қолданылған әдебиет көздеріне сілтемелерді тік жақшада келтіру керек (мысалы, [1, 15-б.]). әдебиет көздері туралы мәліметті магистерлік диссертация мәтінінде сілтеме жасау ретіне байланысты орналастыру керек және нүкте қойылмаған араб сандарымен нөмірлеп азат жолдан жазу керек. Бір әдебиет көзіне бірнеше рет сілтеме жасалса, тік жақшада әдебиет көзінің реттік нөмірімен қатар, әдебиет көзінің беті көрсетіледі.

Бүкіл құжатқа немесе оның тарауларына және қосымшаларға сілтеме жасау керек. Бөлімшелерге, пункттерге, кестелерге және суреттерге сілтеме жасауға жол берілмейді. Стандарттарға және техникалық шарттарға сілтеме жасауда олардың белгіленуін ғана көрсетеді, қолданылған әдебиеттер тізімінде стандарттың толық сипаттамасы келтірілсе, онда оның бекітілген уақытын көрсетпеуге жол беріледі.

Белгілеулер мен қысқартуларды бағанға мәтінде келтірілу ретіне байланысты қажет түсініктемесімен орналастырады. Сол жақта мәтінде айтылу ретіне байланысты немесе алфавиттік тәртіппен қысқартуларды, шартты белгілеулерді, символдарды, физикалық шамалар бірліктерін, терминдерді келтіреді, оң жақта – олардың толық түсініктемесін жазады. Анықтамалар, белгілеулер және қысқартуларды "Анықтамалар, белгілеулер және қысқартулар" деген бір құрылымдық элементте келтіруге жол беріледі.

Қолданылған әдебиеттер тізімі магистерлік диссертация мәтінінде сілтеме жасау ретіне байланысты тәртіпте орналастырылған және араб сандарымен нүкте мен азат жол қойылмай нөмірленген әдебиет көздері туралы мәліметтерді қамтиды.

Қолданылған әдебиет көздерін рәсімдеу мысалы:

1 К. Хаксевер, Б. Рендер, Р. Рассел, Р. Мердик. Управление и организация в

сфере услуг, 2-е изд. / Пер. с англ. под ред. В.В. Кулибановой. СПб.: Питер, 2008. – 752 с.: – (Серия «Теория и практика менеджмента).

2 The discussion of preindustrial, industrial, and postindustrial societies ahs been

adapted from Daniel Bell, The Coming of Post-Industrial Society: A Venture in Social Forecasting (New York, Basic Books, 2006), 129 р.

3Труд и занятость населения в Казахстане. Статистический сборник. / Под ред. А.А. Смаилова / Алматы, 2001.

4 Национальная программа достойного труда в Республике Казахстан на 2007-2009 годы // Труд в Казахстане. – 2007. – №3. – С. 14-16

Қосымшаларды магистерлік диссертацияның жалғасы ретінде келесі беттерде рәсімдейді немесе жеке құжат түрінде шығарады. Қосымша құжаттың басқа беттерімен ортақ жалғасып нөмірленуі керек.

Магистерлік диссертация мәтінінде барлық қосымшаларға сілтеме жасалуы керек.Қосымшаларды магистерлік диссертация мәтінінде сілтеменің пайда болуына байланысты тәртіппен орналастыру керек.

Әр қосымшаны жаңа беттен бастап беттің жоғары жағында жолдың ортасынан «ҚОСЫМША» сөзінен, оның белгіленуінен және дәрежесінен бастау керек. Қосымшаның атауы болуы керек, оны мәтінге қатысты симметриялы түрде жеке жолда жазбаша әріптермен жазу керек. Қосымшаларды орыс алфавитінің Е, З, Й, О, Ч, Ь, Ы, Ъ әріптерін қоспағандағы бас әріптерімен, А әрібінен бастап белгілейді. «Қосымша» сөзінен кейін оның ретін көрсететін әріп жазылады. Егер орыс алфавитінің барлық әріптері қолданылған жағдайда I, O әріптерінен басқа латын әріптерін қолдануға жол беріледі.

Қосымшада келтірілген суреттерді санның алдынан қосымшаның белгіленуін қоса отырып жеке араб сандарымен нөмірлейді.Мысалы,–ҚосымшаА:СуретА.1 –Респонденттердің«Жақын болашақта қандай тұрмыстық техника алуды жоспарлайсыз?» деген сұраққа жауаптары

Қосымшада келтірілген кестелерді санның алдынан қосымшаның белгіленуін қоса отырып жеке араб сандарымен нөмірлейді. Мысалы, – Қосымша а: Кесте А1 – «Электорника әлемі» ЖШС-ң клиенттерінен сауалнама арқылы пікір сұраудың нәтижелері.

Қосымшада орналастырылған формулалар әр қосымша шеңберінде санның алдынан қосымшаның белгіленуін қоса отырып жеке араб сандарымен нөмірленуі керек, мысалы, (В1) формуласы [4].